ਪੰਜਾਬ ‘ਚ ਮੌਸਮ ਦੀ ਵੱਡੀ ਚੇਤਾਵਨੀ: ਅਗਲੇ 4 ਦਿਨਾਂ ਚ ਇਹ 4 ਜ਼ਿਲ੍ਹੇ ਬਣ ਸਕਦੇ ਨੇ ਤਬਾਹੀ ਦਾ ਕੇਂਦਰ!”

ਅੱਜ ਦੀ ਆਵਾਜ਼ | 2 ਮਈ 2025

ਪੰਜਾਬ ‘ਚ ਮੌਸਮ ਬਣਿਆ ਖਤਰਨਾਕ – IMD ਵੱਲੋਂ 4 ਦਿਨਾਂ ਲਈ ਅਲਰਟ, ਤੂਫ਼ਾਨੀ ਹਵਾਵਾਂ ਅਤੇ ਮੀਂਹ ਦਾ ਖਤਰਾ

ਚੰਡੀਗੜ੍ਹ – ਭਾਰਤੀ ਮੌਸਮ ਵਿਭਾਗ (IMD) ਚੰਡੀਗੜ੍ਹ ਕੇਂਦਰ ਵੱਲੋਂ ਪੰਜਾਬ ‘ਚ ਆਉਣ ਵਾਲੇ ਚਾਰ ਦਿਨਾਂ ਲਈ ਮੌਸਮ ਬਾਰੇ ਗੰਭੀਰ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। 2 ਮਈ ਤੋਂ 5 ਮਈ, 2025 ਤੱਕ ਪੰਜਾਬ ਦੇ ਕਈ ਹਿੱਸਿਆਂ ਵਿੱਚ ਤੇਜ਼ ਹਵਾਵਾਂ (40-60 ਕਿਲੋਮੀਟਰ ਪ੍ਰਤੀ ਘੰਟਾ), ਬਿਜਲੀ ਚਮਕਣ, ਧੂੜ ਭਰੀਆਂ ਹਨੇਰੀਆਂ ਅਤੇ ਮੀਂਹ ਪੈਣ ਦੀ ਸੰਭਾਵਨਾ ਹੈ।

ਬੀਤੀ ਰਾਤ ਅੰਮ੍ਰਿਤਸਰ, ਗੁਰਦਾਸਪੁਰ ਅਤੇ ਪਠਾਨਕੋਟ ਵਿੱਚ 20 ਤੋਂ 30 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਧੂੜ ਵਾਲੀਆਂ ਹਨੇਰੀਆਂ ਚੱਲੀਆਂ, ਜਿਸ ਨਾਲ ਮੀਂਹ ਵੀ ਪਿਆ ਅਤੇ ਤਾਪਮਾਨ ਵਿੱਚ ਵਾਧੂ ਗਿਰਾਵਟ ਦਰਜ ਕੀਤੀ ਗਈ।

IMD ਨੇ ਪਟਿਆਲਾ, ਮੋਹਾਲੀ, ਤਰਨਤਾਰਨ, ਅੰਮ੍ਰਿਤਸਰ, ਗੁਰਦਾਸਪੁਰ ਅਤੇ ਪਠਾਨਕੋਟ ‘ਚ ਝੱਖੜ ਵਰਗੀ ਸਥਿਤੀ ਦੀ ਭਵਿੱਖਬਾਣੀ ਕੀਤੀ ਹੈ – ਇਨ੍ਹਾਂ ਥਾਵਾਂ ‘ਤੇ ਹਵਾਵਾਂ ਦੀ ਰਫ਼ਤਾਰ 80 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਪਹੁੰਚ ਸਕਦੀ ਹੈ। ਇਹ ਹਵਾਵਾਂ ਫਸਲਾਂ, ਕੱਚੇ ਮਕਾਨਾਂ, ਰੁੱਖਾਂ ਅਤੇ ਬਿਜਲੀ ਦੀਆਂ ਤਾਰਾਂ ਲਈ ਖਤਰਾ ਬਣ ਸਕਦੀਆਂ ਹਨ। ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਰਹਿਣ ਅਤੇ ਜ਼ਰੂਰੀ ਸਾਵਧਾਨੀਆਂ ਵਰਤਣ ਦੀ ਸਲਾਹ ਦਿੱਤੀ ਗਈ ਹੈ।

ਤਾਪਮਾਨ ਦੀ ਸਥਿਤੀ

ਪੰਜਾਬ ਦਾ ਔਸਤ ਵੱਧ ਤੋਂ ਵੱਧ ਤਾਪਮਾਨ 0.2 ਡਿਗਰੀ ਸੈਲਸੀਅਸ ਘੱਟ ਰਿਹਾ – ਹਾਲਾਂਕਿ ਇਹ ਅਜੇ ਵੀ ਆਮ ਸੀਮਾਵਾਂ ਵਿੱਚ ਆਉਂਦਾ ਹੈ, ਪਰ ਕੁਝ ਹਿੱਸਿਆਂ ‘ਚ ਗਰਮੀ ਤੇਜ਼ ਰਹੀ। ਸਭ ਤੋਂ ਵੱਧ ਤਾਪਮਾਨ ਬਠਿੰਡਾ ‘ਚ 41.2 ਡਿਗਰੀ ਸੈਲਸੀਅਸ ਦਰਜ ਹੋਇਆ।

ਅਗਲੇ 4 ਦਿਨਾਂ ਦਾ ਮੌਸਮ:

• 2 ਮਈ – ਕੁਝ ਦੱਖਣੀ ਅਤੇ ਪੂਰਬੀ ਜ਼ਿਲ੍ਹਿਆਂ ਵਿੱਚ ਮੌਸਮ ਆਮ ਰਹੇਗਾ, ਪਰ ਹੋਰ ਥਾਵਾਂ ‘ਚ ਧੂੜ ਭਰੀ ਹਨੇਰੀ ਦੀ ਸੰਭਾਵਨਾ।

• 3-4 ਮਈ – ਅਕਸਰ ਜ਼ਿਲ੍ਹਿਆਂ ‘ਚ ਬਿਜਲੀ, ਤੇਜ਼ ਹਵਾਵਾਂ ਅਤੇ ਧੂੜ ਵਾਲੀ ਹਨੇਰੀ ਪੈ ਸਕਦੀ ਹੈ।

• 5 ਮਈ – ਹਾਲਾਤਾਂ ‘ਚ ਕੁਝ ਹੱਦ ਤੱਕ ਸੁਧਾਰ ਦੀ ਉਮੀਦ, ਪਰ ਕੁਝ ਥਾਵਾਂ ਲਈ ਅਲਰਟ ਜਾਰੀ ਰਹੇਗਾ।

ਮੁੱਖ ਸ਼ਹਿਰਾਂ ਦਾ ਮੌਸਮ ਅੰਦਾਜ਼ਾ:

• ਅੰਮ੍ਰਿਤਸਰ: ਅੰਸ਼ਕ ਬੱਦਲਵਾਈ, ਮੀਂਹ ਦੀ ਸੰਭਾਵਨਾ; ਤਾਪਮਾਨ 25–36°C

• ਜਲੰਧਰ: ਬੱਦਲਵਾਈ ਅਤੇ ਮੀਂਹ ਦੀ ਉਮੀਦ; ਤਾਪਮਾਨ 25–36°C

• ਲੁਧਿਆਣਾ: ਅੰਸ਼ਕ ਬੱਦਲਵਾਈ, ਮੀਂਹ ਸੰਭਾਵੀ; ਤਾਪਮਾਨ 26–37°C

• ਪਟਿਆਲਾ: ਹਲਕੀ ਬੱਦਲਵਾਈ, ਮੀਂਹ ਹੋ ਸਕਦਾ ਹੈ; ਤਾਪਮਾਨ 25–37°C

• ਮੋਹਾਲੀ: ਅੰਸ਼ਕ ਤੌਰ ‘ਤੇ ਬੱਦਲਵਾਈ; ਤਾਪਮਾਨ 27–35°C