ਅੱਜ ਦੀ ਆਵਾਜ਼ | 18 ਅਪ੍ਰੈਲ 2025
ਹਰਿਆਣਾ ਦੇ ਫਤਿਹਾਬਾਦ ਜ਼ਿਲ੍ਹੇ ਦੇ ਭੂਨਾ ਇਲਾਕੇ ਦੇ ਪਿੰਡ ਕਾਲੀਯੂ ਵਿਚ ਇਕ ਬੇਟੇ ਨੇ ਆਪਣੇ ਦੋਸਤਾਂ ਨਾਲ ਮਿਲ ਕੇ ਪਿਤਾ ‘ਤੇ ਹਮਲਾ ਕਰ ਦਿੱਤਾ। ਇਲਜ਼ਾਮ ਹੈ ਕਿ ਪੁੱਤਰ ਨੇ ਪਿਸਟੌਲ ਦੇ ਬੱਟ ਨਾਲ ਵੱਡੇ ਪਿਓ ਦੇ ਦੋ ਦੰਦ ਤੋੜ ਦਿੱਤੇ। ਕੁੱਟਮਾਰ ‘ਚ ਪਿਤਾ ਦੀ ਅੱਖ ਨੂੰ ਵੀ ਚੋਟ ਆਈ ਹੈ। 56 ਸਾਲਾ ਕੁਲਦੀਪ ਸਿੰਘ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦੱਸਿਆ ਕਿ ਉਸਦੇ ਤਿੰਨ ਬੱਚੇ ਹਨ – ਇਕ ਪੁੱਤਰ ਰਾਜਕੁਮਾਰ ਉਰਫ ਮੋਨੂ ਅਤੇ ਦੋ ਧੀਆਂ। ਉਹ 15 ਏਕੜ ਜੱਦੀ ਜ਼ਮੀਨ ਦਾ ਮਾਲਕ ਹੈ। ਕੁਝ ਸਮਾਂ ਪਹਿਲਾਂ ਪੁੱਤਰ ਨੇ ਆਪਣੇ ਪਰਿਵਾਰ ਨਾਲ ਵੱਖ ਰਹਿਣਾ ਸ਼ੁਰੂ ਕਰ ਦਿੱਤਾ ਸੀ ਅਤੇ 5 ਏਕੜ ਜ਼ਮੀਨ ਉਸਨੂੰ ਬਿਜਾਈ ਲਈ ਦਿੱਤੀ ਗਈ ਸੀ।
ਕੁਲਦੀਪ ਦੇ ਬੁਤਾਬਕ, 16 ਅਪ੍ਰੈਲ ਦੀ ਸ਼ਾਮ ਉਹ ਖੇਤ ਵਿੱਚ ਸੀ, ਜਦੋਂ ਪੁੱਤਰ ਮੋਨੂ ਪੰਜ ਦੋਸਤਾਂ ਸਮੇਤ ਕਾਰ ਵਿੱਚ ਆਇਆ। ਉਨ੍ਹਾਂ ਜ਼ਮੀਨ ਦੇ ਨਾਂ ‘ਤੇ ਝਗੜਾ ਕਰਨਾ ਸ਼ੁਰੂ ਕਰ ਦਿੱਤਾ। ਦੋਸਤਾਂ ਨੇ ਉਸਨੂੰ ਥੱਪੜ ਮਾਰੇ, ਲੱਤਾਂ-ਘੁੱਸਿਆਂ ਨਾਲ ਕੁੱਟਿਆ ਅਤੇ ਜ਼ਮੀਨ ਆਪਣੇ ਨਾਂ ਕਰਵਾਉਣ ਦਾ ਦਬਾਅ ਬਣਾਇਆ। ਮੋਨੂ ਨੇ ਪਿਸਟੌਲ ਕੱਢ ਕੇ ਉਸਦੇ ਮੂੰਹ ‘ਤੇ ਬੱਟ ਮਾਰਿਆ, ਜਿਸ ਨਾਲ ਦੋ ਦੰਦ ਟੁੱਟ ਗਏ।ਕੁਲਦੀਪ ਨੇ ਇਲਜ਼ਾਮ ਲਾਇਆ ਕਿ ਹਮਲੇ ਦੌਰਾਨ ਉਸ ਦੀ ਜੇਬ ਵਿੱਚ ਪਏ ₹20,000 ਵੀ ਛੀਨ ਲਏ ਗਏ। ਹਮਲਾਵਰ ਧਮਕੀ ਦੇ ਕੇ ਮੌਕੇ ਤੋਂ ਫਰਾਰ ਹੋ ਗਏ। ਜ਼ਖ਼ਮੀ ਕੁਲਦੀਪ ਨੂੰ ਉਸਦੇ ਭਤੀਜੇ ਨੇ ਭੂਨਾ ਸੀਐਚਸੀ ‘ਚ ਭਰਤੀ ਕਰਵਾਇਆ, ਜਿੱਥੋਂ ਅਗਰੋਹਾ ਮੈਡੀਕਲ ਕਾਲਜ ਰੈਫਰ ਕਰ ਦਿੱਤਾ ਗਿਆ। ਭੂਨਾ ਪੁਲਿਸ ਨੇ ਕੁਲਦੀਪ ਦੀ ਸ਼ਿਕਾਇਤ ‘ਤੇ ਪੁੱਤਰ ਮੋਨੂ ਅਤੇ ਉਸਦੇ ਪੰਜ ਦੋਸਤਾਂ ਵਿਰੁੱਧ ਗੰਭੀਰ ਧਾਰਾਵਾਂ ਹੇਠ ਕੇਸ ਦਰਜ ਕਰ ਲਿਆ ਹੈ। ਹਾਲੇ ਤੱਕ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ।
