ਨਵੀਂ ਦਿੱਲੀ: 27 ਨਵੰਬਰ, 2025 ਅਜ ਦੀ ਆਵਾਜ਼
International Desk: ਸਮੁੰਦਰੀ ਰਣਨੀਤੀ ਨੂੰ ਮਜ਼ਬੂਤ ਕਰਨ ਲਈ ਚੀਨ ਦੁਨੀਆ ਦਾ ਪਹਿਲਾ ਤੈਰਦਾ ਨਕਲੀ ਟਾਪੂ ਤਿਆਰ ਕਰ ਰਿਹਾ ਹੈ, ਜਿਸਨੂੰ ਪਰਮਾਣੂ ਹਮਲੇ ਤੱਕ ਝੱਲਣ ਯੋਗ ਬਣਾਇਆ ਜਾ ਰਿਹਾ ਹੈ। 78 ਹਜ਼ਾਰ ਟਨ ਵਜ਼ਨ ਵਾਲੇ ਇਸ ਵਿਸ਼ਾਲ ਪਲੇਟਫਾਰਮ ਨੂੰ ਸਮੁੰਦਰੀ ਸ਼ਕਤੀ ਦੀ ਦੌੜ ਵਿੱਚ ਚੀਨ ਦਾ ਇਕ ਮਹੱਤਵਪੂਰਣ ਕਦਮ ਮੰਨਿਆ ਜਾ ਰਿਹਾ ਹੈ।
ਪਰਮਾਣੂ ਸੁਰੱਖਿਆ ਵਾਲਾ ਡਿਜ਼ਾਈਨ
ਚੀਨੀ ਖੋਜਕਰਤਾਵਾਂ ਦੇ ਮੁਤਾਬਕ ਟਾਪੂ ਦੀ ਬਣਾਵਟ ਵਿੱਚ ਅਧੁਨਿਕ ‘ਮੈਟਾਮਟੇਰੀਅਲ’ ਸੈਂਡਵਿਚ ਪੈਨਲ ਵਰਤੇ ਗਏ ਹਨ, ਜੋ ਪਰਮਾਣੂ ਵਿਸਫੋਟ ਦੀ ਸ਼ਾਕਵੇਵ ਨੂੰ ਇੱਕ ਹੌਲੇ ਝਟਕੇ ਵਿੱਚ ਬਦਲ ਸਕਦੇ ਹਨ। ਧਾਤੂ ਨਲੀਆਂ ਦੀ ਜਾਲੀ ਵਾਲਾ ਇਹ ਢਾਂਚਾ ਅਤਿ ਮਜ਼ਬੂਤ ਸਪੰਜ ਵਾਂਗ ਧਮਾਕੇ ਦੀ ਤਾਕਤ ਨੂੰ ਆਪਣੇ ਅੰਦਰ ਸਮਾ ਲੈਂਦਾ ਹੈ।
ਦੱਖਣੀ ਚੀਨ ਸਾਗਰ ਵਿੱਚ ਤਾਇਨਾਤੀ ਦੀ ਸੰਭਾਵਨਾ
ਇਸ ਟਾਪੂ ਦੀ ਤਾਇਨਾਤੀ ਦੱਖਣੀ ਚੀਨ ਸਾਗਰ ਵਰਗੇ ਵਿਵਾਦਿਤ ਖੇਤਰਾਂ ਵਿੱਚ ਕੀਤੀ ਜਾ ਸਕਦੀ ਹੈ। ਭਾਵੇਂ ਚੀਨ ਇਸਨੂੰ ਨਾਗਰਿਕ ਪ੍ਰੋਜੈਕਟ ਦੱਸ ਰਿਹਾ ਹੈ, ਪਰ ਬਣਤਰ ਵਿੱਚ ਵਰਤੇ ਗਏ ਚੀਨੀ ਫ਼ੌਜੀ ਸਟੈਂਡਰਡ (GBJ 1060.1-1991) ਇਸਦੇ ਦੋਹਰੇ ਇਸਤੇਮਾਲ ਦੇ ਇਸ਼ਾਰੇ ਦਿੰਦੇ ਹਨ।
ਭਾਰਤ ਲਈ ਚਿੰਤਾ ਕਿਉਂ?
ਫ਼ੌਜੀ ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਇਹ ਗਤੀਸ਼ੀਲ ਤੈਰਦਾ ਟਾਪੂ ਵਿਵਾਦਿਤ ਜ਼ਮੀਂ ਜਾਂ ਜਲ ਖੇਤਰਾਂ ਵਿੱਚ ਚੁੱਪਚਾਪ ਲਗਾ ਕੇ ਬੇਹੱਦ ਤੇਜ਼ੀ ਨਾਲ ਹਟਾਇਆ ਜਾ ਸਕਦਾ ਹੈ। ਇਹ—
ਸੰਚਾਰ ਕੇਂਦਰ
ਰਸਦ ਅੱਡਾ
ਨਿਗਰਾਨੀ ਸਟੇਸ਼ਨ
ਵਜੋਂ ਕੰਮ ਕਰ ਸਕਦਾ ਹੈ। ਇਸਦੀ ਸਭ ਤੋਂ ਵੱਡੀ ਖੂਬੀ — ਬਿਨਾਂ ਸਪਲਾਈ ਦੇ 120 ਦਿਨ ਤੱਕ ਕੰਮ ਕਰਨ ਦੀ ਸਮਰੱਥਾ, ਜੋ ਇਸਨੂੰ ਮਹਾਸਾਗਰੀ ਪ੍ਰਭਾਵ ਵਧਾਉਣ ਦਾ ਤਾਕਤਵਰ ਸਾਧਨ ਬਣਾਉਂਦੀ ਹੈ।
ਟਾਪੂ ਦੀਆਂ ਖਾਸ ਖੂਬੀਆਂ
ਲਾਂਚ ਸਾਲ: 2028
ਆਕਾਰ: 138 ਮੀਟਰ ਲੰਬਾ, 85 ਮੀਟਰ ਚੌੜਾ
ਮੁੱਖ ਡੈਕ: ਜਲ ਪੱਧਰ ਤੋਂ 45 ਮੀਟਰ ਉੱਪਰ
ਸਮਰੱਥਾ: 238 ਕਰਮਚਾਰੀ, 4 ਮਹੀਨੇ ਬਿਨਾਂ ਸਪਲਾਈ ਕੰਮ
ਝਟਕੇ ਸਹਿਨਸ਼ੀਲਤਾ:
6–9 ਮੀਟਰ ਲਹਿਰਾਂ
ਸ਼੍ਰੇਣੀ 17 ਦੇ ਚੱਕਰਵਾਤ
ਗਤੀ: 15 ਸਮੁੰਦਰੀ ਮੀਲ ਪ੍ਰਤੀ ਘੰਟਾ
ਮਕਸਦ: ਡੂੰਘੇ ਸਮੁੰਦਰ ਖੋਜ, ਉਪਕਰਨ ਟੈਸਟਿੰਗ, ਸਮੁੰਦਰੀ ਵਸੀਲਾ ਅਧਿਐਨ
