ਅੱਜ ਦੀ ਆਵਾਜ਼ | 18 ਅਪ੍ਰੈਲ 2025
ਪੰਚਕੂਲਾ ਪੁਲਿਸ ਨੇ ਗੈਰਕਾਨੂੰਨੀ ਤਰੀਕੇ ਨਾਲ ਰਹਿ ਰਹੇ ਪ੍ਰਵਾਸੀਆਂ ਦੀ ਪਛਾਣ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ। ਹੁਣ ਤੱਕ 92 ਸ਼ੱਕੀ ਵਿਅਕਤੀਆਂ ਦੇ ਦਸਤਾਵੇਜ਼ ਜਾਂਚੇ ਗਏ ਹਨ, ਜਿਨ੍ਹਾਂ ਵਿੱਚੋਂ 5 ਪਰਿਵਾਰਾਂ ਕੋਲ ਕੋਈ ਵੀ ਪਛਾਣ ਦਸਤਾਵੇਜ਼ ਨਹੀਂ ਮਿਲਿਆ। ਚੰਦਮੰਦੀਰ, ਰਾਏਪੁਰ ਰਾਣਾ, ਕਲਕਾ, ਪਿੰਜੋਰ ਅਤੇ ਸ਼ਹਿਰ ਦੇ ਵੱਖ-ਵੱਖ ਸੈਕਟਰਾਂ ‘ਚ ਪੁਲਿਸ ਟੀਮਾਂ ਨੇ ਆਧਾਰ ਅਤੇ ਹੋਰ ਪਛਾਣ ਦਸਤਾਵੇਜ਼ਾਂ ਦੀ ਜਾਂਚ ਕੀਤੀ। ਕੁੱਲ 5,543 ਲੋਕਾਂ ਦੀ ਤਸਦੀਕ ਹੋਈ, ਜਿਨ੍ਹਾਂ ਵਿੱਚੋਂ ਕਈਆਂ ਦੇ ਵੱਖ-ਵੱਖ ਦਸਤਾਵੇਜ਼ਾਂ ‘ਚ ਵੇਰਵੇ ਨਾਂ-ਮਿਲਦੇ ਹਨ।
ਕੁਝ ਲੋਕ ਪੁਛਗਿੱਛ ਦੌਰਾਨ ਸਹਿਯੋਗ ਨਹੀਂ ਕਰ ਰਹੇ। ਪੁਲਿਸ ਨੇ ਨੰਬਰ ਪਲੇਟ ਤੋਂ ਬਿਨਾਂ ਜਾਂ ਛੇੜਛਾੜ ਕੀਤੇ ਹੋਏ ਵਾਹਨਾਂ ‘ਤੇ ਵੀ ਕਾਰਵਾਈ ਕੀਤੀ। ਹੁਣ 92 ਸ਼ੱਕੀ ਪਰਿਵਾਰਾਂ ਦੀ ਮੁੜ ਜਾਂਚ ਹੋਏਗੀ ਤਾਂ ਜੋ ਇਹ ਪਤਾ ਲੱਗ ਸਕੇ ਕਿ ਉਹ ਭਾਰਤੀ ਹਨ ਜਾਂ ਕਿਸੇ ਹੋਰ ਦੇਸ਼ ਨਾਲ ਸਬੰਧਤ। ਪੁਲਿਸ ਕਮਿਸ਼ਨਰ ਰਾਕੇਸ਼ ਕੁਮਾਰ ਆਰੀ ਨੇ ਕਿਹਾ ਕਿ ਇਹ ਮੁਹਿੰਮ ਸੁਰੱਖਿਆ ਨੂੰ ਮਜ਼ਬੂਤ ਕਰਨ ਅਤੇ ਗੈਰਕਾਨੂੰਨੀ ਰਿਹਾਇਸ਼ੀਆਂ ਦੀ ਪਛਾਣ ਲਈ ਜਾਰੀ ਰਹੇਗੀ।
