14November 2025 Aj Di Awaaj
National Desk 2025 ਦੀਆਂ ਬਿਹਾਰ ਵਿਧਾਨ ਸਭਾ ਚੋਣਾਂ ਵਿੱਚ ਭਾਰੀ ਮਤਦਾਨ ਤੋਂ ਬਾਅਦ, ਨਤੀਜੇ ਅੱਜ ਘੋਸ਼ਿਤ ਕੀਤੇ ਜਾਣਗੇ, ਜਿਸ ਨਾਲ ਇਹ ਸਾਫ਼ ਹੋ ਜਾਵੇਗਾ ਕਿ ਬਿਹਾਰ ਵਿੱਚ ਸਰਕਾਰ ਕੌਣ ਬਣਾਏਗਾ। ਬਿਹਾਰ ਵਿਧਾਨ ਸਭਾ ਵਿੱਚ ਕੁੱਲ 243 ਸੀਟਾਂ ਹਨ ਅਤੇ ਸਰਕਾਰ ਬਣਾਉਣ ਲਈ ਕਿਸੇ ਵੀ ਪਾਰਟੀ ਜਾਂ ਗਠਜੋੜ ਨੂੰ ਘੱਟੋ-ਘੱਟ 122 ਸੀਟਾਂ ਦੀ ਲੋੜ ਹੁੰਦੀ ਹੈ।
ਬਿਹਾਰ ਚੋਣਾਂ 2025 ਵਿੱਚ ਐਨਡੀਏ ਦੀ ਸਾਥੀ ਭਾਜਪਾ 101 ਸੀਟਾਂ ‘ਤੇ, ਜੇਡੀਯੂ 101, ਚਿਰਾਗ ਪਾਸਵਾਨ ਦੀ ਐਲਜੇਪੀ (ਰਾਮ ਵਿਲਾਸ) 29, ਉਪੇਂਦਰ ਕੁਸ਼ਵਾਹਾ ਦੀ ਆਰਐਲਐਮ 6 ਅਤੇ ਜੀਤਨ ਰਾਮ ਮਾਂਝੀ ਦੀ ਐਚਏਐਮ 6 ਸੀਟਾਂ ‘ਤੇ ਚੋਣ ਮੈਦਾਨ ਵਿੱਚ ਹੈ।
ਭਾਰਤ ਦੇ ਕਾਰਬਨ ਡਾਇਆਕਸਾਈਡ ਨਿਕਾਸ ’ਚ ਆਈ ਕਮੀ, 30 ਤੋਂ ਵੱਧ ਗਲੋਬਲ ਨੈੱਟਵਰਕ ਦੀ ਰਿਪੋਰਟ ਸਾਹਮਣੇ
ਮਹਾਗਠਜੋੜ ਵੱਲੋਂ ਆਰਜੇਡੀ 143 ਸੀਟਾਂ, ਕਾਂਗਰਸ 61, ਖੱਬੇ ਧਿਰ 30 ਅਤੇ ਵੀਆਈਪੀ 9 ਸੀਟਾਂ ‘ਤੇ ਚੋਣ ਲੜ ਰਹੇ ਹਨ। ਇਸ ਤੋਂ ਇਲਾਵਾ, ਮਹਾਗਠਜੋੜ ਕੁਝ ਹਲਕਿਆਂ—ਚੈਨਪੁਰ, ਕਾਰਗਾਹਰ, ਨਰਕਟੀਆਗੰਜ, ਸਿਕੰਦਰਾ, ਕਾਹਲਗਾਓਂ ਅਤੇ ਸੁਲਤਾਨਗੰਜ—’ਚ ਦੋਸਤਾਨਾ ਮੁਕਾਬਲੇ ਵੀ ਲੜ ਰਿਹਾ ਹੈ।
ਇਹ ਚੋਣ ਦੇਸ਼ ਭਰ ਵਿੱਚ ਚਰਚਾ ਦਾ ਕੇਂਦਰ ਬਣੀ ਹੋਈ ਹੈ। ਮਹੂਆ ਤੋਂ ਤੇਜ ਪ੍ਰਤਾਪ ਯਾਦਵ, ਅਲੀਨਗਰ ਤੋਂ ਮੈਥਿਲੀ ਠਾਕੁਰ, ਮੋਕਾਮਾ ਤੋਂ ਅਨੰਤ ਸਿੰਘ, ਛਪਰਾ ਤੋਂ ਖੇਸਾਰੀ ਲਾਲ ਯਾਦਵ, ਰਾਘੋਪੁਰ ਤੋਂ ਤੇਜਸਵੀ ਯਾਦਵ, ਤਾਰਾਪੁਰ ਤੋਂ ਸਮਰਾਟ ਚੌਧਰੀ, ਲਖੀਸਰਾਏ ਤੋਂ ਵਿਜੇ ਸਿਨਹਾ ਅਤੇ ਪ੍ਰਸ਼ਾਂਤ ਕਿਸ਼ੋਰ ਦੀ ਜਨਸੂਰਾਜ ਪਾਰਟੀ ਦੇ ਪ੍ਰਦਰਸ਼ਨ ‘ਤੇ ਸਭ ਦੀ ਨਿਗਾਹ ਹੈ।
ਇਸ ਲਾਈਵ ਬਲੌਗ ਵਿੱਚ ਅਸੀਂ ਤੁਹਾਨੂੰ ਹਰ ਸੀਟ ਤੋਂ ਮਿੰਟ-ਦਰ-ਮਿੰਟ ਅਪਡੇਟਸ ਪ੍ਰਦਾਨ ਕਰ ਰਹੇ ਹਾਂ।
