ਸੰਗਰੂਰ, 16 ਜੁਲਾਈ 2026 AJ DI Awaaj
Punjab Desk : ਅਕਾਲ ਕਾਲਜ ਆਫ ਐਜੂਕੇਸ਼ਨ, ਸੰਗਰੂਰ ਵਿਖੇ ਚੱਲ ਰਹੇ ਸੱਤ ਦਿਨਾਂ ਦੇ ਯੁਵਾ ਆਪਦਾ ਮਿਤਰ ਯੋਜਨਾ (YAMS) ਤਹਿਤ ਐਨ.ਐਸ.ਐਸ. ਸੇਵਾਦਾਰਾਂ ਦੀ ਟ੍ਰੇਨਿੰਗ ਦਾ ਚੌਥਾ ਦਿਨ ਸਫਲਤਾਪੂਰਵਕ ਸੰਪੰਨ ਹੋਇਆ। ਇਸ ਦਿਨ ਦਾ ਮੁੱਖ ਉਦੇਸ਼ ਭਾਗੀਦਾਰਾਂ ਦੀਆਂ ਆਫ਼ਤ ਪ੍ਰਬੰਧਨ ਸੰਬੰਧੀ ਵਿਹਾਰਕ ਯੋਗਤਾਵਾਂ ਨੂੰ ਕਲਾਸਰੂਮ ਸੈਸ਼ਨਾਂ, ਡੈਮੋਨਸਟ੍ਰੇਸ਼ਨਾਂ ਅਤੇ ਅਨੁਭਵ ਆਧਾਰਿਤ ਗਤੀਵਿਧੀਆਂ ਰਾਹੀਂ ਮਜ਼ਬੂਤ ਕਰਨਾ ਸੀ।
ਚੌਥੇ ਦਿਨ ਦੌਰਾਨ ਫਸਟ ਏਡ, ਨਰਮ ਟਿਸ਼ੂਆਂ ਸੱਟਾਂ (Soft Tissue Injuries), ਅੱਗ ਸੰਬੰਧੀ ਸਿਧਾਂਤ ਅਤੇ ਫਾਇਰ ਸੇਫਟੀ ਡੈਮੋਨਸਟ੍ਰੇਸ਼ਨ, ਭਾਰ ਨੂੰ ਚੁੱਕਣਾ ਅਤੇ ਸਥਿਰ ਕਰਨਾ (Lifting and Stabilizing Loads), ਅਤੇ ਜ਼ਖ਼ਮੀ ਵਿਅਕਤੀਆਂ ਨੂੰ ਸੁਰੱਖਿਅਤ ਢੰਗ ਨਾਲ ਚੁੱਕਣਾ ਅਤੇ ਇਕ ਤੋਂ ਦੂਜੀ ਥਾਂ ਲੈਕੇ ਜਾਣਾ (Lifting and Moving Patients) ਵਰਗੇ ਮਹੱਤਵਪੂਰਨ ਵਿਸ਼ਿਆਂ ‘ਤੇ ਟ੍ਰੇਨਿੰਗ ਦਿੱਤੀ ਗਈ।
ਇਨ੍ਹਾਂ ਸੈਸ਼ਨਾਂ ਦਾ ਉਦੇਸ਼ ਐਨ.ਐਸ.ਐਸ. ਸੇਵਾਦਾਰਾਂ ਦੇ ਗਿਆਨ ਅਤੇ ਹੁਨਰਾਂ ਨੂੰ ਮਜ਼ਬੂਤ ਕਰਨਾ ਸੀ ਤਾਂ ਜੋ ਉਹ ਆਫ਼ਤਾਂ ਅਤੇ ਦੁਰਘਟਨਾਵਾਂ ਦੌਰਾਨ ਤੁਰੰਤ ਅਤੇ ਪ੍ਰਭਾਵਸ਼ਾਲੀ ਸਹਾਇਤਾ ਪ੍ਰਦਾਨ ਕਰ ਸਕਣ। ਸੈਸ਼ਨਾਂ ਰਾਹੀਂ ਆਫ਼ਤ ਤਿਆਰੀ ਦੀ ਮਹੱਤਤਾ ਅਤੇ ਪ੍ਰਸ਼ਿਕਸ਼ਿਤ ਕਮਿਊਨਿਟੀ ਸੇਵਾਦਾਰਾਂ ਦੀ ਅਹਿਮ ਭੂਮਿਕਾ ਨੂੰ ਵੀ ਉਜਾਗਰ ਕੀਤਾ ਗਿਆ।
ਟ੍ਰੇਨਿੰਗ ਦੇ ਵਿਹਾਰਕ ਪੱਖ ਤਹਿਤ ਚੌਥੇ ਦਿਨ ਜ਼ਿਲ੍ਹਾ ਸੰਗਰੂਰ ਦੀ ਫਾਇਰ ਐਂਡ ਰੈਸਕਿਊ ਐਮਰਜੈਂਸੀ ਟੀਮ ਵੱਲੋਂ ਅੱਗ ਅਤੇ ਬਚਾਅ ਕਾਰਜਾਂ ਨਾਲ ਸੰਬੰਧਿਤ ਸਿਧਾਂਤਕ ਅਤੇ ਪ੍ਰਯੋਗਾਤਮਕ ਸੈਸ਼ਨ ਕਰਵਾਏ ਗਏ। ਸਿਖਿਆਰਥੀਆਂ ਨੇ ਅੱਗ ਬੁਝਾਉਣ ਵਾਲੇ ਯੰਤਰਾਂ (Fire Extinguishers) ਦੀ ਵਰਤੋਂ ਅਤੇ ਅੱਗ ਲੱਗਣ ਦੀ ਸਥਿਤੀ ਵਿੱਚ ਪ੍ਰਭਾਵਸ਼ਾਲੀ ਜਵਾਬੀ ਕਾਰਵਾਈ ਕਰਨ ਬਾਰੇ ਵਿਹਾਰਕ ਅਨੁਭਵ ਪ੍ਰਾਪਤ ਕੀਤਾ।
ਇਸ ਤਰ੍ਹਾਂ ਦੀ ਪ੍ਰਯੋਗਾਤਮਕ ਸਿਖਲਾਈ ਨੇ ਉਨ੍ਹਾਂ ਦਾ ਆਤਮਵਿਸ਼ਵਾਸ ਵਧਾਇਆ ਅਤੇ ਅੱਗ ਨਾਲ ਸੰਬੰਧਿਤ ਐਮਰਜੈਂਸੀ ਹਾਲਾਤ ਵਿੱਚ ਜ਼ਿੰਮੇਵਾਰੀ ਨਾਲ ਕੰਮ ਕਰਨ ਲਈ ਉਨ੍ਹਾਂ ਨੂੰ ਹੋਰ ਤਿਆਰ ਕੀਤਾ। ਇਸ ਤੋਂ ਇਲਾਵਾ, ਰੈਸਕਿਊ ਆਪਰੇਸ਼ਨਾਂ ਦੌਰਾਨ ਜ਼ਖ਼ਮੀਆਂ ਨੂੰ ਚੁੱਕਣ, ਸਥਿਰ ਕਰਨ ਅਤੇ ਸੁਰੱਖਿਅਤ ਢੰਗ ਨਾਲ ਲਿਜਾਣ ਸੰਬੰਧੀ ਸੈਸ਼ਨ ਵੀ ਕਰਵਾਏ ਗਏ।
ਯੁਵਾ ਆਪਦਾ ਮਿਤਰ ਯੋਜਨਾ ਅਧੀਨ ਇਹ ਸੱਤ ਦਿਨਾਂ ਦੀ ਟ੍ਰੇਨਿੰਗ ਭਾਰਤ ਦੇ ਪ੍ਰਧਾਨ ਮੰਤਰੀ ਦੀ ਅਗਵਾਈ ਹੇਠ ਰਾਸ਼ਟਰੀ ਆਫ਼ਤ ਪ੍ਰਬੰਧਨ ਅਥਾਰਟੀ (NDMA) ਦਾ ਇੱਕ ਮਹੱਤਵਪੂਰਨ ਉਪਰਾਲਾ ਹੈ, ਜਿਸਦਾ ਉਦੇਸ਼ ਦੇਸ਼ ਦੇ ਹਰ ਜ਼ਿਲ੍ਹੇ ਵਿੱਚ ਪ੍ਰਸ਼ਿਕਸ਼ਿਤ ਨੌਜਵਾਨਾਂ ਦੀ ਇੱਕ ਸਮਰਪਿਤ ਟੀਮ ਤਿਆਰ ਕਰਨਾ ਹੈ। ਪੰਜਾਬ ਵਿੱਚ ਇਸ ਯੋਜਨਾ ਨੂੰ ਮੁੱਖ ਮੰਤਰੀ ਪੰਜਾਬ ਸ੍ਰ ਭਗਵੰਤ ਮਾਨ ਦੀ ਅਗਵਾਈ ਹੇਠ ਰਾਜ ਆਫ਼ਤ ਪ੍ਰਬੰਧਨ ਅਥਾਰਟੀ (SDMA) ਵੱਲੋਂ ਮਹਾਤਮਾ ਗਾਂਧੀ ਸਟੇਟ ਇੰਸਟੀਚਿਊਟ ਆਫ ਪਬਲਿਕ ਐਡਮਿਨਿਸਟ੍ਰੇਸ਼ਨ (MGSIPA), ਚੰਡੀਗੜ੍ਹ ਰਾਹੀਂ ਲਾਗੂ ਕੀਤਾ ਜਾ ਰਿਹਾ ਹੈ।
ਇਹ ਟ੍ਰੇਨਿੰਗ ਪੰਜਾਬ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ ਕਰਵਾਈ ਜਾਵੇਗੀ ਤਾਂ ਜੋ ਸੂਬੇ ਦੇ ਨੌਜਵਾਨਾਂ ਨੂੰ ਸਮਰੱਥ ਬਣਾਇਆ ਜਾ ਸਕੇ ਅਤੇ ਉਹ ਕਿਸੇ ਵੀ ਅਣਪੇਖੀ ਸਥਿਤੀ ਵਿੱਚ ਜ਼ਿਲ੍ਹਾ ਪ੍ਰਸ਼ਾਸਨ ਦੀ ਮਦਦ ਕਰ ਸਕਣ।
ਦਿਨ ਦੇ ਅੰਤ ਵਿੱਚ ਪ੍ਰੋ. (ਡਾ.) ਜੋਗ ਸਿੰਘ ਭਾਟੀਆ, ਸੀਨੀਅਰ ਕਨਸਲਟੈਂਟ (ਆਫ਼ਤ ਪ੍ਰਬੰਧਨ), MGSIPA, ਪੰਜਾਬ ਸਰਕਾਰ, ਅਤੇ ਉਨ੍ਹਾਂ ਦੀ ਟੀਮ ਵੱਲੋਂ ਫਾਇਰ ਐਂਡ ਐਮਰਜੈਂਸੀ ਸਰਵਿਸਿਜ਼ ਵਿਭਾਗ, ਸੰਗਰੂਰ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਗਈ। ਉਨ੍ਹਾਂ ਨੇ ਨੌਜਵਾਨਾਂ ਨੂੰ ਵਿਹਾਰਕ ਅਤੇ ਖੇਤਰੀ ਅਨੁਭਵ ਪ੍ਰਦਾਨ ਕਰਨ ਲਈ ਵਿਭਾਗ ਦਾ ਧੰਨਵਾਦ ਕੀਤਾ ਅਤੇ ਸਨਮਾਨ ਵਜੋਂ ਇੱਕ ਯਾਦਗਾਰੀ ਚਿੰਨ੍ਹ ਭੇਟ ਕੀਤਾ।
ਸੰਗਰੂਰ ਵਿੱਚ ਪ੍ਰੋ. ਜੋਗ ਭਾਟੀਆ (ਸੀਨੀਅਰ ਕਨਸਲਟੈਂਟ, MGSIPA) ਦੀ ਅਗਵਾਈ ਹੇਠ ਆਫ਼ਤ ਪ੍ਰਬੰਧਨ ਮਾਹਿਰਾਂ ਦੀ ਇੱਕ ਸਮਰਪਿਤ ਟੀਮ ਆਫ਼ਤਾਂ ਦੀ ਰੋਕਥਾਮ, ਤਿਆਰੀ, ਜਵਾਬੀ ਕਾਰਵਾਈ ਅਤੇ ਪੁਨਰਵਾਸ ਨਾਲ ਸੰਬੰਧਿਤ ਵਿਹਾਰਕ ਟ੍ਰੇਨਿੰਗ ਪ੍ਰਦਾਨ ਕਰ ਰਹੀ ਹੈ।
ਇਸ ਟੀਮ ਵਿੱਚ ਸ਼੍ਰੀ ਯੋਗੇਸ਼, ਸ਼੍ਰੀ ਸੁਨੀਲ, ਸ਼੍ਰੀ ਬਲਵਿੰਦਰ, ਸ਼੍ਰੀ ਸਲੋਨੀ, ਸ਼੍ਰੀ ਏਤਿਸ਼ਾ ਪਰਮਾਰ ਅਤੇ ਸ਼੍ਰੀ ਕਾਰਤਿਕ ਸ਼ਾਮਲ ਹਨ।
