05 ਦਸੰਬਰ, 2025 ਅਜ ਦੀ ਆਵਾਜ਼
Lifestyle Desk: ਪਾਣੀ ਦੀ ਬੋਤਲ ਖਰੀਦਦੇ ਸਮੇਂ ਜ਼ਿਆਦਾਤਰ ਲੋਕ ਸਿਰਫ਼ ਬ੍ਰਾਂਡ ਜਾਂ ਕੀਮਤ ਹੀ ਚੈੱਕ ਕਰਦੇ ਹਨ, ਪਰ ਕੀ ਤੁਸੀਂ ਕਦੇ ਢੱਕਣ ਦੇ ਰੰਗ ਵੱਲ ਧਿਆਨ ਦਿੱਤਾ ਹੈ? ਬੋਤਲ ਦੇ ਕੈਪ ਦਾ ਰੰਗ ਅਸਲ ਵਿੱਚ ਪਾਣੀ ਦੀ ਕਿਸਮ ਬਾਰੇ ਮਹੱਤਵਪੂਰਨ ਜਾਣਕਾਰੀ ਦਿੰਦਾ ਹੈ।
ਅਕਸਰ ਬੋਤਲਾਂ ‘ਚ ਵੱਖ–ਵੱਖ ਕਿਸਮ ਦਾ ਪਾਣੀ ਭਰਿਆ ਹੁੰਦਾ ਹੈ—ਜਿਵੇਂ ਕਿ ਫਲੇਵਰ ਵਾਲਾ, ਸਪਰਿੰਗ ਵਾਟਰ, ਖਾਰਾ ਪਾਣੀ, RO ਪਾਣੀ ਜਾਂ ਇਲੈਕਟ੍ਰੋਲਾਈਟ ਵਾਲਾ ਪਾਣੀ। ਇਹ ਜਾਣਕਾਰੀ ਕੈਪ ਦੇ ਰੰਗ ਰਾਹੀਂ ਸਮਝੀ ਜਾ ਸਕਦੀ ਹੈ।
ਹਰਾ ਕੈਪ – ਫਲੇਵਰ ਵਾਲਾ ਪਾਣੀ
ਜੇ ਕੈਪ ਹਰਾ ਹੈ, ਤਾਂ ਬੋਤਲ ਵਿੱਚ ਫਲੇਵਰ ਮਿਲਾਇਆ ਹੋਇਆ ਪਾਣੀ ਹੁੰਦਾ ਹੈ। ਇਹ ਆਮ ਪੀਣ ਵਾਲਾ ਪਾਣੀ ਨਹੀਂ ਹੁੰਦਾ, ਸਗੋਂ ਸੁਆਦ ਲਈ ਤਿਆਰ ਕੀਤਾ ਗਿਆ ਪਾਣੀ ਹੁੰਦਾ ਹੈ।
ਨੀਲਾ ਕੈਪ – ਕੁਦਰਤੀ ਸਪਰਿੰਗ ਵਾਟਰ
ਨੀਲਾ ਢੱਕਣ ਕੁਦਰਤੀ ਸਰੋਤਾਂ ਤੋਂ ਮਿਲੇ ਪਾਣੀ ਦਾ ਸੰਕੇਤ ਹੈ। ਇਹ ਹਲਕਾ ਫਿਲਟਰ ਕੀਤਾ ਹੁੰਦਾ ਹੈ ਅਤੇ ਇਸ ਵਿੱਚ ਕੁਦਰਤੀ ਖਣਿਜ ਮੌਜੂਦ ਹੁੰਦੇ ਹਨ।
ਕਾਲਾ ਕੈਪ – ਐਲਕਲਾਈਨ (ਖਾਰਾ) ਪਾਣੀ
ਕਾਲੇ ਕੈਪ ਵਾਲੀਆਂ ਬੋਤਲਾਂ ਵਿੱਚ ਖਾਰਾ ਪਾਣੀ ਹੁੰਦਾ ਹੈ, ਜਿਸਦਾ pH ਪੱਧਰ ਆਮ ਪਾਣੀ ਨਾਲੋਂ ਵੱਧ ਹੁੰਦਾ ਹੈ। ਕੁਝ ਲੋਕ ਇਸਨੂੰ ਸਰੀਰ ਦਾ ਐਸਿਡ ਬੈਲੈਂਸ ਠੀਕ ਰੱਖਣ ਲਈ ਪੀਂਦੇ ਹਨ।
ਚਿੱਟਾ ਕੈਪ – RO ਜਾਂ ਪ੍ਰੋਸੈਸਡ ਪਾਣੀ
ਚਿੱਟਾ ਢੱਕਣ RO (Reverse Osmosis) ਜਾਂ ਪ੍ਰਸੈਸ ਕੀਤਾ ਪਾਣੀ ਦਰਸਾਉਂਦਾ ਹੈ। ਇਹ ਘਰਾਂ ਤੇ ਦਫ਼ਤਰਾਂ ਵਿੱਚ ਸਭ ਤੋਂ ਵੱਧ ਵਰਤਿਆ ਜਾਣ ਵਾਲਾ ਪਾਣੀ ਹੁੰਦਾ ਹੈ।
ਲਾਲ ਕੈਪ – ਇਲੈਕਟ੍ਰੋਲਾਈਟ ਜਾਂ ਕਾਰਬੋਨੇਟਿਡ ਵਾਟਰ
ਲਾਲ ਕੈਪ ਵਾਲੀਆਂ ਬੋਤਲਾਂ ਵਿੱਚ ਇਲੈਕਟ੍ਰੋਲਾਈਟ ਮਿਲਾਇਆ ਪਾਣੀ ਜਾਂ ਕਈ ਵਾਰ ਹਲਕਾ ਕਾਰਬੋਨੇਟਿਡ ਪਾਣੀ ਹੁੰਦਾ ਹੈ। ਇਹ ਤੇਜ਼ ਹਾਈਡਰੇਸ਼ਨ ਲਈ ਵਰਤਿਆ ਜਾਂਦਾ ਹੈ।
ਅਗਲੀ ਵਾਰ ਬੋਤਲ ਖਰੀਦਦੇ ਸਮੇਂ ਕੈਪ ਜ਼ਰੂਰ ਦੇਖੋ
ਹੁਣ ਜਦੋਂ ਤੁਸੀਂ ਹਰ ਰੰਗ ਦਾ ਮਤਲਬ ਜਾਣ ਲਿਆ ਹੈ, ਤਾਂ ਬੋਤਲ ਚੁਣਨਾ ਹੋਰ ਵੀ ਆਸਾਨ ਹੋ ਜਾਵੇਗਾ। ਹਾਲਾਂਕਿ ਧਿਆਨ ਰਹੇ ਕਿ ਕੁਝ ਬ੍ਰਾਂਡ ਆਪਣੇ ਡਿਜ਼ਾਈਨ ਜਾਂ ਇਮੇਜ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਕੈਪ ਦਾ ਰੰਗ ਬਦਲ ਵੀ ਸਕਦੇ ਹਨ।
