ਤਰਨਤਾਰਨ 29 ਸਤੰਬਰ 2025 AJ DI Awaaj
Punjab Desk : ਜ਼ਿਲ੍ਹਾ ਚੋਣ ਅਫ਼ਸਰ-ਕਮ-ਡਿਪਟੀ ਕਮਿਸ਼ਨਰ ਤਰਨ ਤਾਰਨ ਵੱਲੋਂ ਵਿਧਾਨ ਸਭਾ ਹਲਕਾ 021-ਤਰਨ ਤਾਰਨ ਦੀ ਆਉਣ ਵਾਲੀ ਉਪ-ਚੋਣ ਲਈ ਚੋਣ ਖਰਚ ਦੀ ਨਿਗਰਾਨੀ ਲਈ ਨਿਯੁਕਤ ਕੀਤੀਆਂ ਗਈਆਂ ਵੱਖ-ਵੱਖ ਟੀਮਾਂ ਲਈ ਇੱਕ ਵਿਆਪਕ ਸਿਖਲਾਈ ਸੈਸ਼ਨ ਦਾ ਆਯੋਜਨ ਕੀਤਾ। ਇਸ ਸਿਖਲਾਈ ਦਾ ਉਦੇਸ਼ ਆਜ਼ਾਦ, ਨਿਰਪੱਖ ਅਤੇ ਪਾਰਦਰਸ਼ੀ ਚੋਣਾਂ ਨੂੰ ਯਕੀਨੀ ਬਣਾਉਣ ਵਿੱਚ ਲੱਗੇ ਸਾਰੇ ਅਧਿਕਾਰੀਆਂ ਦੀ ਤਿਆਰੀ ਨੂੰ ਮਜ਼ਬੂਤ ਕਰਨਾ ਸੀ।
ਸੈਸ਼ਨ ਦੌਰਾਨ, ਸ਼੍ਰੀ ਕਰਨਵੀਰ ਸਿੰਘਪੀ.ਸੀ.ਐਸ਼. ਨੋਡਲ ਅਫਸਰ ਕੰਟ੍ਰੋਲ ਰੂਮ-ਕਮ-ਸਹਾਇਕ ਕਮਿਸ਼ਨਰ (ਜ.) ਤਰਨ ਤਾਰਨ ਅਤੇ ਡਾ. ਅਮਨਦੀਪ ਸਿੰਘ ਨੋਡਲ ਅਫਸਰ ਐਕਸਪੈਂਡੀਚਰ-ਕਮ-ਉਪ ਅਰਥ ਅਤੇ ਅੰਕੜਾ ਸਲਾਹਕਾਰ ਤਰਨ ਤਾਰਨ ਵੱਲੋਂ ਭਾਰਤੀ ਚੋਣ ਕਮਿਸ਼ਨ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਐਕਸਾਈਜ਼, ਸੀ-ਵਿਜੀਲ, ਐਮ.ਸੀ.ਐਮ.ਸੀ., ਇਨਕਮ ਟੈਕਸ , ਲੀਡ ਜ਼ਿਲ੍ਹਾ ਮੈਨੇਜਰ, ਸ਼ਿਕਾਇਤ ਸੈੱਲ , ਦੇ ਨੋਡਲ ਅਫਸਰਾਂ ਅਤੇ ਫਲਾਇੰਗ ਸਕੁਐਡ, ਸਟੈਟਿਕ ਸਰਵੇ ਲੈਂਸ ਟੀਮਾਂ (ਐਸ.ਐਸ.ਟੀ.), ਵੀਡੀਓ ਸਰਵੇਲੈਂਸ ਟੀਮਾਂ (ਵੀ.ਐਸ.ਟੀ.), ਵੀਡੀਓ ਵਿਊਇੰਗਟੀਮ (ਵੀ.ਵੀ.ਟੀ.), ਅਕਾਊਂਟਸ ਟੀਮ ਵਿੱਚ ਤੈਨਾਤ ਅਧਿਕਾਰੀ/ਕਰਮਚਾਰੀਆਂ ਅਤੇ ਸਹਾਇਕ ਐਕਸਪੈਂਡੀਚਰ ਆਬਜ਼ਰਵਰ ਦੀਆਂ ਭੂਮਿਕਾਵਾਂ ਅਤੇ ਜ਼ਿੰਮੇਵਾਰੀਆਂ ਬਾਰੇ ਵਿਸਤ੍ਰਿਤ ਮਾਰਗ ਦਰਸ਼ਨ ਪ੍ਰਦਾਨ ਕੀਤਾ। ਚੋਣ ਖਰਚ, ਜ਼ਬਤ ਕਰਨ ਦੇ ਪ੍ਰੋਟੋਕੋਲ, ਦਸਤਾਵੇਜ਼ੀ ਕਰਨ ਅਤੇ ਰਿਪੋਰਟਿੰਗ ਵਿਧੀਆਂ ਦੀ ਨਿਗਰਾਨੀ ਸੰਬੰਧੀ ਭਾਰਤੀ ਚੋਣ ਕਮਿਸ਼ਨ ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਸਖ਼ਤੀ ਨਾਲ ਪਾਲਣਾ ਕਰਨ ‘ਤੇ ਜ਼ੋਰ ਦਿੱਤਾ ਗਿਆ।
ਇਸ ਤੋਂ ਇਲਾਵਾ ਚੋਣਾਂ ਵਿੱਚ ਪੈਸੇ ਦੀ ਤਾਕਤ ਦੀ ਵਰਤੋਂ ‘ਤੇ ਪ੍ਰਭਾਵਸ਼ਾਲੀ ਚੌਕਸੀ ਯਕੀਨੀ ਬਣਾਉਣ ਲਈ ਟੀਮਾਂ ਵਿਚਕਾਰ ਤਾਲਮੇਲ ਦੀ ਮਹੱਤਤਾ ‘ਤੇਜ਼ੋਰ ਦਿੱਤਾ।ਅਧਿਕਾਰੀਆਂ ਨੂੰ ਨਿਰਪੱਖਤਾ ਬਣਾਈ ਰੱਖਣ, ਸ਼ਿਕਾਇਤਾਂ ‘ਤੇ ਤੁਰੰਤ ਕਾਰਵਾਈ ਕਰਨ ਅਤੇ ਅਸਲ ਸਮੇਂ ਵਿੱਚ ਸਹੀ ਰਿਕਾਰਡ ਜਮ੍ਹਾਂ ਕਰਾਉਣ ਦੇ ਨਿਰਦੇਸ਼ ਦਿੱਤੇ ਗਏ। ਰਿਪੋਰਟਿੰਗ ਲਈ ਨਿਰਧਾਰਤ ਫਾਰਮੈਟਾਂ ਅਤੇ ਮੋਬਾਈਲ ਐਪਲੀਕੇਸ਼ਨਾਂ ਦੀ ਵਰਤੋਂ ਕਰਨ ਬਾਰੇ ਵਿਹਾਰਕਪ੍ਰਦਰਸ਼ਨ ਵੀ ਦਿੱਤੇ ਗਏ।
