02 ਜਨਵਰੀ, 2026 ਅਜ ਦੀ ਆਵਾਜ਼
National Desk: ਨਵੇਂ ਸਾਲ 2026 ਦੀ ਸ਼ੁਰੂਆਤ ਨਾਲ ਹੀ ਲੋਕਾਂ ਦੇ ਮਨਾਂ ਵਿੱਚ ਉਮੀਦਾਂ ਅਤੇ ਨਵੀਂ ਉਮੰਗ ਦੇ ਨਾਲ-ਨਾਲ ਚਿੰਤਾਵਾਂ ਵੀ ਜਨਮ ਲੈ ਰਹੀਆਂ ਹਨ। ਇਸ ਦਰਮਿਆਨ ਮਸ਼ਹੂਰ ਭਵਿੱਖਬਾਣੀਕਾਰ ਬਾਬਾ ਵੇਂਗਾ ਨਾਲ ਜੁੜੀਆਂ 2026 ਸੰਬੰਧੀ ਭਵਿੱਖਬਾਣੀਆਂ ਇੱਕ ਵਾਰ ਫਿਰ ਚਰਚਾ ਵਿੱਚ ਆ ਗਈਆਂ ਹਨ।
ਕਈ ਮੀਡੀਆ ਰਿਪੋਰਟਾਂ ਅਨੁਸਾਰ, ਬਾਬਾ ਵੇਂਗਾ ਨੇ ਸਾਲ 2026 ਲਈ ਵੱਡੀਆਂ ਕੁਦਰਤੀ ਆਫ਼ਤਾਂ, ਵਿਸ਼ਵ ਪੱਧਰੀ ਤਣਾਅ ਅਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੇ ਤੇਜ਼ੀ ਨਾਲ ਵਧਦੇ ਪ੍ਰਭਾਵ ਬਾਰੇ ਚੇਤਾਵਨੀ ਦਿੱਤੀ ਸੀ।
ਵੱਡੀਆਂ ਕੁਦਰਤੀ ਆਫ਼ਤਾਂ ਦਾ ਡਰ
ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ 2026 ਦੌਰਾਨ ਸ਼ਕਤੀਸ਼ਾਲੀ ਭੂਚਾਲ, ਜਵਾਲਾਮੁਖੀ ਫਟਣ ਅਤੇ ਮੌਸਮੀ ਤਬਦੀਲੀਆਂ ਕਾਰਨ ਭਿਆਨਕ ਘਟਨਾਵਾਂ ਵਾਪਰ ਸਕਦੀਆਂ ਹਨ। ਕੁਝ ਵਿਆਖਿਆਵਾਂ ਅਨੁਸਾਰ, ਧਰਤੀ ਦਾ ਲਗਭਗ 7 ਤੋਂ 8 ਫੀਸਦੀ ਹਿੱਸਾ ਇਨ੍ਹਾਂ ਆਫ਼ਤਾਂ ਨਾਲ ਪ੍ਰਭਾਵਿਤ ਹੋ ਸਕਦਾ ਹੈ।
ਵਿਸ਼ਵ ਯੁੱਧ ਦੀ ਸੰਭਾਵਨਾ
ਬਾਬਾ ਵੇਂਗਾ ਨਾਲ ਜੁੜੀ ਇੱਕ ਹੋਰ ਚਿੰਤਾਜਨਕ ਭਵਿੱਖਬਾਣੀ ਤੀਜੇ ਵਿਸ਼ਵ ਯੁੱਧ ਨਾਲ ਸੰਬੰਧਿਤ ਹੈ। ਕਿਹਾ ਜਾਂਦਾ ਹੈ ਕਿ ਚੀਨ, ਰੂਸ ਅਤੇ ਅਮਰੀਕਾ ਵਰਗੀਆਂ ਵੱਡੀਆਂ ਤਾਕਤਾਂ ਵਿਚਕਾਰ ਤਣਾਅ ਵਧ ਸਕਦਾ ਹੈ। ਕੁਝ ਰਿਪੋਰਟਾਂ ਵਿੱਚ ਤਾਈਵਾਨ ਨੂੰ ਲੈ ਕੇ ਚੀਨ ਦੀ ਸੰਭਾਵੀ ਕਾਰਵਾਈ ਅਤੇ ਰੂਸ-ਅਮਰੀਕਾ ਟਕਰਾਅ ਦਾ ਜ਼ਿਕਰ ਵੀ ਕੀਤਾ ਗਿਆ ਹੈ। ਹਾਲਾਂਕਿ, ਇਨ੍ਹਾਂ ਦਾਵਿਆਂ ਦੀ ਕੋਈ ਪੁਸ਼ਟੀ ਨਹੀਂ ਹੋ ਸਕੀ।
AI ਦਾ ਤੇਜ਼ ਅਤੇ ਬੇਕਾਬੂ ਵਿਕਾਸ
ਇਸ ਤੋਂ ਇਲਾਵਾ, 2026 ਵਿੱਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਵਿੱਚ ਵੱਡੀ ਛਾਲ ਆਉਣ ਦੀ ਗੱਲ ਵੀ ਕੀਤੀ ਜਾ ਰਹੀ ਹੈ। ਰਿਪੋਰਟਾਂ ਅਨੁਸਾਰ, AI ਸਿਸਟਮ ਇੰਨੇ ਸ਼ਕਤੀਸ਼ਾਲੀ ਹੋ ਸਕਦੇ ਹਨ ਕਿ ਮਨੁੱਖ ਲਈ ਉਨ੍ਹਾਂ ‘ਤੇ ਕਾਬੂ ਪਾਉਣਾ ਮੁਸ਼ਕਲ ਹੋ ਜਾਵੇ।
ਗਲੋਬਲ ਪਾਵਰ ਵਿੱਚ ਬਦਲਾਅ, ਏਸ਼ੀਆ ਦਾ ਉਭਾਰ
ਬਾਬਾ ਵੇਂਗਾ ਦੀਆਂ ਭਵਿੱਖਬਾਣੀਆਂ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਵਿਸ਼ਵ ਤਾਕਤ ਦੇ ਸੰਤੁਲਨ ਵਿੱਚ ਵੱਡਾ ਬਦਲਾਅ ਆ ਸਕਦਾ ਹੈ, ਜਿਸ ਵਿੱਚ ਏਸ਼ੀਆ, ਖ਼ਾਸ ਕਰਕੇ ਚੀਨ, ਇੱਕ ਮਜ਼ਬੂਤ ਸ਼ਕਤੀ ਵਜੋਂ ਉਭਰ ਸਕਦਾ ਹੈ।
ਨੋਟ (Disclaimer): ਬਾਬਾ ਵੇਂਗਾ ਨਾਲ ਜੁੜੀਆਂ ਇਹ ਸਾਰੀਆਂ ਭਵਿੱਖਬਾਣੀਆਂ ਮੀਡੀਆ ਰਿਪੋਰਟਾਂ ਅਤੇ ਇੰਟਰਨੈੱਟ ਸਰੋਤਾਂ ‘ਤੇ ਆਧਾਰਿਤ ਹਨ। ਇਨ੍ਹਾਂ ਦੀ ਵਿਗਿਆਨਕ ਜਾਂ ਅਧਿਕਾਰਿਕ ਤੌਰ ‘ਤੇ ਕੋਈ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
