ਅੰਮ੍ਰਿਤਸਰ: 18 Nov 2025 AJ DI Awaaj
Punjab Desk : ਰਾਮਦਾਸ ਥਾਣੇ ਦੇ ਅਧੀਨ ਇੱਕ ਪਿੰਡ ਵਿੱਚ ਇਕ ਅੰਨ੍ਹੀ ਕੁੜੀ ਨਾਲ ਬਲਾ*ਤਕਾਰ ਦਾ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸਬੰਧ ਵਿੱਚ ਉਸੇ ਪਿੰਡ ਦੇ ਪੰਚਾਇਤ ਮੈਂਬਰ, ਅਰਸ਼ਦੀਪ ਸਿੰਘ, ਵਿਰੁੱਧ ਬਲਾ*ਤਕਾਰ ਸਮੇਤ ਗੰਭੀਰ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ।
ਏਐਸਆਈ ਨਰਿੰਦਰ ਕੌਰ ਮੁਤਾਬਕ, ਦੋਸ਼ੀ ਦੀ ਗ੍ਰਿਫ਼*ਤਾਰੀ ਲਈ ਛਾਪੇਮਾਰੀ ਜਾਰੀ ਹੈ। ਪੀੜਤਾ ਦੀ ਡਾਕਟਰੀ ਜਾਂਚ ਵਿੱਚ ਬਲਾਤ*ਕਾਰ ਦੀ ਪੁਸ਼ਟੀ ਹੋ ਚੁੱਕੀ ਹੈ।
25 ਸਾਲਾ ਪੀੜਤਾ ਨੇ ਦੱਸਿਆ ਕਿ ਉਹ ਜਨਮ ਤੋਂ ਅੰਨ੍ਹੀ ਹੈ ਅਤੇ ਘਰ ਦੇ ਕੰਮ ਅੰਦਾਜ਼ੇ ਨਾਲ ਕਰਦੀ ਹੈ। ਘਟਨਾ ਵਾਲੇ ਦਿਨ ਉਹ ਆਪਣੀ ਭਤੀਜੀ ਨਾਲ ਘਰ ਵਿੱਚ ਇਕੱਲੀ ਸੀ, ਜਦੋਂਕਿ ਬਾਕੀ ਪਰਿਵਾਰਕ ਮੈਂਬਰ ਮਜ਼ਦੂਰੀ ਲਈ ਬਾਹਰ ਗਏ ਹੋਏ ਸਨ। ਕੁਝ ਸਮੇਂ ਬਾਅਦ ਭਤੀਜੀ ਵੀ ਖੇਡਣ ਲਈ ਬਾਹਰ ਚਲੀ ਗਈ।
ਸ਼ਾਮ ਲਗਭਗ 4 ਵਜੇ, ਪੰਚਾਇਤ ਮੈਂਬਰ ਅਰਸ਼ਦੀਪ ਸਿੰਘ ਘਰ ਵਿੱਚ ਦਾਖਲ ਹੋਇਆ। ਪੀੜਤਾ ਮੁਤਾਬਕ, ਉਸਨੇ ਦਰਵਾਜ਼ੇ ’ਤੇ ਆਵਾਜ਼ ਸੁਣ ਕੇ ਪੁੱਛਿਆ ਕਿ ਕੌਣ ਹੈ, ਜਿਸ ’ਤੇ ਦੋਸ਼ੀ ਨੇ ਆਪਣਾ ਨਾਂ ਦੱਸਿਆ। ਕੁੜੀ ਨੇ ਉਸਨੂੰ ਕਿਹਾ ਕਿ ਉਹ ਘਰ ਵਿੱਚ ਇਕੱਲੀ ਹੈ ਅਤੇ ਉਹ ਵਾਪਸ ਚਲਾ ਜਾਵੇ, ਪਰ ਦੋਸ਼ੀ ਜ਼ਬਰਦਸਤੀ ਅੰਦਰ ਆ ਗਿਆ ਅਤੇ ਉਸ ਨਾਲ ਦੁਰਵਿਵਹਾਰ ਕੀਤਾ।
ਪੀੜਤਾ ਦੇ ਰੌਲਾ ਪਾਉਣ ’ਤੇ ਦੋਸ਼ੀ ਮੌਕੇ ਤੋਂ ਭੱਜ ਗਿਆ। ਪਰਿਵਾਰ ਦੇ ਵਾਪਸ ਆਉਣ ’ਤੇ ਕੁੜੀ ਨੇ ਪੂਰਾ ਮਾਮਲਾ ਦੱਸਿਆ, ਜਿਸ ਤੋਂ ਬਾਅਦ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ। ਜਾਂਚ ਤੋਂ ਬਾਅਦ ਅਰਸ਼ਦੀਪ ਸਿੰਘ ਵਿਰੁੱਧ ਬਲਾ*ਤਕਾਰ ਦਾ ਕੇਸ ਦਰਜ ਕਰ ਲਿਆ ਗਿਆ ਹੈ।
ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ।
