ਵ੍ਰਿੰਦਾਵਨ 02 Aug 2025 AJ DI Awaaj
National Desk – ਵ੍ਰਿੰਦਾਵਨ ਦੇ ਮਸ਼ਹੂਰ ਸੰਤ ਪ੍ਰੇਮਾਨੰਦ ਮਹਾਰਾਜ ਨੂੰ ਫੇਸਬੁੱਕ ‘ਤੇ ਇੱਕ ਨੌਜਵਾਨ ਵੱਲੋਂ ਜਾ*ਨੋਂ ਮਾ*ਰਨ ਦੀ ਖੁੱਲ੍ਹੀ ਧਮ*ਕੀ ਦੇਣ ਦੇ ਮਾਮਲੇ ਨੇ ਰੀਵਾ ਅਤੇ ਸਤਨਾ ਇਲਾਕਿਆਂ ਵਿਚ ਹੰਗਾਮਾ ਮਚਾ ਦਿੱਤਾ ਹੈ। ਇਹ ਸਭ ਇੱਕ ਵੀਡੀਓ ਤੋਂ ਸ਼ੁਰੂ ਹੋਇਆ ਜਿਸ ਵਿੱਚ ਸੰਤ ਪ੍ਰੇਮਾਨੰਦ ਨੇ ਨੌਜਵਾਨਾਂ ਦੇ ਰਿਸ਼ਤਿਆਂ ਬਾਰੇ ਗੱਲ ਕਰਦਿਆਂ ਕਿਹਾ ਸੀ ਕਿ “ਬੁਆਏਫ੍ਰੈਂਡ-ਗਰਲਫ੍ਰੈਂਡ, ਬ੍ਰੇਕਅੱਪ-ਪੈਚਅੱਪ ਆਮ ਹੋ ਗਏ ਹਨ ਅਤੇ ਇਹ ਚੀਜ਼ਾਂ ਨੌਜਵਾਨ ਪੀੜ੍ਹੀ ਨੂੰ ਭਟਕਾ ਰਹੀਆਂ ਹਨ।”
ਇਹ ਬਿਆਨ ਸਤਨਾ ਦੇ ਇੱਕ ਨੌਜਵਾਨ ਸ਼ਤਰੂਘਨ ਸਿੰਘ ਨੂੰ ਇੰਨਾ ਨਾਗਵਾਰ ਲੱਗਾ ਕਿ ਉਸ ਨੇ ਫੇਸਬੁੱਕ ‘ਤੇ ਕਮੈਂਟ ਕਰਦਿਆਂ ਸੰਤ ਨੂੰ ਜਾ*ਨੋਂ ਮਾ*ਰਨ ਦੀ ਧਮ*ਕੀ ਦੇ ਦਿੱਤੀ। ਉਸ ਨੇ ਲਿਖਿਆ, “ਜੇ ਤੁਸੀਂ ਮੇਰੇ ਘਰ ਬਾਰੇ ਗੱਲ ਕੀਤੀ ਹੁੰਦੀ, ਤਾਂ ਮੈਂ ਤੁਹਾਡਾ ਗਲਾ ਵੱ*ਢ ਦਿੰਦਾ!” ਇਹ ਕਮੈਂਟ ਤੇਜ਼ੀ ਨਾਲ ਵਾਇਰਲ ਹੋਇਆ ਅਤੇ ਲੋਕਾਂ ਵਿੱਚ ਰੋਸ ਫੈਲ ਗਿਆ।
ਪ੍ਰੇਮਾਨੰਦ ਮਹਾਰਾਜ ਦੇ ਲੱਖਾਂ ਸ਼ਰਧਾਲੂ ਸਨ ਅਤੇ ਕਈ ਸਮਾਜਿਕ ਸੰਗਠਨਾਂ ਨੇ ਇਸ ਧਮ*ਕੀ ਦੀ ਕੜੀ ਨਿੰਦਾ ਕਰਦਿਆਂ ਤੁਰੰਤ ਸਖ਼ਤ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ। ਸਤਨਾ ਅਤੇ ਰੀਵਾ ‘ਚ ਵੱਡੀ ਗਿਣਤੀ ਵਿਚ ਲੋਕ ਗੁੱਸੇ ਦਾ ਇਜ਼ਹਾਰ ਕਰ ਰਹੇ ਹਨ।
ਫਿਲਹਾਲ ਪੁਲਿਸ ਵੱਲੋਂ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੂੰ ਅਜੇ ਤੱਕ ਕੋਈ ਲਿਖਤੀ ਸ਼ਿਕਾਇਤ ਨਹੀਂ ਮਿਲੀ, ਪਰ ਮਾਮਲੇ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਸਤਨਾ ਦੇ ਐਸਪੀ ਆਸ਼ੂਤੋਸ਼ ਗੁਪਤਾ ਨੇ ਮੀਡੀਆ ਨੂੰ ਦੱਸਿਆ ਕਿ “ਜਿਵੇਂ ਹੀ ਸ਼ਿਕਾਇਤ ਮਿਲੇਗੀ, ਕਾਨੂੰਨ ਅਨੁਸਾਰ ਕਾਰਵਾਈ ਕੀਤੀ ਜਾਵੇਗੀ।”
ਇਸ ਘਟਨਾ ਨੇ ਸੋਸ਼ਲ ਮੀਡੀਆ ਦੀ ਆਜ਼ਾਦੀ ਅਤੇ ਜਵਾਬਦੇਹੀ ‘ਤੇ ਵੱਡਾ ਸਵਾਲ ਖੜਾ ਕਰ ਦਿੱਤਾ ਹੈ – ਕੀ ਹੁਣ ਕੋਈ ਵੀ ਕਿਸੇ ਨੂੰ ਵੀ ਆਨਲਾਈਨ ਧਮ*ਕੀ ਦੇ ਸਕਦਾ ਹੈ? ਕੀ ਇਹ ਆਜ਼ਾਦੀ ਦਾ ਗਲਤ ਫਾਇਦਾ ਨਹੀਂ?
