25 ਨਵੰਬਰ, 2025 ਅਜ ਦੀ ਆਵਾਜ਼
Bollywood Desk: ਬੌਲੀਵੁੱਡ ਦੇ ਐਕਸ਼ਨ ਸਟਾਰ ਸਨੀ ਦੇਓਲ ਇਸ ਸਮੇਂ ਪਰਿਵਾਰਕ ਦੁੱਖ ਦੇ ਦੌਰ ਵਿਚੋਂ ਲੰਘ ਰਹੇ ਹਨ। ਪਿਤਾ ਧਰਮਿੰਦਰ ਦੇ ਦੇਹਾਂਤ ਤੋਂ ਬਾਅਦ ਪਰਿਵਾਰ ਇਕ-ਦੂਜੇ ਦਾ ਸਹਾਰਾ ਬਣ ਰਿਹਾ ਹੈ। ਫਿਰ ਵੀ ਫੈਨਜ਼ ਨੂੰ ਉਮੀਦ ਹੈ ਕਿ ਸਨੀ ਜਲਦੀ ਕੰਮ ‘ਤੇ ਵਾਪਸ ਆਉਣਗੇ, ਕਿਉਂਕਿ ਅਗਲੇ ਸਾਲ ਦੀ ਸ਼ੁਰੂਆਤ ‘ਚ ਉਨ੍ਹਾਂ ਦੀ ਸਭ ਤੋਂ ਵੱਡੀ ਫ਼ਿਲਮ ‘ਬੌਰਡਰ 2’ ਰਿਲੀਜ਼ ਹੋਣੀ ਹੈ।
ਐਸੇ ਵਿਚ ਫ਼ਿਲਮ ਦੇ ਮੇਕਰਾਂ ਨੇ ਆਖ਼ਰੀ ਵਕ਼ਤ ‘ਤੇ ਇੱਕ ਵੱਡਾ ਫ਼ੈਸਲਾ ਕੀਤਾ ਹੈ। ਸਨੀ ਦੇਓਲ ਨਹੀਂ, ਹੁਣ ਇੱਕ ਹੋਰ ਫੌਜੀ ਦੇ ਕੌਂਧਿਆਂ ‘ਤੇ ਡਬਲ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਫ਼ਿਲਮ ਵਿੱਚ ਸਨੀ ਦੇਓਲ ਦੇ ਨਾਲ ਵਰੂਣ ਧਵਨ, ਦਿਲਜੀਤ ਦੋਸਾਂਝ ਅਤੇ ਅਹਾਨ ਸ਼ੈੱਟੀ ਵੀ ਨਜ਼ਰ ਆਉਣਗੇ। ਫ਼ਿਲਮ 23 ਜਨਵਰੀ 2026 ਨੂੰ ਰਿਲੀਜ਼ ਕਰਨ ਦੀ ਯੋਜਨਾ ਬਣ ਚੁੱਕੀ ਹੈ। ਇਸੇ ਦੌਰਾਨ ਪਤਾ ਲੱਗਿਆ ਕਿ ਮੇਕਰਾਂ ਨੇ ਦੇਸ਼ਭਕਤੀ ਗੀਤ ‘ਸੰਦੇਸ਼ੇ ਆਤੇ ਹਨ’ ਦਾ ਇੱਕ ਸ਼ਕਤੀਸ਼ਾਲੀ ਰੀਕ੍ਰਿਏਟਡ ਵਰਜਨ ਤਿਆਰ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।
ਇਸ ਨਵੇਂ ਵਰਜਨ ਵਿੱਚ ਸੋਨੂ ਨਿਗਮ, ਅਰਿਜੀਤ ਸਿੰਘ ਅਤੇ ਹੁਣ ਦਿਲਜੀਤ ਦੋਸਾਂਝ ਦੀ ਆਵਾਜ਼ ਵੀ ਸ਼ਾਮਲ ਕੀਤੀ ਜਾ ਰਹੀ ਹੈ। ਦਿਲਜੀਤ ਪਹਿਲਾਂ ਹੀ ਫ਼ਿਲਮ ਵਿੱਚ ਭਾਰਤੀ ਵਾਇੂ ਸੈਨਾ ਦੇ ਆਫ਼ਿਸਰ ਨਿਰਮਲਜੀਤ ਸਿੰਘ ਸੇਖੋਂ ਦਾ ਕਿਰਦਾਰ ਨਿਭਾ ਰਹੇ ਹਨ, ਜਿਨ੍ਹਾਂ ਨੂੰ 1971 ਦੇ ਯੁੱਧ ‘ਚ ਬਹਾਦਰੀ ਲਈ ਮਰਨੋਂਪਰੰਤ ਪਰਮਵੀਰ ਚੱਕਰ ਮਿਲਿਆ ਸੀ।
ਮੈਕਰਾਂ ਨੂੰ ਇੱਕ ਐਸੀ ਆਵਾਜ਼ ਦੀ ਲੋੜ ਸੀ ਜਿਸ ਵਿੱਚ ਦਿਲ ਵੀ ਹੋਵੇ ਤੇ ਮੌਡਰਨ ਟੱਚ ਵੀ। ਦਿਲਜੀਤ ਇਸ ਮਿਸ਼ਰਣ ਲਈ ਬਿਲਕੁਲ ਸਹੀ ਚੋਣ ਸਾਬਤ ਹੋਏ। ਉਹ ਗੀਤ ‘ਚ ਇੱਕ ਵੱਖਰਾ ਇਮੋਸ਼ਨਲ ਟੈਕਸਚਰ ਜੋੜ ਰਹੇ ਹਨ, ਜੋ ਹੋਰ ਗਾਇਕਾਂ ਦੀਆਂ ਆਵਾਜ਼ਾਂ ਨਾਲ ਬਹੁਤ ਸੋਹਣੇ ਤਰੀਕੇ ਨਾਲ ਮੇਲ ਖਾਂਦਾ ਹੈ।
