27 ਨਵੰਬਰ, 2025 ਅਜ ਦੀ ਆਵਾਜ਼
International Desk: ਹਾਂਗਕਾਂਗ ਦੇ ਤਾਈ ਪੋ ਜ਼ਿਲ੍ਹੇ ਵਿੱਚ ਵਾਂਗ ਫੁਕ ਕੋਰਟ ਨਾਮਕ ਵੱਡੇ ਰਿਹਾਇਸ਼ੀ ਕੰਪਲੈਕਸ ਵਿੱਚ ਬੁੱਧਵਾਰ ਦੁਪਹਿਰ ਭਿਆਨਕ ਅੱਗ ਲੱਗ ਗਈ। 2,000 ਫਲੈਟਾਂ ਵਾਲਾ ਇਹ ਕੰਪਲੈਕਸ ਕੁਝ ਹੀ ਮਿੰਟਾਂ ਵਿੱਚ ਅੱਗ ਦੀ ਲਪੇਟ ਵਿੱਚ ਆ ਗਿਆ ਅਤੇ ਕਈ ਉੱਚੀਆਂ ਇਮਾਰਤਾਂ ਤੋਂ ਕਾਲਾ ਧੂੰਆ ਉੱਠਣ ਲੱਗਾ। ਹਾਦਸੇ ਵਿੱਚ ਹੁਣ ਤੱਕ 44 ਲੋਕਾਂ ਦੀ ਮੌ/ਤ ਹੋ ਚੁੱਕੀ ਹੈ, ਜਦਕਿ ਲਗਭਗ 300 ਲੋਕ ਲਾਪਤਾ ਹਨ। ਅੱਗ ਨੂੰ ਹਾਂਗਕਾਂਗ ਫਾਇਰ ਸਰਵਿਸ ਨੇ “ਲੈਵਲ-5 ਅਲਾਰਮ ਫਾਇਰ” ਘੋਸ਼ਿਤ ਕੀਤਾ ਹੈ, ਜੋ ਸਭ ਤੋਂ ਗੰਭੀਰ ਸ਼੍ਰੇਣੀ ਹੈ। 700 ਤੋਂ ਵੱਧ ਫਾਇਰਫਾਈਟਰ ਬਚਾਅ ਕਾਰਜ ਵਿੱਚ ਜੁਟੇ ਹੋਏ ਹਨ ਅਤੇ ਕਈ ਲੋਕਾਂ ਦੇ ਹਾਲੇ ਵੀ ਇਮਾਰਤ ਅੰਦਰ ਫਸੇ ਹੋਣ ਦਾ ਖਦਸ਼ਾ ਹੈ।
