25 ਨਵੰਬਰ, 2025 ਅਜ ਦੀ ਆਵਾਜ਼
Bollywood Desk: ਫਿਲਮ ਸ਼ੋਲੇ ਦੀ ਮਸ਼ਹੂਰ ‘ਜੈ-ਵੀਰੂ’ ਜੋੜੀ ਨੂੰ ਕੌਣ ਭੁੱਲ ਸਕਦਾ ਹੈ? 1975 ਵਿੱਚ ਪਰਦੇ ‘ਤੇ ਪਹਿਲੀ ਵਾਰ ਨਜ਼ਰ ਆਈ ਇਹ ਜੋੜੀ ਦਰਸ਼ਕਾਂ ਦੇ ਦਿਲਾਂ ‘ਚ ਅੱਜ ਵੀ ਉਤਨੀ ਹੀ ਤਾਜ਼ਾ ਹੈ। ਪਰ ਹੁਣ 50 ਸਾਲਾਂ ਬਾਅਦ ਇਹ ਲੈਜੈਂਡਰੀ ਜੋੜੀ ਹਮੇਸ਼ਾਂ ਲਈ ਬਿੱਛੜ ਗਈ ਹੈ। ਬਾਲੀਵੁੱਡ ਦੇ ਹੀ-ਮੈਨ ਧਰਮੇਂਦਰ 89 ਸਾਲ ਦੀ ਉਮਰ ਵਿੱਚ ਇਸ ਦੁਨੀਆ ਤੋਂ ਰੁੱਖਸਤ ਹੋ ਗਏ। ਆਪਣੇ ਪਿਆਰੇ ਦੋਸਤ ਅਤੇ ‘ਵੀਰੂ’ ਨੂੰ ਅੰਤਿਮ ਵਿਦਾਈ ਦੇਣ ਅਮਿਤਾਭ ਬੱਚਨ ਪੁੱਤਰ ਅਭਿਸ਼ੇਕ ਦੇ ਨਾਲ ਪਹੁੰਚੇ। ਹੁਣ ਬਿਗ ਬੀ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਭਾਵੁਕ ਨੋਟ ਸਾਂਝਾ ਕਰਕੇ ਆਪਣੇ ਯਾਰ ਨੂੰ ਯਾਦ ਕੀਤਾ ਹੈ।
ਅਮਿਤਾਭ ਅਤੇ ਧਰਮੇਂਦਰ ਦੀ ਦੋਸਤੀ ਕਿਸੇ ਪਰਚੇ ਦੀ ਮੁਤਾਜ਼ ਨਹੀਂ। ਚਾਹੇ ਫਿਲਮਾਂ ਹੋਣ ਜਾਂ ਇਵੈਂਟ—ਜਿੱਥੇ ਵੀ ਦੋਵੇਂ ਇਕੱਠੇ ਨਜ਼ਰ ਆਏ, ‘ਜੈ-ਵੀਰੂ’ ਦਾ ਰੰਗ ਆਪਣਾ ਆਪ ਚੜ੍ਹ ਜਾਂਦਾ ਸੀ। ਕਈ ਦਿਨ ਪਹਿਲਾਂ ਇਕ ਪੁਰਾਣੀ ਵੀਡੀਓ ਵੀ ਕਾਫ਼ੀ ਵਾਇਰਲ ਹੋਈ ਸੀ, ਜਿਸ ਵਿੱਚ ਧਰਮੇਂਦਰ ਮੰਚ ਤੋਂ ਕਹਿੰਦੇ ਦਿਖੇ— “ਅਮਿਤਾਭ ਬੱਚਨ ਅੱਜ ਵੀ ਕੰਮ ਕਰ ਰਹੇ ਹਨ… ਇਹ ਮੇਰਾ ਛੋਟਾ ਭਰਾ ਹੈ।” ਇਹ ਕਹਿ ਕੇ ਉਹ ਭਾਵੁਕ ਹੋ ਗਏ ਸਨ। ਉਸ ਸਮੇਂ ਜਯਾ ਬੱਚਨ ਅਤੇ ਹੇਮਾ ਮਾਲਿਨੀ ਵੀ ਉੱਥੇ ਮੌਜੂਦ ਸਨ।
ਧਰਮੇਂਦਰ ਦੇ ਦੇਹਾਂਤ ਤੋਂ ਬਾਅਦ ਹੁਣ ਅਮਿਤਾਭ ਬੱਚਨ ਨੇ X (ਟਵਿੱਟਰ) ‘ਤੇ ਆਪਣੀਆਂ ਭਾਵਨਾਵਾਂ ਲਿਖੀਆਂ। ਉਨ੍ਹਾਂ ਨੇ ਲਿਖਿਆ—
“T 5575 – ਇਕ ਹੋਰ ਬਹਾਦੁਰ ਦਿਗੱਗਜ ਸਾਨੂੰ ਛੱਡ ਗਿਆ… ਆਪਣੇ ਪਿੱਛੇ ਐਸੀ ਖਾਮੋਸ਼ੀ ਛੱਡ ਗਿਆ, ਜਿਸ ਨੂੰ ਸਹਿਣਾ ਮੁਸ਼ਕਲ ਹੈ। ਧਰਮ ਜੀ—ਵਡਿਆਈ ਦੀ ਮਿਸਾਲ। ਨਾ ਕੇਵਲ ਆਪਣੀ ਸ਼ਖ਼ਸੀ ਮਜ਼ਬੂਤੀ ਲਈ, ਸਗੋਂ ਆਪਣੇ ਦਿਲ ਦੇ ਵੱਡੇਪਣ ਅਤੇ ਸਾਦਗੀ ਲਈ ਹਮੇਸ਼ਾਂ ਯਾਦ ਰਹਿਣਗੇ।
ਪੰਜਾਬ ਦੀ ਮਿੱਟੀ ਦੀ ਮਹਕ ਉਹ ਆਪਣੇ ਨਾਲ ਲੈ ਕੇ ਆਏ ਸਨ ਅਤੇ ਉਸ ਦੇ ਸੱਚੇ ਰਹੇ।
ਇੰਡਸਟਰੀ ਬਦਲਦੀ ਰਹੀ, ਦੌਰ ਬਦਲਦੇ ਰਹੇ—ਪਰ ਉਹ ਨਹੀਂ। ਉਹਦੀ ਮੁਸਕਾਨ, ਉਹਦਾ ਕਰਿਸਮਾ, ਉਹਦੀ ਗਰਮਜੋਸ਼ੀ… ਇਹ ਸਭ ਕੁਝ ਇਕ ਦੁਰਲਭ ਗੁਣ ਸੀ। ਅੱਜ ਹਵਾ ਵਿੱਚ ਜੋ ਖਾਲੀਪਣ ਹੈ, ਉਹ ਹਮੇਸ਼ਾਂ ਰਹੇਗਾ… ਦੂਆਏਂ।”
ਅਮਿਤਾਭ ਬੱਚਨ ਅਤੇ ਧਰਮੇਂਦਰ ਨੇ ਕਈ ਬਲਾਕਬੱਸਟਰ ਫਿਲਮਾਂ ਵਿੱਚ ਇਕੱਠੇ ਕੰਮ ਕੀਤਾ, ਪਰ ਸ਼ੋਲੇ ਦੀ ‘ਜੈ-ਵੀਰੂ’ ਜੋੜੀ ਨੇ ਜੋ ਅਮਿੱਟ ਛਾਪ ਛੱਡੀ, ਉਹ ਸਦੀਵੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਦੋਵੇਂ ਦੀ ਆਖ਼ਰੀ on-screen ਸਾਂਝ ਅਮਿਤਾਭ ਦੇ ਨਾਤੀ ਅਗਸਤਿਆ ਨੰਦਾ ਦੀ ਫਿਲਮ ਇੱਕੀਸ ਵਿੱਚ ਹੋਣੀ ਸੀ, ਪਰ ਫਿਲਮ ਰਿਲੀਜ਼ ਤੋਂ ਪਹਿਲਾਂ ਹੀ ਧਰਮੇਂਦਰ ਇਸ ਦੁਨੀਆ ਤੋਂ ਚਲੇ ਗਏ।
