ਸ੍ਰੀ ਅਨੰਦਪੁਰ ਸਾਹਿਬ ਦੀਆਂ ਪ੍ਰਮੁੱਖ ਧਾਰਮਿਕ, ਇਤਿਹਾਸਕ ਥਾਵਾਂ ਬਾਰੇ ਜਾਣਕਾਰੀ ਦੇਣ ਲਈ ਵਿਰਾਸਤੀ ਸੈਰ ਨਿਵੇਕਲਾ ਉਪਰਾਲਾ
ਸ੍ਰੀ ਅਨੰਦਪੁਰ ਸਾਹਿਬ 10 ਮਾਰਚ 2025 Aj Di Awaaj
ਜਿਲ੍ਹਾਂ ਪ੍ਰਸਾਸ਼ਨ ਨੇ ਹੋਲਾ ਮਹੱਲਾ ਮੌਕੇ ਇੱਕ ਨਿਵੇਕਲਾ ਉਪਰਾਲਾ ਕਰਦੇ ਹੋਏ ਗੁਰੂ ਨਗਰੀ ਸ੍ਰੀ ਅਨੰਦਪੁਰ ਸਾਹਿਬ ਦੇ 7 ਪ੍ਰਮੁੱਖ ਅਸਥਾਨਾਂ ਦੀ ਵਿਰਾਸਤੀ ਸੈਰ ਦਾ ਆਯੋਜਨ ਕਰਵਾ ਕੇ ਦੇਸ਼ ਵਿਦੇਸ਼ ਤੋ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਸੋਗਾਤ ਦਿੱਤੀ ਹੈ।
ਇਹ ਜਾਣਕਾਰੀ ਜਸਜੀਤ ਸਿੰਘ ਪੀ.ਸੀ.ਐਸ ਨੇ ਦਿੰਦੇ ਹੋਏ ਦੱਸਿਆ ਕਿ ਇਸ ਨਿਵੇਕਲੇ ਉਪਰਾਲੇ ਨਾਲ ਪਵਿੱਤਰ ਧਾਰਮਿਕ, ਇਤਿਹਾਸਕ ਪ੍ਰਮੁੱਖ ਥਾਵਾਂ ਬਾਰੇ ਗਾਈਡ ਸ਼ਰਧਾਲੂਆਂ ਨੂੰ ਸਮੁੱਚੀ ਜਾਣਕਾਰੀ ਦੇ ਰਹੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਵਿਰਾਸਤੀ ਸੈਰ ਕਿਲ੍ਹਾ ਫਤਿਹਗੜ੍ਹ ਸਾਹਿਬ ਤੋ ਸੁਰੂ ਹੋ ਕੇ 7 ਮਹੱਤਵਪੂਰਨ ਅਸਥਾਨਾਂ (ਗੁਰਦੁਆਰਾ ਸ੍ਰੀ ਭੋਰਾ ਸਾਹਿਬ, ਗੁਰਦੁਆਰਾ ਸ੍ਰੀ ਸੀਸ ਗੰਜ ਸਾਹਿਬ, ਸ੍ਰੀ ਗੁਰੂ ਤੇਗ ਬਹਾਦਰ ਅਜਾਇਬ ਘਰ, ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ, ਸਰੋਵਰ ਸ੍ਰੀ ਅਨੰਦਪੁਰ ਸਾਹਿਬ, ਗੁਰਦੁਆਰਾ ਕਿਲ੍ਹਾ ਆਨੰਦਗੜ੍ਹ ਸਾਹਿਬ) ਤੋਂ ਹੁੰਦੀ ਹੋਈ ਵਿਰਾਸਤ ਏ ਖਾਲਸਾ ਅਜਾਇਬ ਘਰ ਵਿਖੇ ਸਮਾਪਤ ਹੋਵੇਗੀ।
ਉਨ੍ਹਾਂ ਨੇ ਦੱਸਿਆ ਕਿ ਇਸ ਯਾਤਰਾ ਨੂੰ ਦੋ ਭਾਗਾ ਵਿਚ ਵੰਡਿਆ ਗਿਆ ਹੈ, ਪਹਿਲੀ ਯਾਤਰਾ ਦਾ ਸਮਾਂ ਸਵੇਰੇ 9 ਵਜੇ ਤੋ 12 ਵਜੇ ਤੱਕ ਅਤੇ ਦੂਜੀ ਯਾਤਰਾ ਦੁਪਹਿਰ 2 ਵਜੇ ਤੋ ਸ਼ਾਮ 5 ਵਜੇ ਤੱਕ ਹੋਵੇਗੀ। ਉਨ੍ਹਾਂ ਨੇ ਦੱਸਿਆ ਕਿ ਪ੍ਰਤੀ ਦਿਨ ਕੁੱਲ 4 ਬੈਚ 15 ਪ੍ਰਤੀਭਾਗੀਆਂ ਦੇ ਨਾਲ ਭਾਗ ਲੈਣਗੇ। ਹਰੇਕ ਭਾਗ ਵਿੱਚ 2 ਜਥੇ ਹੋਣਗੇ, 1 ਬੈਚ ਦੇ ਨਾਲ ਇੱਕ ਪੰਜਾਬੀ ਭਾਸ਼ਾ ਵਾਕ ਲੀਡਰ/ਗਾਈਡ ਅਤੇ ਦੂਜੇ ਬੈਚ ਦੇ ਨਾਲ ਇੱਕ ਅੰਗਰੇਜੀ/ਹਿੰਦੀ (ਦੋ-ਭਾਸ਼ੀ) ਵਾਕ ਲੀਡਰ/ਗਾਈਡ ਹੋਵੇਗਾ। ਇਸ ਵਿਰਾਸਤੀ ਸੈਰ ਬਾਰੇ ਹੋਰ ਵਧੇਰੇ ਜਾਣਕਾਰੀ ਜਿਲ੍ਹਾ ਪ੍ਰਸਾਸ਼ਨ, ਰੂਪਨਗਰ ਦੀ ਵੈਬਸਾਈਟ ਅਤੇ ਸੋਸ਼ਲ ਮੀਡੀਆ ਹੈਡਲਾਂ ਤੇ ਉਪਲੱਬਧ ਰਜਿਸਟਰੇਸ਼ਨ ਲਿੰਕ ਤੇ ਮੌਜੂਦ ਹੋਵੇਗੀ, ਜਿਸ ਨੂੰ ਇਸ ਸਮਾਗਮ ਦੇ ਪੋਸਟਰ ਤੇ ਉਪਲੱਬਧ ਕਿਊ. ਆਰ. ਕੋਡ ਰਾਹੀਂ ਹੀ ਖੋਲਿਆ ਜਾ ਸਕਦਾ ਹੈ।
