12 ਮਾਰਚ 2025 Aj Di Awaaj
ਹਰਿਆਣਾ ਡੈਸਕ: ਅੱਜ ਹਰਿਆਣਾ ਲਈ ਮਹੱਤਵਪੂਰਨ ਦਿਨ ਹੈ, ਕਿਉਂਕਿ 10 ਨਗਰ ਨਿਗਮਾਂ ਦੇ ਮੇਅਰ ਚੋਣਾਂ ਦੇ ਨਤੀਜੇ ਆ ਰਹੇ ਹਨ। 8 ਨਗਰ ਨਿਗਮ – ਹਿਸਾਰ, ਰੋਹਤਕ, ਗੁਰੂਗ੍ਰਾਮ, ਪਾਣੀਪਤ, ਫਰੀਦਾਬਾਦ, ਯਮੁਨਾਨਗਰ, ਕਰਨਾਲ ਅਤੇ ਮਾਨੇਸਰ – ਵਿੱਚ ਮੇਅਰ ਤੇ ਪਾਰਸ਼ਦ ਚੋਣਾਂ ਦੀ ਗਿਣਤੀ ਚੱਲ ਰਹੀ ਹੈ, ਜਦਕਿ ਸੋਨੀਪਤ ਅਤੇ ਅੰਬਾਲਾ ਵਿੱਚ ਕੇਵਲ ਮੇਅਰ ਚੋਣ ਹੋ ਰਹੀਆਂ ਹਨ। ਨਾਲ ਹੀ, 32 ਨਗਰ ਪਾਲਿਕਾਵਾਂ ਅਤੇ ਨਗਰ ਪਰਿਸ਼ਦਾਂ ਦੇ ਚੋਣ ਨਤੀਜੇ ਵੀ ਅੱਜ ਆਉਣਗੇ।
BJP ਦਾ ਵਿੱਜੇ ਅਭਿਆਨ ਜਾਰੀ
ਹਰਿਆਣਾ ਦੇ ਨਗਰ ਨਿਗਮਾਂ ‘ਚ BJP ਵੱਡੀ ਜਿੱਤ ਦੀ ਪਾਸੇ ਹੈ। 9 ਨਗਰ ਨਿਗਮ BJP ਦੀ ਝੋਲੀ ‘ਚ ਜਾ ਰਹੇ ਹਨ, ਜਦਕਿ 1 ‘ਚ ਅਜਾਦ ਉਮੀਦਵਾਰ ਅੱਗੇ ਹੈ। ਦੂਜੀ ਪਾਸੇ, ਕਾਂਗਰਸ ਬੁਰੀ ਤਰ੍ਹਾਂ ਪਿੱਛੇ ਰਹੀ।
ਅੰਬਾਲਾ ‘ਚ BJP ਦੀ ਜਿੱਤ
ਅੰਬਾਲਾ ਨਗਰ ਨਿਗਮ ਵਿੱਚ BJP ਦੀ ਸੈਲਜਾ ਸਚਦੇਵਾ ਨੇ ਮੇਅਰ ਚੋਣ ਜਿੱਤ ਲਈ। ਉਨ੍ਹਾਂ ਨੇ ਕਾਂਗਰਸ ਉਮੀਦਵਾਰ ਅਮੀਸ਼ਾ ਚਾਵਲਾ ਨੂੰ ਹਰਾਇਆ। ਮਾਨੇਸਰ ਵਿੱਚ ਅਜ਼ਾਦ ਉਮੀਦਵਾਰ ਇੰਦ੍ਰਜੀਤ ਯਾਦਵ ਅੱਗੇ ਹਨ। ਜੁਲਾਨਾ ਨਗਰ ਪਾਲਿਕਾ ‘ਚ BJP ਦੇ ਡਾ. ਸੰਜਯ ਜਾਂਗੜਾ ਨੇ ਚੇਅਰਮੈਨ ਅਹੁਦਾ ਜਿੱਤ ਲਿਆ।
ਸੁਰੱਖਿਆ ਪ੍ਰਬੰਧ ਤਗੜੇ
2 ਅਤੇ 9 ਮਾਰਚ ਨੂੰ ਹੋਈਆਂ ਨਿਕਾਇ ਚੋਣਾਂ ਦੀ ਗਿਣਤੀ ਅੱਜ ਸਵੇਰੇ ਸ਼ੁਰੂ ਹੋਈ। ਸ਼ਾਮ ਤੱਕ ਜ਼ਿਆਦਾਤਰ ਨਤੀਜੇ ਆਉਣ ਦੀ ਉਮੀਦ ਹੈ। ਗਿਣਤੀ ਦੌਰਾਨ ਸੁਰੱਖਿਆ ਦੇ ਪੂਰੇ ਪ੍ਰਬੰਧ ਕੀਤੇ ਗਏ ਹਨ, ਤਾਂ ਜੋ ਨਤੀਜੇ ਸ਼ਾਂਤੀਪੂਰਨ ਢੰਗ ਨਾਲ ਘੋਸ਼ਿਤ ਕੀਤੇ ਜਾ ਸਕਣ।
