Mohali 22 Aug 2025 Aj DI Awaaj
Punjab Desk : ਪੰਜਾਬੀ ਫਿਲਮ ਜਗਤ ਤੋਂ ਇਕ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਕੌਮেডੀਅਨ ਅਤੇ ਅਦਾਕਾਰ ਜਸਵਿੰਦਰ ਭੱਲਾ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਵਿੱਚ ਆਪਣੇ ਆਖਰੀ ਸਾਹ ਲਏ। ਉਹ ਲੰਬੇ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ। ਜਸਵਿੰਦਰ ਭੱਲਾ ਦੀ ਉਮਰ ਲਗਭਗ 65 ਸਾਲ ਸੀ।
ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੱਲ੍ਹ ਮੋਹਾਲੀ ਦੇ ਬਲੌਂਗੀ ਵਿੱਚ ਕੀਤਾ ਜਾਵੇਗਾ।
ਕਲਾ ਜਗਤ ਵਿੱਚ ਅਦਾਕਾਰ ਦੀ ਯਾਤਰਾ
ਜਸਵਿੰਦਰ ਭੱਲਾ ਨੇ ਆਪਣਾ ਕਲਾਕਾਰੀ ਕਰੀਅਰ 1988 ਵਿੱਚ ਪ੍ਰਸਿੱਧ ਕੌਮੈਡੀ ਸ਼ੋਅ “ਛਣਕਾਟਾ” ਰਾਹੀਂ ਸ਼ੁਰੂ ਕੀਤਾ, ਜਿਸ ਵਿੱਚ ਉਹ ‘ਚਾਚਾ ਚਤਰਾ’ ਦੇ ਰੂਪ ਵਿੱਚ ਬਹੁਤ ਹੀ ਲੋਕਪ੍ਰਿਯ ਹੋਏ। ਉਨ੍ਹਾਂ ਦੇ ਸਾਥੀ ਕਲਾਕਾਰਾਂ ਵਿੱਚ ਬਾਲ ਮੁਕੰਦ ਸ਼ਰਮਾ ਅਤੇ ਨੀਲੂ ਵੀ ਸ਼ਾਮਲ ਸਨ।
ਪੰਜਾਬੀ ਫਿਲਮਾਂ ਵਿੱਚ ਉਨ੍ਹਾਂ ਨੇ ਆਪਣਾ ਡੈਬਿਊ “ਦੁੱਲਾ ਭੱਟੀ” ਫਿਲਮ ਰਾਹੀਂ ਕੀਤਾ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ “ਚੱਕ ਦੇ ਫੱਟੇ”, “ਕੈਰੀ ਆਨ ਜੱਟਾ”, “ਡੈੱਡੀ ਕੂਲ ਮੁੰਡੇ ਫੂਲ”, “ਮੇਲ ਕਰਾਦੇ ਰੱਬਾ”, “ਜੱਟ ਐਂਡ ਜੂਲੀਅਟ”, “ਗੋਲਕ ਬੁਗਨੀ ਬੈਂਕ ਤੇ ਬਟੂਆ” ਵਰਗੀਆਂ ਕਈ ਹਿੱਟ ਫਿਲਮਾਂ ਵਿੱਚ ਯਾਦਗਾਰ ਭੂਮਿਕਾਵਾਂ ਨਿਭਾਈਆਂ।
ਵਿਦਿਆਵਾਂ ਅਤੇ ਅਕਾਦਮਿਕ ਯੋਗਦਾਨ
ਜਸਵਿੰਦਰ ਭੱਲਾ ਨੇ ਆਪਣੀ ਵਿਦਿਆ Punjab Agricultural University, ਲੁਧਿਆਣਾ ਤੋਂ ਪ੍ਰਾਪਤ ਕੀਤੀ। ਉਨ੍ਹਾਂ ਨੇ 1982 ਵਿੱਚ B.Sc. (Hons) ਖੇਤੀਬਾੜੀ ਅਤੇ 1985 ਵਿੱਚ M.Sc. (Extension Education) ਦੀ ਡਿਗਰੀ ਹਾਸਲ ਕੀਤੀ।
ਉਨ੍ਹਾਂ ਨੇ ਖੇਤੀਬਾੜੀ ਵਿਭਾਗ, ਪੰਜਾਬ ਵਿੱਚ 5 ਸਾਲ ਤੱਕ ਸੇਵਾ ਕੀਤੀ। 1989 ਵਿੱਚ ਉਹ ਪੀਏਯੂ ਵਿੱਚ ਸਹਾਇਕ ਪ੍ਰੋਫੈਸਰ ਦੇ ਤੌਰ ‘ਤੇ ਸ਼ਾਮਲ ਹੋਏ ਅਤੇ 2020 ਵਿੱਚ ਵਿਭਾਗ ਦੇ ਮੁਖੀ ਵਜੋਂ ਸੇਵਾਮੁਕਤ ਹੋਏ। 2000 ਵਿੱਚ ਉਨ੍ਹਾਂ ਨੇ PhD (Agricultural Extension) C.C.S. University, ਮੇਰਠ ਤੋਂ ਪੂਰੀ ਕੀਤੀ।
ਜਸਵਿੰਦਰ ਭੱਲਾ ਦੇ ਅਚਾਨਕ ਚਲੇ ਜਾਣ ਨਾਲ ਪੰਜਾਬੀ ਸਿਨੇਮਾ ਅਤੇ ਕੌਮੈਡੀ ਦੀ ਦੁਨੀਆਂ ਨੂੰ ਗਹਿਰੀ ਛੋਹ ਪਈ ਹੈ। ਉਨ੍ਹਾਂ ਦੀ ਹਾਸੇ-ਵਿਅੰਗ ਅਤੇ ਸਮਾਜਿਕ ਮਸਲਿਆਂ ‘ਤੇ ਨਿਸ਼ਾਨਾ ਸਾਧਦੀ ਕਲਾ ਹਮੇਸ਼ਾ ਯਾਦ ਰਹੇਗੀ।
ਪ੍ਰਾਰਥਨਾ ਹੈ ਕਿ ਪਰਮਾਤਮਾ ਉਨ੍ਹਾਂ ਦੀ ਆਤਮਾ ਨੂੰ ਚਿਰ ਸ਼ਾਂਤੀ ਦੇਵੇ।
