31 ਦਸੰਬਰ, 2025 ਅਜ ਦੀ ਆਵਾਜ਼
Sports Desk: ਭਾਰਤੀ ਕ੍ਰਿਕਟ ਟੀਮ ਲਈ ਚਿੰਤਾ ਵਧ ਗਈ ਹੈ ਕਿਉਂਕਿ ਮੱਧਕ੍ਰਮ ਦੇ ਤਜਰਬੇਕਾਰ ਬੱਲੇਬਾਜ਼ ਸ਼੍ਰੇਅਸ ਅਈਅਰ ਦੀ ਫਿਟਨੈੱਸ ਹਾਲੇ ਵੀ ਪੂਰੀ ਤਰ੍ਹਾਂ ਠੀਕ ਨਹੀਂ ਹੋਈ। ਇਸ ਕਾਰਨ 11 ਜਨਵਰੀ ਤੋਂ ਸ਼ੁਰੂ ਹੋ ਰਹੀ ਭਾਰਤ–ਨਿਊਜ਼ੀਲੈਂਡ ਵਨਡੇ ਸੀਰੀਜ਼ ਵਿੱਚ ਉਨ੍ਹਾਂ ਦੀ ਵਾਪਸੀ ਸੰਦੇਹ ਦੇ ਘੇਰੇ ਵਿੱਚ ਹੈ।
ਕਿਵੇਂ ਲੱਗੀ ਸੀ ਗੰਭੀਰ ਸੱਟ
ਅਕਤੂਬਰ ਮਹੀਨੇ ਭਾਰਤ ਅਤੇ ਆਸਟ੍ਰੇਲੀਆ ਦਰਮਿਆਨ ਖੇਡੇ ਗਏ ਇਕ ਵਨਡੇ ਮੈਚ ਦੌਰਾਨ ਬਾਊਂਡਰੀ ‘ਤੇ ਕੈਚ ਲੈਂਦੇ ਸਮੇਂ ਅਈਅਰ ਦੇ ਪੇਟ ਦੇ ਉੱਪਰਲੇ ਹਿੱਸੇ ‘ਤੇ ਜ਼ੋਰਦਾਰ ਚੋਟ ਲੱਗੀ ਸੀ। ਮੈਡੀਕਲ ਜਾਂਚ ਵਿੱਚ ਖੁਲਾਸਾ ਹੋਇਆ ਕਿ ਉਨ੍ਹਾਂ ਦੀ ਤਿੱਲੀ (Spleen) ਫਟ ਗਈ ਸੀ, ਜਿਸ ਤੋਂ ਬਾਅਦ ਉਹ ਲੰਬੇ ਸਮੇਂ ਤੋਂ ਮੈਦਾਨ ਤੋਂ ਬਾਹਰ ਹਨ।
6 ਕਿਲੋਗ੍ਰਾਮ ਤੱਕ ਘਟਿਆ ਵਜ਼ਨ
ਟਾਈਮਜ਼ ਆਫ ਇੰਡੀਆ’ ਦੀ ਰਿਪੋਰਟ ਮੁਤਾਬਕ, ਸੱਟ ਕਾਰਨ ਅਈਅਰ ਦੇ ਸਰੀਰ ‘ਤੇ ਡੂੰਘਾ ਅਸਰ ਪਿਆ ਹੈ। ਉਨ੍ਹਾਂ ਦਾ ਕਰੀਬ 6 ਕਿਲੋਗ੍ਰਾਮ ਵਜ਼ਨ ਘਟ ਗਿਆ ਹੈ, ਜਿਸ ਦਾ ਮੁੱਖ ਕਾਰਨ ਮਾਸਪੇਸ਼ੀਆਂ (Muscle Mass) ਵਿੱਚ ਆਈ ਕਮੀ ਦੱਸੀ ਜਾ ਰਹੀ ਹੈ।
ਕੀ ਨਿਊਜ਼ੀਲੈਂਡ ਸੀਰੀਜ਼ ‘ਚ ਖੇਡ ਸਕਣਗੇ?
ਹਾਲਾਂਕਿ ਸ਼੍ਰੇਅਸ ਅਈਅਰ ਨੇ ਨੈੱਟਸ ‘ਚ ਬੱਲੇਬਾਜ਼ੀ ਦੀ ਪ੍ਰੈਕਟਿਸ ਸ਼ੁਰੂ ਕਰ ਦਿੱਤੀ ਹੈ, ਪਰ BCCI ਦੀ ਮੈਡੀਕਲ ਟੀਮ ਮੰਨਦੀ ਹੈ ਕਿ ਉਹ ਅਜੇ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹਨ।
ਉਹ ਲੰਬੇ ਸਮੇਂ ਤੱਕ ਫੀਲਡਿੰਗ
ਜਾਂ ਡਾਈਵ ਲਗਾਉਣ ਦੀ ਸਥਿਤੀ ਵਿੱਚ ਨਹੀਂ ਹਨ
ਵਿਜੇ ਹਜ਼ਾਰੇ ਟਰਾਫੀ ਵਿੱਚ ਖੇਡਣਾ ਵੀ ਫਿਟਨੈੱਸ ਟੈਸਟ ‘ਤੇ ਨਿਰਭਰ ਕਰੇਗਾ
BCCI ਵੱਲੋਂ ਅਜੇ ਤੱਕ ਉਨ੍ਹਾਂ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਲਈ ਗ੍ਰੀਨ ਸਿਗਨਲ ਨਹੀਂ ਮਿਲਿਆ।
ਟੀਮ ਇੰਡੀਆ ਲਈ ਵੱਡਾ ਝਟਕਾ
ਨਿਊਜ਼ੀਲੈਂਡ ਵਿਰੁੱਧ ਸੀਰੀਜ਼ ਵਿੱਚ ਅਈਅਰ ਦੀ ਗੈਰਹਾਜ਼ਰੀ ਭਾਰਤੀ ਟੀਮ ਲਈ ਵੱਡਾ ਝਟਕਾ ਮੰਨੀ ਜਾ ਰਹੀ ਹੈ, ਖਾਸ ਕਰਕੇ ਜਦੋਂ ਟੀਮ ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਵਿੱਚ ਜੁਟੀ ਹੋਈ ਹੈ। ਹੁਣ ਸਭ ਦੀ ਨਜ਼ਰ 9 ਜਨਵਰੀ ‘ਤੇ ਹੈ, ਜਦੋਂ ਉਨ੍ਹਾਂ ਦੀ ਫਿਟਨੈੱਸ ਦਾ ਅੰਤਿਮ ਮੁਲਾਂਕਣ ਕੀਤਾ ਜਾਵੇਗਾ।
