Mohali 27 Dec 2025 AJ DI Awaaj
Punjab Desk : ਅਕਸਰ ਰਸੋਈ ਨੂੰ ਸਿਰਫ਼ ਖਾਣਾ ਬਣਾਉਣ ਦੀ ਥਾਂ ਸਮਝਿਆ ਜਾਂਦਾ ਹੈ, ਪਰ ਵਾਸਤੂ ਸ਼ਾਸਤਰ ਅਨੁਸਾਰ ਰਸੋਈ ਘਰ ਦੀ ਸਿਹਤ, ਦੌਲਤ ਅਤੇ ਖੁਸ਼ਹਾਲੀ ਦਾ ਮੁੱਖ ਕੇਂਦਰ ਹੁੰਦੀ ਹੈ। ਰਸੋਈ ਦੀ ਸਹੀ ਸਥਿਤੀ, ਦਿਸ਼ਾ ਅਤੇ ਰੰਗ ਪਰਿਵਾਰਕ ਜੀਵਨ ’ਤੇ ਡੂੰਘਾ ਅਸਰ ਪਾਂਦੇ ਹਨ। ਰਸੋਈ ਵਿੱਚ ਮੌਜੂਦ ਅਗਨੀ ਤੱਤ ਪਾਚਨ ਸ਼ਕਤੀ, ਮਾਨਸਿਕ ਸੰਤੁਲਨ ਅਤੇ ਵਿੱਤੀ ਮਜ਼ਬੂਤੀ ਨਾਲ ਸਿੱਧੇ ਤੌਰ ’ਤੇ ਜੁੜਿਆ ਹੋਇਆ ਮੰਨਿਆ ਜਾਂਦਾ ਹੈ। ਜੇ ਅਗਨੀ ਤੱਤ ਸੰਤੁਲਿਤ ਹੋਵੇ ਤਾਂ ਘਰ ਵਿੱਚ ਖੁਸ਼ਹਾਲੀ ਬਣੀ ਰਹਿੰਦੀ ਹੈ, ਪਰ ਅਸੰਤੁਲਨ ਸਿਹਤ ਅਤੇ ਪੈਸਿਆਂ ਨਾਲ ਜੁੜੀਆਂ ਸਮੱਸਿਆਵਾਂ ਪੈਦਾ ਕਰ ਸਕਦਾ ਹੈ।
ਵਾਸਤੂ ਮਾਹਿਰਾਂ ਮੁਤਾਬਕ ਰਸੋਈ ਦੀ ਦਿਸ਼ਾ ਬਹੁਤ ਅਹੰਮ ਹੈ। ਜੇ ਰਸੋਈ ਉੱਤਰ ਜਾਂ ਪੂਰਬ ਦਿਸ਼ਾ ਵਿੱਚ ਹੋਵੇ ਤਾਂ ਹਰੇ ਰੰਗ ਦੀ ਵਰਤੋਂ ਸ਼ੁਭ ਮੰਨੀ ਜਾਂਦੀ ਹੈ, ਕਿਉਂਕਿ ਇਹ ਸਕਾਰਾਤਮਕ ਊਰਜਾ ਨੂੰ ਵਧਾਉਂਦਾ ਹੈ ਅਤੇ ਤਰੱਕੀ ਤੇ ਸਿਹਤ ਵਿੱਚ ਸੁਧਾਰ ਲਿਆਉਂਦਾ ਹੈ। ਦੂਜੇ ਪਾਸੇ, ਜੇ ਰਸੋਈ ਦੱਖਣ ਜਾਂ ਪੱਛਮ ਵੱਲ ਹੋਵੇ ਤਾਂ ਪੀਲਾ ਰੰਗ ਲਾਭਦਾਇਕ ਮੰਨਿਆ ਜਾਂਦਾ ਹੈ, ਜੋ ਸ਼ਾਂਤੀ, ਸਥਿਰਤਾ ਅਤੇ ਪਰਿਵਾਰਕ ਸੁਖ-ਸ਼ਾਂਤੀ ਦਾ ਪ੍ਰਤੀਕ ਹੈ।
ਰਸੋਈ ਲਈ ਰੰਗ ਚੁਣਦੇ ਸਮੇਂ ਵੀ ਸਾਵਧਾਨੀ ਜ਼ਰੂਰੀ ਹੈ। ਹਲਕਾ ਪੀਲਾ, ਸੰਤਰੀ ਜਾਂ ਨਰਮ ਲਾਲ ਰੰਗ ਅਗਨੀ ਤੱਤ ਨੂੰ ਮਜ਼ਬੂਤ ਕਰਦੇ ਹਨ ਅਤੇ ਪਾਚਨ ਪ੍ਰਕਿਰਿਆ ਨੂੰ ਸੁਧਾਰਦੇ ਹਨ। ਇਸਦੇ ਉਲਟ ਨੀਲਾ ਅਤੇ ਕਾਲਾ ਰੰਗ ਰਸੋਈ ਲਈ ਅਸ਼ੁੱਭ ਮੰਨੇ ਜਾਂਦੇ ਹਨ, ਕਿਉਂਕਿ ਇਹ ਅਗਨੀ ਤੱਤ ਨੂੰ ਕਮਜ਼ੋਰ ਕਰ ਸਕਦੇ ਹਨ ਅਤੇ ਨਕਾਰਾਤਮਕ ਊਰਜਾ ਵਧਾਉਂਦੇ ਹਨ।
ਇਸ ਤੋਂ ਇਲਾਵਾ, ਗੈਸ ਚੁੱਲ੍ਹਾ ਹਮੇਸ਼ਾ ਦੱਖਣ-ਪੂਰਬ ਦਿਸ਼ਾ ਵਿੱਚ ਹੋਣਾ ਚਾਹੀਦਾ ਹੈ ਅਤੇ ਪਾਣੀ ਤੇ ਅੱਗ ਦੇ ਸਰੋਤ ਇੱਕ-ਦੂਜੇ ਦੇ ਬਹੁਤ ਨੇੜੇ ਨਹੀਂ ਹੋਣੇ ਚਾਹੀਦੇ। ਰਸੋਈ ਦੀ ਸਫਾਈ ਵੀ ਬਹੁਤ ਜ਼ਰੂਰੀ ਹੈ। ਟੁੱਟੇ ਭਾਂਡੇ, ਕਬਾੜ ਜਾਂ ਬੇਤਰਤੀਬ ਚੀਜ਼ਾਂ ਰੱਖਣ ਨਾਲ ਤਣਾਅ ਅਤੇ ਵਿੱਤੀ ਸਮੱਸਿਆਵਾਂ ਵਧ ਸਕਦੀਆਂ ਹਨ।
ਰਸੋਈ ਵਿੱਚ ਪੂਰੀ ਰੌਸ਼ਨੀ, ਵਧੀਆ ਵੈਂਟੀਲੇਸ਼ਨ ਅਤੇ ਥੋੜ੍ਹੀ ਬਹੁਤ ਹਰਿਆਲੀ ਨੂੰ ਵੀ ਸ਼ੁਭ ਮੰਨਿਆ ਜਾਂਦਾ ਹੈ। ਛੋਟੇ ਪੌਦੇ ਜਾਂ ਹਲਕੀ ਸਜਾਵਟ ਘਰ ਵਿੱਚ ਸਕਾਰਾਤਮਕ ਮਾਹੌਲ ਬਣਾਉਂਦੀ ਹੈ। ਸਹੀ ਦਿਸ਼ਾ, ਰੰਗ ਅਤੇ ਸਫਾਈ ਨਾਲ ਰਸੋਈ ਨੂੰ ਊਰਜਾ ਦਾ ਸਰੋਤ ਬਣਾਇਆ ਜਾ ਸਕਦਾ ਹੈ, ਜੋ ਸਿਹਤ ਅਤੇ ਖੁਸ਼ਹਾਲੀ ਲਿਆਉਂਦਾ ਹੈ।
ਨੋਟ: ਉੱਪਰ ਦਿੱਤੀ ਜਾਣਕਾਰੀ ਆਮ ਧਾਰਣਾਵਾਂ ’ਤੇ ਅਧਾਰਿਤ ਹੈ। ਕਿਸੇ ਵੀ ਉਪਾਅ ਨੂੰ ਅਪਣਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂ ਦੀ ਸਲਾਹ ਲੈਣਾ ਉਚਿਤ ਰਹੇਗਾ।
