04 ਦਸੰਬਰ, 2025 ਅਜ ਦੀ ਆਵਾਜ਼
Business Desk: ਕੋਈ ਵੀ ਆਪਣੀ ਛੋਟੀ ਬਚਤ ਨੂੰ ਸਹੀ ਢੰਗ ਨਾਲ ਨਿਵੇਸ਼ ਕਰਕੇ ਵੱਡੀ ਰਾਸ਼ੀ ਬਣਾ ਸਕਦਾ ਹੈ। ਅਧਿਐਨ ਮੁਤਾਬਕ, ਜੇ ਤੁਸੀਂ ਹਰ ਮਹੀਨੇ 5000 ਰੁਪਏ ਜਾਂ ਲਗਭਗ 166 ਰੁਪਏ ਦਿਨਾਂ ਦਾ SIP (Systematic Investment Plan) ਵਿੱਚ ਨਿਵੇਸ਼ ਕਰੋ, ਤਾਂ 26 ਸਾਲਾਂ ਵਿੱਚ ਇਹ ਨਿਵੇਸ਼ 1 ਕਰੋੜ ਰੁਪਏ ਤੋਂ ਵੱਧ ਹੋ ਸਕਦਾ ਹੈ।
SIP ਕੈਲਕੁਲੇਟਰ ਅਨੁਸਾਰ, ਹਰ ਮਹੀਨੇ 5000 ਰੁਪਏ ਦੇ ਨਿਵੇਸ਼ ਨਾਲ ਸਾਲਾਨਾ 12% ਰਿਟਰਨ ਮੰਨਣ ‘ਤੇ 26 ਸਾਲ ਵਿੱਚ ਕੁੱਲ ਨਿਵੇਸ਼ 15.6 ਲੱਖ ਰੁਪਏ ਹੋਵੇਗਾ, ਜਿਸ ‘ਤੇ ਲਗਭਗ 91.95 ਲੱਖ ਰੁਪਏ ਦਾ ਲਾਭ ਮਿਲੇਗਾ। ਇਸ ਤਰ੍ਹਾਂ ਕੁੱਲ ਰਕਮ 1.07 ਕਰੋੜ ਰੁਪਏ ਤੱਕ ਪਹੁੰਚ ਜਾਵੇਗੀ।
ਇਹ ਮਿਸ਼ਾਲ ਸਿਰਫ਼ ਅੰਦਾਜ਼ਨ ਹੈ ਅਤੇ ਅਸਲ ਰਿਟਰਨ ਮਾਰਕੀਟ ਦੀ ਹਾਲਤ ਅਨੁਸਾਰ ਵਧ ਜਾਂ ਘੱਟ ਹੋ ਸਕਦਾ ਹੈ। SIP ਇੱਕ ਸੌਖਾ ਅਤੇ ਲੰਬੇ ਸਮੇਂ ਵਾਲਾ ਨਿਵੇਸ਼ ਟੂਲ ਹੈ, ਜਿਸ ਨਾਲ ਮਿਊਚਲ ਫੰਡ ਵਿੱਚ ਰੇਗੂਲਰ ਨਿਵੇਸ਼ ਕਰਕੇ ਲੰਬੇ ਸਮੇਂ ਵਿੱਚ ਵੱਡੀ ਰਾਸ਼ੀ ਬਣਾਈ ਜਾ ਸਕਦੀ ਹੈ।
SIP ਕੈਲਕੁਲੇਟਰ ਕੀ ਹੈ?
ਸਿਸਟੇਮੈਟਿਕ ਇਨਵੈਸਟਮੈਂਟ ਪਲਾਨ ਕੈਲਕੁਲੇਟਰ ਇੱਕ ਆਨਲਾਈਨ ਟੂਲ ਹੈ ਜੋ ਤੁਹਾਡੇ ਨਿਵੇਸ਼ ਅਤੇ ਅੰਦਾਜ਼ਨ ਰੇਟ ਆਫ ਰਿਟਰਨ ਦੇ ਆਧਾਰ ‘ਤੇ ਤੁਹਾਡੇ ਨਿਵੇਸ਼ ਦੀ ਭਵਿੱਖ ਵਿੱਚ ਕੀਮਤ ਦੀ ਗਿਣਤੀ ਕਰਦਾ ਹੈ। ਇਸ ਨਾਲ ਤੁਸੀਂ ਆਪਣੇ ਲੰਬੇ ਸਮੇਂ ਦੇ ਨਿਵੇਸ਼ ਦਾ ਯੋਜਨਾਬੱਧ ਹਿਸਾਬ ਲਗਾ ਸਕਦੇ ਹੋ।
