20 ਨਵੰਬਰ, 2025 ਅਜ ਦੀ ਆਵਾਜ਼
Chandigarh Desk : ਚੰਡੀਗੜ੍ਹ PGI ਵਿੱਚ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਪਰਿਜਨਾਂ ਲਈ ਰਹਿਣ ਦਾ ਖਰਚਾ ਵਧਾ ਦਿੱਤਾ ਗਿਆ ਹੈ। ਪੰਜਾਬ, ਹਰਿਆਣਾ, ਹਿਮਾਚਲ ਅਤੇ ਹੋਰ ਰਾਜਾਂ ਤੋਂ ਆਉਣ ਵਾਲੇ ਲੋਕਾਂ ਲਈ ਬਣੀ ਜੰਤਾ ਸਰਾਏ, ਹਰੀ ਸਰਾਏ ਅਤੇ ਟ੍ਰਾਂਜ਼ਿਟ ਕੈਂਪ ਦੀਆਂ ਦਰਾਂ ਲੰਮੇ ਸਮੇਂ ਬਾਅਦ ਸੋਧੀਆਂ ਗਈਆਂ ਹਨ। PGI ਡਾਇਰੈਕਟਰ ਵੱਲੋਂ ਜਾਰੀ ਹੁਕਮਾਂ ਮੁਤਾਬਕ, ਵਧਦੇ ਖਰਚੇ ਅਤੇ ਰੱਖ-ਰਖਾਅ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਨਵੀਆਂ ਦਰਾਂ ਤੁਰੰਤ ਲਾਗੂ ਕਰ ਦਿੱਤੀਆਂ ਗਈਆਂ ਹਨ।
ਨਵੇਂ ਰੇਟਾਂ ਦੇ ਅਨੁਸਾਰ, ਹਾਲ ਅਤੇ ਡਾਰਮਿਟਰੀ ਦਾ ਚਾਰਜ 10 ਰੁਪਏ ਤੋਂ ਵਧਾਕੇ 20 ਰੁਪਏ ਪ੍ਰਤੀ ਦਿਨ ਕਰ ਦਿੱਤਾ ਗਿਆ ਹੈ। ਜ਼ਿਆਦਾ ਪ੍ਰਾਈਵੇਸੀ ਚਾਹੁੰਦੇ ਪਰਿਜਨਾਂ ਲਈ ਉਪਲਬਧ ਇੰਡਿਪੈਂਡੈਂਟ ਰੂਮ ਦਾ ਕਿਰਾਇਆ 20 ਰੁਪਏ ਤੋਂ ਵੱਧ ਕੇ 50 ਰੁਪਏ ਪ੍ਰਤੀ ਦਿਨ (ਦੋ ਬੈੱਡ ਵਾਲੇ ਕਮਰੇ ਲਈ) ਕਰ ਦਿੱਤਾ ਗਿਆ ਹੈ।
ਸਭ ਤੋਂ ਵੱਡਾ ਬਦਲਾਅ ਡਿਲਕਸ ਰੂਮ ਦੀ ਦਰਾਂ ਵਿੱਚ ਕੀਤਾ ਗਿਆ ਹੈ, ਜਿਸ ਵਿੱਚ ਅਟੈਚ ਬਾਥਰੂਮ ਦੀ ਸੁਵਿਧਾ ਹੁੰਦੀ ਹੈ। ਇਸ ਸ਼੍ਰੇਣੀ ਦਾ ਕਿਰਾਇਆ 20 ਰੁਪਏ ਤੋਂ ਵੱਧ ਕੇ 100 ਰੁਪਏ ਪ੍ਰਤੀ ਦਿਨ ਕਰ ਦਿੱਤਾ ਗਿਆ ਹੈ।
ਨਵੀਆਂ ਦਰਾਂ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋ ਚੁੱਕੀਆਂ ਹਨ।
