Mexico 21 Nov 2025 AJ DI Awaaj
International Desk : ਥਾਈਲੈਂਡ ਦੇ ਬੈਂਕਾਕ ਵਿੱਚ ਹੋਏ ਮਿਸ ਯੂਨੀਵਰਸ 2025 ਮੁਕਾਬਲੇ ਦੇ ਨਤੀਜੇ ਸਾਹਮਣੇ ਆ ਗਏ ਹਨ। ਇਸ ਵਾਰ ਮਿਸ ਮੈਕਸੀਕੋ ਫਾਤਿਮਾ ਬੋਸ਼ ਨੇ ਤਾਜ ਜਿੱਤ ਕੇ ਦੁਨਿਆ ਭਰ ਵਿੱਚ ਸੁਰਖੀਆਂ ਬਟੋਰੀਆਂ। ਮਿਸ ਥਾਈਲੈਂਡ ਫਰਸਟ ਰਨਰ-ਅਪ ਰਹੀ।
ਭਾਰਤ ਦੀ ਪ੍ਰਤੀਨਿਧੀ ਮਨਿਕਾ ਵਿਸ਼ਵਕਰਮਾ ਸਵਿਮਸੂਟ ਰਾਊਂਡ ਤੋਂ ਬਾਅਦ ਬਾਹਰ ਹੋ ਗਈ ਅਤੇ ਟੌਪ 12 ਵਿੱਚ ਜਗ੍ਹਾ ਨਹੀਂ ਬਣਾ ਸਕੀ।
ਵਿਵਾਦ ਦੇ ਬਾਵਜੂਦ ਵੀ ਜਿੱਤਿਆ ਤਾਜ
4 ਨਵੰਬਰ ਨੂੰ ਸੈਸ਼ਿੰਗ ਸਮਾਰੋਹ ਦੌਰਾਨ ਫਾਤਿਮਾ ਬੋਸ਼ ਦਾ ਮੁਕਾਬਲੇ ਦੇ ਥਾਈ ਡਾਇਰੈਕਟਰ ਨਵਾਤ ਇਤਸਾਗ੍ਰੀਸਿਲ ਨਾਲ ਤਿੱਖਾ ਵਿਵਾਦ ਹੋਇਆ ਸੀ। ਡਾਇਰੈਕਟਰ ਨੇ ਉਸਨੂੰ ਥਾਈਲੈਂਡ ਦੇ ਪ੍ਰਚਾਰ ਵਾਲੀਆਂ ਪੋਸਟਾਂ ਨਾ ਕਰਨ ਤੇ “ਬੇਵਕੂਫ” ਕਹਿ ਕੇ ਡਾਂਟਿਆ ਸੀ।
ਫਾਤਿਮਾ ਨੇ ਇਸ ‘ਤੇ ਤੁਰੰਤ ਵਿਰੋਧ ਕੀਤਾ ਅਤੇ ਡਾਇਰੈਕਟਰ ਨੂੰ ਔਰਤਾਂ ਦੀ ਬੇਇਜ਼ਤੀ ਕਰਨ ਦੇ ਦੋਸ਼ ਲਗਾਏ। ਗੁੱਸੇ ਵਿੱਚ ਡਾਇਰੈਕਟਰ ਨੇ ਤਾਂ ਸੁਰੱਖਿਆ ਕਰਮੀਆਂ ਨੂੰ ਫਾਤਿਮਾ ਨੂੰ ਬਾਹਰ ਕੱਢਣ ਲਈ ਵੀ ਕਹਿ ਦਿੱਤਾ ਸੀ। ਇਸ ਤੋਂ ਬਾਅਦ ਕਈ ਹੋਰ ਕੰਟੈਸਟੈਂਟ ਵੀ ਇਵੈਂਟ ਤੋਂ ਨਿਕਲ ਗਏ।
ਵਿਵਾਦ ਵਧਣ ‘ਤੇ ਡਾਇਰੈਕਟਰ ਨੇ ਮਾਫ਼ੀ ਮੰਗੀ। ਇਸ ਘਟਨਾ ਕਾਰਨ ਫਾਤਿਮਾ ਸੋਸ਼ਲ ਮੀਡੀਆ ‘ਤੇ ਬਹੁਤ ਵਾਇਰਲ ਰਹੀ।
ਕੌਣ ਹੈ Miss Universe 2025 ਫਾਤਿਮਾ ਬੋਸ਼?
- ਉਮਰ: 25 ਸਾਲ
- ਜਨਮ ਸਥਾਨ: ਸੈਂਟੀਆਗੋ ਡੀ ਟਿਪਾ, ਟੈਬਾਸਕੋ (ਮੈਕਸੀਕੋ)
- ਟੈਬਾਸਕੋ ਤੋਂ Miss Universe Mexico ਬਣਨ ਵਾਲੀ ਪਹਿਲੀ ਮਹੁਲਾ
- ਪੇਸ਼ਾ: ਮਾਡਲ ਅਤੇ ਫੈਸ਼ਨ ਡਿਜ਼ਾਈਨਰ
- ਪੜ੍ਹਾਈ: ਇਬੇਰੋ-ਅਮੈਰੀਕਾਨੋ ਯੂਨੀਵਰਸਿਟੀ ਤੋਂ ਫੈਸ਼ਨ ਡਿਜ਼ਾਈਨਿੰਗ
- 2018 ਵਿੱਚ “Flor de Oro” ਖਿਤਾਬ ਜਿੱਤਿਆ
ਮੁਸ਼ਕਲ ਬਚਪਨ, ਪਰ ਹੌਸਲਾ ਬੁਲੰਦ
ਫਾਤਿਮਾ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਬਚਪਨ ਡਿਸਲੈਕਸੀਆ ਅਤੇ ADHD ਕਰਕੇ ਬਹੁਤ ਮੁਸ਼ਕਲ ਭਰਿਆ ਰਿਹਾ।
ਉਹ ਸਕੂਲ ਵਿੱਚ ਬੁਲਿੰਗ ਦਾ ਸ਼ਿਕਾਰ ਵੀ ਬਣੀ ਸੀ। ਪਰ ਸਮੇਂ ਦੇ ਨਾਲ, ਉਸਨੇ ਆਪਣੀਆਂ ਕਮਜ਼ੋਰੀਆਂ ਨੂੰ ਤਾਕਤ ਵਿੱਚ ਬਦਲਿਆ ਅਤੇ ਅੱਜ ਦੁਨੀਆ ਦੀ ਸਭ ਤੋਂ ਵੱਡੀ ਬਿਊਟੀ ਕਵੀਨ ਦਾ ਤਾਜ ਜਿੱਤਿਆ।
ਫਾਤਿਮਾ ਦੀ ਇਹ ਜਿੱਤ ਨਾ ਸਿਰਫ਼ ਮੈਕਸੀਕੋ ਲਈ ਮਾਣ ਦੀ ਗੱਲ ਹੈ, ਬਲਕਿ ਉਹਨਾਂ ਲਈ ਪ੍ਰੇਰਣਾ ਵੀ ਹੈ ਜੋ ਮੁਸ਼ਕਲਾਂ ਦੇ ਬਾਵਜੂਦ ਆਪਣੇ ਸੁਪਨੇ ਸਾਕਾਰ ਕਰਨ ਦੀ ਹਿੰਮਤ ਰੱਖਦੇ ਹਨ।














