ਨਾਸਿਕ: 04 June 2026 AJ DI Awaaj
National Desk : ਮਹਾਰਾਸ਼ਟਰ ਦੇ ਨਾਸਿਕ ਸਥਿਤ Combat Army Aviation Training School (CAATS) ਵਿੱਚ ਹੋਈ Passing Out Parade (PoP) ਦੌਰਾਨ ਆਪਣੀ ਮੰਗੇਤਰ ਨੂੰ ਵਿਆਹ ਲਈ ਪ੍ਰਪੋਜ਼ ਕਰਨ ਵਾਲੇ ਆਰਮੀ ਅਫਸਰ ਕੈਪਟਨ ਭਾਰਤ ਭਾਰਦਵਾਜ ਹੁਣ ਵਿਵਾਦਾਂ ਵਿੱਚ ਘਿਰਦੇ ਨਜ਼ਰ ਆ ਰਹੇ ਹਨ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਇਸ ਰੋਮਾਂਟਿਕ ਘਟਨਾ ਨੂੰ ਜਿੱਥੇ ਲੋਕਾਂ ਵੱਲੋਂ ਭਰਪੂਰ ਸਰਾਹਨਾ ਮਿਲ ਰਹੀ ਹੈ, ਉੱਥੇ ਫੌਜ ਇਸ ਮਾਮਲੇ ਨੂੰ ਅਨੁਸ਼ਾਸਨ ਅਤੇ ਪ੍ਰੋਟੋਕਾਲ ਦੇ ਨਜ਼ਰੀਏ ਨਾਲ ਦੇਖ ਰਹੀ ਹੈ।
ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਆਰਮੀ ਏਵੀਏਸ਼ਨ ਦੀ ਸਖ਼ਤ ਟ੍ਰੇਨਿੰਗ ਪੂਰੀ ਕਰਨ ਤੋਂ ਬਾਅਦ ਕੈਪਟਨ ਭਾਰਦਵਾਜ ਨੇ ਆਪਣੀ ਸਾਥੀ ਆਰੁਸ਼ੀ ਨੂੰ ਇੱਕ ਹੈਲੀਕਾਪਟਰ ਦੇ ਸਾਹਮਣੇ ਵਿਆਹ ਲਈ ਪ੍ਰਪੋਜ਼ ਕੀਤਾ। ਉਹ ਗੋਡਿਆਂ ਭਾਰ ਬੈਠ ਕੇ ਅੰਗੂਠੀ ਨਾਲ ਪ੍ਰਸਤਾਵ ਰੱਖਦੇ ਹਨ, ਜਿਸ ਨੂੰ ਆਰੁਸ਼ੀ ਮੁਸਕੁਰਾਉਂਦੇ ਹੋਏ ਸਵੀਕਾਰ ਕਰ ਲੈਂਦੀ ਹੈ। ਇਸ ਤੋਂ ਬਾਅਦ ਦੋਵੇਂ ਇੱਕ-ਦੂਜੇ ਨੂੰ ਗਲੇ ਮਿਲਦੇ ਹਨ, ਜਦਕਿ ਮੌਕੇ ‘ਤੇ ਮੌਜੂਦ ਪਰਿਵਾਰਕ ਮੈਂਬਰ ਅਤੇ ਸਾਥੀ ਇਸ ਯਾਦਗਾਰ ਪਲ ਨੂੰ ਕੈਮਰਿਆਂ ਵਿੱਚ ਕੈਦ ਕਰਦੇ ਨਜ਼ਰ ਆਉਂਦੇ ਹਨ।
ਪਿਛਲੇ ਦੋ ਦਿਨਾਂ ਤੋਂ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਅਤੇ ਹਜ਼ਾਰਾਂ ਲੋਕ ਇਸ ਜੋੜੇ ਨੂੰ ਵਧਾਈਆਂ ਦੇ ਰਹੇ ਹਨ। ਕਈ ਯੂਜ਼ਰ ਇਸ ਨੂੰ ਪਿਆਰ ਅਤੇ ਸਮਰਪਣ ਦੀ ਖੂਬਸੂਰਤ ਮਿਸਾਲ ਦੱਸ ਰਹੇ ਹਨ।
ਹਾਲਾਂਕਿ, ਫੌਜੀ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ Passing Out Parade ਵਰਗੇ ਅਧਿਕਾਰਕ ਅਤੇ ਅਨੁਸ਼ਾਸਿਤ ਸਮਾਗਮ ਦੌਰਾਨ ਨਿੱਜੀ ਸਮਾਗਮ ਨੂੰ ਸ਼ਾਮਲ ਕਰਨਾ ਨਿਰਧਾਰਤ ਪ੍ਰੋਟੋਕਾਲ ਦੇ ਉਲਟ ਹੋ ਸਕਦਾ ਹੈ। ਮਾਮਲੇ ਨਾਲ ਜਾਣੂ ਅਧਿਕਾਰੀਆਂ ਨੇ ਇਸ ਨੂੰ ਸੈਨਿਕ ਨਿਯਮਾਂ ਅਤੇ ਨੀਤੀਆਂ ਦੀ ਸੰਭਾਵਿਤ ਉਲੰਘਣਾ ਕਰਾਰ ਦਿੱਤਾ ਹੈ।
ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ, “ਇਹ ਕਦਮ ਗਲਤ ਨਹੀਂ ਸੀ, ਪਰ ਇਸ ਲਈ ਚੁਣਿਆ ਗਿਆ ਸਮਾਂ ਅਤੇ ਸਥਾਨ ਉਚਿਤ ਨਹੀਂ ਮੰਨਿਆ ਜਾ ਸਕਦਾ।”
ਸੂਤਰਾਂ ਮੁਤਾਬਕ, ਫੌਜ ਵੱਲੋਂ ਕੈਪਟਨ ਭਾਰਤ ਭਾਰਦਵਾਜ ਨੂੰ ਜਲਦ ਹੀ ਸ਼ੋ-ਕਾਜ਼ ਨੋਟਿਸ ਜਾਰੀ ਕੀਤਾ ਜਾ ਸਕਦਾ ਹੈ, ਜਿਸ ਵਿੱਚ ਉਨ੍ਹਾਂ ਤੋਂ ਇਸ ਘਟਨਾ ਸਬੰਧੀ ਸਪਸ਼ਟੀਕਰਨ ਮੰਗਿਆ ਜਾਵੇਗਾ। ਫਿਲਹਾਲ ਇਸ ਮਾਮਲੇ ‘ਤੇ ਅਧਿਕਾਰਕ ਤੌਰ ‘ਤੇ ਕੋਈ ਅੰਤਿਮ ਫ਼ੈਸਲਾ ਨਹੀਂ ਲਿਆ ਗਿਆ।
 ਵਿੱਚ ਹੋਈ Passing Out Parade (PoP) ਦੌਰਾਨ ਆਪਣੀ ਮੰਗੇਤਰ){kind=link}