27 ਨਵੰਬਰ, 2025 ਅਜ ਦੀ ਆਵਾਜ਼
Chandigarh Desk: ਚੰਡੀਗੜ੍ਹ ਦੀ ਜ਼ਿਲ੍ਹਾ ਅਦਾਲਤ ਨੇ 15 ਸਾਲ ਪੁਰਾਣੇ ਬਹੁਚਰਚਿਤ MBA ਵਿਦਿਆਰਥਣ ਦੋ/ਸ਼ਕ/ਰਮ ਤੇ ਕ/ਤਲ ਮਾਮਲੇ ਵਿੱਚ ਮੁਲਜ਼ਮ ਮੋਨੂ ਕੁਮਾਰ ਨੂੰ ਦੋਸ਼ੀ ਕਰਾਰ ਦੇ ਦਿੱਤਾ ਹੈ। ਸਜ਼ਾ ਬਾਰੇ ਫ਼ੈਸਲਾ ਹੁਣ ਸ਼ੁੱਕਰਵਾਰ, 28 ਨਵੰਬਰ ਨੂੰ ਸੁਣਾਇਆ ਜਾਵੇਗਾ।
ਇਹ ਮਾਮਲਾ 2010 ਦਾ ਹੈ, ਜਦੋਂ ਸੈਕਟਰ–38 ਵਿੱਚ 21 ਸਾਲਾ MBA ਵਿਦਿਆਰਥਣ ਦੀ ਲਾਸ਼ ਮਿਲੀ ਸੀ। ਪੋਸਟਮਾਰਟਮ ਵਿੱਚ ਸਾਹਮਣੇ ਆਇਆ ਸੀ ਕਿ ਕ/ਤਲ ਤੋਂ ਪਹਿਲਾਂ ਉਸ ਨਾਲ ਦੁਰਵਿਆਹਾਰ ਕੀਤਾ ਗਿਆ। ਪੁਲਿਸ ਨੂੰ ਕਈ ਸਾਲ ਤੱਕ ਕੋਈ ਪੱਕਾ ਸੁਰਾਗ ਨਹੀਂ ਮਿਲਿਆ, ਪਰ ਪਿਛਲੇ ਸਾਲ ਡੱਡੂਮਾਜਰਾ ਨੇੜੇ ਸ਼ਾਹਪੁਰ ਕਾਲੋਨੀ ਤੋਂ ਮੋਨੂ ਨੂੰ ਗ੍ਰਿਫ਼ਤਾਰ ਕਰ لیا ਗਿਆ। ਪੁਲਿਸ ਦੇ ਮੁਤਾਬਕ, ਉਹ ਲਗਭਗ 14 ਸਾਲ ਤੱਕ ਕਾਨੂੰਨ ਤੋਂ ਬਚਦਾ ਰਿਹਾ।
ਜਾਂਚ ਦੌਰਾਨ ਇਹ ਵੀ ਖੁਲਾਸਾ ਹੋਇਆ ਕਿ ਮੋਨੂ ਦੋ ਹੋਰ ਔਰਤਾਂ ਦੇ ਕਤਲ ਮਾਮਲਿਆਂ ਵਿੱਚ ਵੀ ਸ਼ਾਮਲ ਹੈ, ਜਿਨ੍ਹਾਂ ਦੀ ਸੁਣਵਾਈ ਅਦਾਲਤ ਵਿੱਚ ਜਾਰੀ ਹੈ। ਬੁੱਧਵਾਰ ਨੂੰ ਪੁਲਿਸ ਦੀ ਵਿਆਸਤ ਕਾਰਨ ਉਸ ਨੂੰ ਪੇਸ਼ ਨਾ ਕੀਤਾ ਜਾ ਸਕਿਆ, ਜਿਸ ਕਰਕੇ ਸੁਣਵਾਈ ਇੱਕ ਦਿਨ ਲਈ ਟਲ ਗਈ ਸੀ।
