ਜਲੰਧਰ 08 July 2025 AJ Di Awaaj
Punjab Desk : ਬਿਕਰਮਪੁਰਾ ਇਲਾਕੇ ‘ਚ ਲੁੱਟ ਦੀ ਇਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਲੁਟੇਰਿਆਂ ਨੇ ਇੱਕ ਨੌਜਵਾਨ ਨੂੰ ਗੰਨ ਪੁਆ*ਇੰਟ ‘ਤੇ ਲੈ ਕੇ ਲੱਖਾਂ ਰੁਪਏ ਦੀ ਨਕਦੀ ਅਤੇ ਸੋਨੇ ਦੇ ਗਹਿਣੇ ਲੁੱਟ ਲਏ। ਘਟਨਾ ਰਾਤ ਕਰੀਬ 9 ਵਜੇ ਵਾਪਰੀ, ਜਦੋਂ 20 ਸਾਲਾ ਨੌਜਵਾਨ ਉਦੇ ਆਪਣੇ ਘਰ ‘ਚ ਇਕੱਲਾ ਸੀ।
ਉਦੇ ਦੇ ਅਨੁਸਾਰ, ਰਾਤ ਨੂੰ ਦੋ ਅਣਜਾਣ ਵਿਅਕਤੀ ਉਸ ਦੇ ਘਰ ਆਏ ਅਤੇ ਦਰਵਾਜ਼ਾ ਖਟਖਟਾਇਆ। ਜਿਵੇਂ ਹੀ ਉਸ ਨੇ ਦਰਵਾਜ਼ਾ ਖੋਲ੍ਹਿਆ, ਲੁਟੇਰਿਆਂ ਨੇ ਪਿਸਤੌ*ਲ ਤਾਣ ਕੇ ਉਸ ਨੂੰ ਡਰਾਇਆ ਤੇ ਘਰ ਅੰਦਰ ਦਾਖਲ ਹੋ ਗਏ। ਉਥੇ ਉਹ 2.5 ਲੱਖ ਰੁਪਏ ਨਕਦ ਅਤੇ ਤਿੰਨ ਸੋਨੇ ਦੀਆਂ ਚੇਨਾਂ ਲੁੱ*ਟ ਕੇ ਫ਼ਰਾਰ ਹੋ ਗਏ।
ਇਸ ਦੌਰਾਨ ਘਰ ਵਿਚ ਬਿਜਲੀ ਵੀ ਗਾਇਬ ਸੀ, ਜਿਸ ਕਾਰਨ ਡਰ ਦਾ ਮਾਹੌਲ ਹੋਰ ਵੱਧ ਗਿਆ। ਉਦੇ ਦੇ ਮਾਤਾ-ਪਿਤਾ ਘਟਨਾ ਦੇ ਸਮੇਂ ਨਜ਼ਦੀਕੀ ਮੰਦਰ ‘ਚ ਚੌਂਕੀ ਲਗਾਉਣ ਗਏ ਹੋਏ ਸਨ।
ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਪੀੜਤ ਦੇ ਬਿਆਨ ਦਰਜ ਕਰ ਰਹੀ ਹੈ। ਏ.ਸੀ.ਪੀ. ਆਤਿਸ਼ ਭਾਟੀਆ ਨੇ ਦੱਸਿਆ ਕਿ ਲੁਟੇਰੇ ਪੂਰੀ ਤਿਆਰੀ ਨਾਲ ਆਏ ਸਨ ਤੇ ਮੂੰਹ ਢੱਕਿਆ ਹੋਇਆ ਸੀ। ਪੁਲਿਸ ਵਲੋਂ ਆਸਪਾਸ ਦੇ ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਤਾਂ ਜੋ ਦੋਸ਼ੀਆਂ ਦੀ ਪਛਾਣ ਕਰਕੇ ਉਨ੍ਹਾਂ ਨੂੰ ਜਲਦੀ ਕਾਬੂ ਕੀਤਾ ਜਾ ਸਕੇ।
ਇਲਾਕੇ ਦੇ ਪਾਰਸ਼ਦ ਸਲਿਲ ਬਾਹਰੀ ਨੇ ਵੀ ਘਟਨਾ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਇਹ ਘਟਨਾ ਲੋਕਾਂ ਲਈ ਚਿੰਤਾ ਦਾ ਵਿਸ਼ਾ ਹੈ ਅਤੇ ਪੁਲਿਸ ਨੂੰ ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਣਾ ਚਾਹੀਦਾ ਹੈ।
