14 September 2025 Aj Di Awaaj
Sports Desk: ਭਾਰਤ ਅਤੇ ਪਾਕਿਸਤਾਨ ਦੇ ਦਰਮਿਆਨ ਕ੍ਰਿਕਟ ਮੁਕਾਬਲੇ ਹਮੇਸ਼ਾਂ ਹੀ ਰੋਮਾਂਚ ਨਾਲ ਨਾਲ ਵਿਵਾਦਾਂ ਨਾਲ ਵੀ ਜੁੜੇ ਰਹੇ ਹਨ। ਏਸ਼ੀਆ ਕਪ ਵੀ ਇਸ ਤੋਂ ਅਛੂਤਾ ਨਹੀਂ। ਕਈ ਵਾਰ ਦੋਵੇਂ ਦੇਸ਼ਾਂ ਨੇ ਟੂਰਨਾਮੈਂਟ ਨਾਲ ਸੰਬੰਧਿਤ ਵੱਡੇ ਫ਼ੈਸਲੇ ਕੀਤੇ, ਤਾਂ ਕਈ ਵਾਰ ਖਿਡਾਰੀ ਆਪਸ ਵਿੱਚ ਭਿੜਦੇ ਨਜ਼ਰ ਆਏ।
ਭਾਰਤ-ਪਾਕਿਸਤਾਨ ਦੇ ਵੱਡੇ ਫ਼ੈਸਲੇ
-
1986: ਭਾਰਤ ਨੇ ਸ੍ਰੀਲੰਕਾ ਵਿੱਚ ਅੰਦਰੂਨੀ ਤਣਾਅ ਦਾ ਹਵਾਲਾ ਦੇ ਕੇ ਏਸ਼ੀਆ ਕਪ ਵਿੱਚ ਨਾ ਖੇਡਣ ਦਾ ਫ਼ੈਸਲਾ ਕੀਤਾ।
-
1990: ਪਾਕਿਸਤਾਨ ਨੇ ਰਾਜਨੀਤਿਕ ਰਿਸ਼ਤਿਆਂ ਵਿੱਚ ਤਣਾਅ ਕਾਰਨ ਆਪਣੀ ਟੀਮ ਨੂੰ ਭਾਰਤ ਨਾ ਭੇਜਣ ਦਾ ਫ਼ੈਸਲਾ ਕੀਤਾ।
ਮੈਦਾਨ ‘ਚ ਖਿਡਾਰੀਆਂ ਦੇ ਵਿਵਾਦ
-
2010 – ਹਰਭਜਨ ਵਿਰੁੱਧ ਸ਼ੋਏਬ ਅਖ਼ਤਰ
ਏਸ਼ੀਆ ਕਪ ਦੌਰਾਨ ਦੋਵੇਂ ਖਿਡਾਰੀਆਂ ਵਿਚ ਤਕਰਾਰ ਹੋ ਗਈ। ਅਖ਼ਤਰ ਨੇ ਦਾਅਵਾ ਕੀਤਾ ਕਿ ਉਹ ਹੋਟਲ ਰੂਮ ਤੱਕ ਮਾਮਲਾ ਸੁਲਝਾਉਣ ਗਏ ਸਨ। -
2010 – ਗੰਭੀਰ ਵਿਰੁੱਧ ਕਮਰਾਨ ਅਕਮਲ
ਇਸੇ ਟੂਰਨਾਮੈਂਟ ਵਿੱਚ ਗੌਤਮ ਗੰਭੀਰ ਅਤੇ ਪਾਕਿਸਤਾਨੀ ਵਿਕਟਕੀਪਰ ਕਮਰਾਨ ਅਕਮਲ ਵਿਚ ਡ੍ਰਿੰਕਸ ਬ੍ਰੇਕ ਦੌਰਾਨ ਬਹਿਸ ਹੋਈ। ਗੱਲ ਇੰਨੀ ਵੱਧ ਗਈ ਕਿ ਅੰਪਾਇਰ ਨੂੰ ਵਿਚਕਾਰ ਆਉਣਾ ਪਿਆ। -
2022 – ਆਸਿਫ ਅਲੀ ਵਿਰੁੱਧ ਫ਼ਰੀਦ ਅਹਿਮਦ
ਪਾਕਿਸਤਾਨ ਦਾ ਆਸਿਫ ਅਲੀ ਅਫਗਾਨਿਸਤਾਨ ਦੇ ਗੇਂਦਬਾਜ਼ ਫ਼ਰੀਦ ਅਹਿਮਦ ਨਾਲ ਭਿੜ ਪਿਆ। ਬਾਅਦ ਵਿੱਚ ਦੋਵੇਂ ਖਿਡਾਰੀਆਂ ਦੀ ਮੈਚ ਫੀਸ ਵਿੱਚ 25% ਕਟੌਤੀ ਕੀਤੀ ਗਈ।
