02 Aug 2025 AJ DI Awaaj
National Desk : CBSE Compartment Result 2025: ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (CBSE) ਨੇ 12ਵੀਂ ਜਮਾਤ ਦੀ ਕੰਪਾਰਟਮੈਂਟ ਪ੍ਰੀਖਿਆ 2025 ਦਾ ਨਤੀਜਾ 1 ਅਗਸਤ 2025 ਨੂੰ ਜਾਰੀ ਕਰ ਦਿੱਤਾ ਹੈ। 12ਵੀਂ ਜਮਾਤ ਦੇ ਵਿਦਿਆਰਥੀ ਆਪਣਾ ਰਿਜ਼ਲਟ CBSE ਦੀ ਅਧਿਕਾਰਤ ਵੈੱਬਸਾਈਟ cbse.gov.in ਜਾਂ results.cbse.nic.in ‘ਤੇ ਚੈੱਕ ਕਰ ਸਕਦੇ ਹਨ।
12ਵੀਂ ਦੀ ਕੰਪਾਰਟਮੈਂਟ ਪ੍ਰੀਖਿਆ 15 ਜੁਲਾਈ 2025 ਨੂੰ ਹੋਈ ਸੀ, ਜਦਕਿ 10ਵੀਂ ਜਮਾਤ ਦੀ ਕੰਪਾਰਟਮੈਂਟ ਪ੍ਰੀਖਿਆ 15 ਤੋਂ 22 ਜੁਲਾਈ 2025 ਤੱਕ ਚੱਲੀ। 10ਵੀਂ ਦੇ ਨਤੀਜੇ ਹਜੇ ਤੱਕ ਜਾਰੀ ਨਹੀਂ ਹੋਏ, ਪਰ ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਅਗਸਤ ਦੇ ਪਹਿਲੇ ਹਫ਼ਤੇ ਵਿੱਚ ਜਾਰੀ ਹੋ ਸਕਦੇ ਹਨ।
CBSE 12ਵੀਂ ਕੰਪਾਰਟਮੈਂਟ ਨਤੀਜਾ 2025 ਕਿਵੇਂ ਚੈੱਕ ਕਰਨਾ ਹੈ?
- cbse.gov.in ਜਾਂ results.cbse.nic.in ਵੈੱਬਸਾਈਟ ਤੇ ਜਾਓ।
- “CBSE 12th Compartment Result 2025” ਦੇ ਲਿੰਕ ‘ਤੇ ਕਲਿੱਕ ਕਰੋ।
- ਰੋਲ ਨੰਬਰ, ਸਕੂਲ ਨੰਬਰ, ਜਨਮ ਮਿਤੀ ਅਤੇ ਐਡਮਿਟ ਕਾਰਡ ਆਈ.ਡੀ. ਭਰੋ।
- “Submit” ਬਟਨ ਤੇ ਕਲਿੱਕ ਕਰੋ।
- ਤੁਹਾਡਾ ਨਤੀਜਾ ਸਕ੍ਰੀਨ ‘ਤੇ ਆ ਜਾਵੇਗਾ।
- ਨਤੀਜੇ ਦੀ PDF ਡਾਊਨਲੋਡ ਕਰ ਲਵੋ ਜਾਂ ਪ੍ਰਿੰਟ ਕਰ ਲਵੋ।
Digilocker ‘ਤੇ ਵੀ ਉਪਲਬਧ
CBSE ਦੇ ਨਤੀਜੇ digilocker.gov.in ‘ਤੇ ਵੀ ਵੇਖੇ ਜਾ ਸਕਦੇ ਹਨ। ਵਿਦਿਆਰਥੀ ਆਪਣੇ DigiLocker ਖਾਤੇ ਰਾਹੀਂ ਡਿਜੀਟਲ ਮਾਰਕਸ਼ੀਟ ਵੀ ਡਾਊਨਲੋਡ ਕਰ ਸਕਦੇ ਹਨ।
ਅਹਿਮ ਗੱਲ
ਜੇਕਰ ਕੋਈ ਵਿਦਿਆਰਥੀ ਕੰਪਾਰਟਮੈਂਟ ਪ੍ਰੀਖਿਆ ‘ਚ ਪਾਸ ਨਹੀਂ ਹੋਇਆ, ਉਹ ਅਗਲੇ ਸਾਲ ਮੁੜ ਪ੍ਰੀਖਿਆ ਦੇ ਸਕਦਾ ਹੈ ਜਾਂ ਫਿਰ NIOS ਰਾਹੀਂ ਵੀ ਆਪਣੀ ਪੜਾਈ ਜਾਰੀ ਰੱਖ ਸਕਦਾ ਹੈ।
ਨੋਟ: CBSE ਨਾਲ ਜੁੜੀਆਂ ਸਾਰੀਆਂ ਨਵੀਨਤਮ ਜਾਣਕਾਰੀਆਂ ਲਈ ਸਰਕਾਰੀ ਵੈੱਬਸਾਈਟ cbse.gov.in ‘ਤੇ ਨਜ਼ਰ ਬਣਾਈ ਰੱਖੋ।
