27 ਨਵੰਬਰ, 2025 ਅਜ ਦੀ ਆਵਾਜ਼
Lifestyle Desk: ਸਰਦੀਆਂ ਵਿੱਚ ਚਾਹ ਦੇ ਨਾਲ ਕੁਝ ਕਰਾਰਾ ਖਾਣ ਦਾ ਮਜ਼ਾ ਹੀ ਵੱਖਰਾ ਹੁੰਦਾ ਹੈ, ਤੇ ਅੱਜ ਅਸੀਂ ਲੈ ਕੇ ਆਏ ਹਾਂ ਕ੍ਰਿਸਪੀ ਪਿਆਜ਼ੀ ਕਬਾਬ ਦੀ ਝਟਪਟ ਤੇ ਕਿਫ਼ਾਇਤੀ ਰੈਸਿਪੀ। ਪਿਆਜ਼ ਹਰ ਰਸੋਈ ਵਿੱਚ ਆਸਾਨੀ ਨਾਲ ਮਿਲ ਜਾਂਦਾ ਹੈ, ਇਸ ਕਰਕੇ ਇਹ ਕਬਾਬ ਬਿਨਾਂ ਵੱਧ ਮਹਿਨਤ ਦੇ ਤਿਆਰ ਹੋ ਜਾਂਦੇ ਹਨ। ਇਹ ਰਵਾਇਤੀ ਪਿਆਜ਼ ਦੇ ਪਕੌੜੇ ਦਾ ਇੱਕ ਨਵਾਂ, ਹੋਰ ਵੀ ਸਵਾਦਿਸ਼ਟ ਰੂਪ ਹੈ।
ਕਬਾਬ ਦਾ ਬਾਹਰਲਾ ਹਿੱਸਾ ਬਿਲਕੁਲ ਕਰਾਰਾ ਹੁੰਦਾ ਹੈ, ਜਦੋਂ ਕਿ ਅੰਦਰੋਂ ਇਹ ਨਰਮ ਅਤੇ ਮਸਾਲਿਆਂ ਨਾਲ ਭਰਪੂਰ। ਘੱਟ ਸਮੇਂ ਵਿੱਚ ਤਿਆਰ ਹੋਣ ਕਰਕੇ ਇਹ ਅਚਾਨਕ ਆਏ ਮਹਿਮਾਨਾਂ ਅਤੇ ਸ਼ਾਮ ਦੀ ਭੁੱਖ ਲਈ ਬਿਹਤਰੀਨ ਚੋਣ ਹਨ।
ਪਿਆਜ਼ੀ ਕਬਾਬ ਲਈ ਸਮੱਗਰੀ:
3–4 ਬਾਰੀਕ ਕੱਟੇ ਹੋਏ ਪਿਆਜ਼
1/2 ਕੱਪ ਬੇਸਨ
1/4 ਕੱਪ ਚੌਲਾਂ ਦਾ ਆਟਾ (ਕਰਾਰਾਪਣ ਲਈ)
1 ਹਰੀ ਮਿਰਚ (ਬਾਰੀਕ ਕੱਟੀ)
1 ਚਮਚ ਅਦਰਕ-ਲਸਣ ਪੇਸਟ (ਵਿਕਲਪਿਕ)
1/2 ਚਮਚ ਹਲਦੀ
1 ਚਮਚ ਧਨੀਆ ਪਾਊਡਰ
1/2 ਚਮਚ ਜੀਰਾ
1/4 ਚਮਚ ਅਜਵਾਇਨ
ਸੁਆਦ ਅਨੁਸਾਰ ਨਮਕ
ਤਲਣ ਲਈ ਤੇਲ
ਬਣਾਉਣ ਦੀ ਵਿਧੀ:
ਸਾਰੀ ਸਮੱਗਰੀ ਨੂੰ ਇੱਕ ਵੱਡੇ ਬੋਲ ਵਿੱਚ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਪਿਆਜ਼ ਵਿੱਚ ਹੀ ਨਮੀ ਹੁੰਦੀ ਹੈ, ਇਸ ਲਈ ਪਾਣੀ ਦੀ ਲੋੜ ਨਹੀਂ ਪਵੇਗੀ।
ਮਿਸ਼ਰਣ ਨੂੰ 10 ਮਿੰਟ ਲਈ ਛੱਡ ਦਿਓ ਤਾਂ ਜੋ ਇਹ ਗਾੜ੍ਹਾ ਹੋ ਜਾਵੇ।
ਹੁਣ ਮਿਸ਼ਰਣ ਦੇ ਛੋਟੇ–ਛੋਟੇ ਚਪਟੇ ਕਬਾਬ ਬਣਾਓ।
ਕੜਾਹੀ ਵਿੱਚ ਮੱਧਮ ਅੱਗ ‘ਤੇ ਤੇਲ ਗਰਮ ਕਰੋ ਅਤੇ ਕਬਾਬਾਂ ਨੂੰ ਹੌਲੀ ਹੌਲੀ ਤਲੋ।
ਜਦੋਂ ਕਬਾਬ ਸੁਨਹਿਰੀ ਤੇ ਕਰਾਰੇ ਹੋ ਜਾਣ ਤਾਂ ਬਾਹਰ ਕੱਢ ਕੇ ਟਿਸ਼ੂ ‘ਤੇ ਰੱਖੋ।
ਤਿਆਰ ਹਨ ਗਰਮ–ਗਰਮ ਕ੍ਰਿਸਪੀ ਪਿਆਜ਼ੀ ਕਬਾਬ, ਜਿਨ੍ਹਾਂ ਨੂੰ ਚਾਹ ਨਾਲ ਖਾਣ ਦਾ ਮਜ਼ਾ ਹੀ ਕੁਝ ਹੋਰ ਹੈ!
