ਮੁਰਾਦਾਬਾਦ: 18 Sep 2026 AJ DI Awaaj
National Desk : ਮੁਰਾਦਾਬਾਦ ਦੀ 9ਵੀਂ ਵਾਹਿਨੀ ਪੀਏਸੀ ਮੈਦਾਨ ਵਿੱਚ ਸ਼ੁੱਕਰਵਾਰ ਸਵੇਰੇ ਹੋਮਗਾਰਡ ਭਰਤੀ ਲਈ ਚੱਲ ਰਹੀ ਦੌੜ ਦੌਰਾਨ ਇੱਕ ਉਮੀਦਵਾਰ ਅਚਾਨਕ ਬੇਹੋਸ਼ ਹੋ ਕੇ ਡਿੱਗ ਪਿਆ। ਮੌਕੇ ’ਤੇ ਮੌਜੂਦ ਲੋਕਾਂ ਨੇ ਉਸ ਨੂੰ ਤੁਰੰਤ ਜ਼ਿਲ੍ਹਾ ਹਸਪਤਾਲ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਜਾਂਚ ਤੋਂ ਬਾਅਦ ਉਸ ਨੂੰ ਮ੍ਰਿ*ਤਕ ਐਲਾਨ ਦਿੱਤਾ।
ਮ੍ਰਿ*ਤਕ ਦੀ ਪਛਾਣ ਸ਼ਿਵਮ ਯਾਦਵ, ਪੁੱਤਰ ਵਿਨੋਦ ਯਾਦਵ, ਵਾਸੀ ਰਾਜਪੁਰ ਕਲਾ, ਮਣੀਨਾਥ ਕਾਲੋਨੀ, ਬਰੇਲੀ ਵਜੋਂ ਹੋਈ ਹੈ। ਅਧਿਕਾਰੀਆਂ ਮੁਤਾਬਕ ਸਵੇਰੇ ਕਰੀਬ 8 ਵਜੇ ਭਰਤੀ ਦੀ ਦੌੜ ਦੌਰਾਨ ਸ਼ਿਵਮ ਅਚਾਨਕ ਬੇ*ਹੋਸ਼ ਹੋ ਕੇ ਜ਼ਮੀਨ ’ਤੇ ਡਿੱਗ ਪਿਆ।
ਭਰਤੀ ਪ੍ਰਕਿਰਿਆ ਵਿੱਚ ਮੌਜੂਦ ਲੋਕਾਂ ਨੇ ਤੁਰੰਤ ਸ਼ਿਵਮ ਨੂੰ ਹਸਪਤਾਲ ਪਹੁੰਚਾਇਆ, ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿ*ਤਕ ਐਲਾਨ ਦਿੱਤਾ। ਸ਼ਿਵਮ ਦੀ ਲਾ*ਸ਼ ਨੂੰ ਜ਼ਿਲ੍ਹਾ ਹਸਪਤਾਲ ਦੀ ਮੋ*ਰਚ*ਰੀ ਵਿੱਚ ਰਖਵਾ ਦਿੱਤਾ ਗਿਆ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਸ਼ਿਵਮ ਨੇ ਬੀਟੈਕ ਦੀ ਪੜ੍ਹਾਈ ਪੂਰੀ ਕੀਤੀ ਹੋਈ ਸੀ। ਉਹ ਘਰ ’ਤੇ ਹੀ ਬੱਚਿਆਂ ਨੂੰ ਕੋਚਿੰਗ ਪੜ੍ਹਾ ਕੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਚਲਾਉਂਦਾ ਸੀ। ਉਸ ਦੇ ਪਰਿਵਾਰ ਵਿੱਚ ਪਤਨੀ ਕੋਮਲ ਅਤੇ ਤਿੰਨ ਸਾਲ ਦੀ ਧੀ ਹੈ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਸ਼ਿਵਮ ਦੇ ਪਰਿਵਾਰ ਵਿੱਚ ਸੋਗ ਦੀ ਲਹਿਰ ਦੌੜ ਗਈ। ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।
