10ਵੀਂ ਪਾਸ ਨੌਜਵਾਨਾਂ ਲਈ ਵੱਡਾ ਮੌਕਾ: SSC ਵੱਲੋਂ GD ਕਾਂਸਟੇਬਲ ਭਰਤੀ ਲਈ ਨੋਟੀਫਿਕੇਸ਼ਨ ਜਾਰੀ, ਜਲਦੀ ਕਰੋ ਅਪਲਾਈ

26 ਦਸੰਬਰ, 2025 ਅਜ ਦੀ ਆਵਾਜ਼

Education Desk:  10ਵੀਂ ਪਾਸ ਨੌਜਵਾਨਾਂ ਲਈ ਸਰਕਾਰੀ ਨੌਕਰੀ ਦਾ ਸੁਨਹਿਰੀ ਮੌਕਾ ਹੈ। ਸਟਾਫ ਸਿਲੈਕਸ਼ਨ ਕਮਿਸ਼ਨ (SSC) ਨੇ GD ਕਾਂਸਟੇਬਲ ਭਰਤੀ 2026 ਲਈ ਅਧਿਕਾਰਤ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ। ਜੋ ਉਮੀਦਵਾਰ ਕਿਸੇ ਕਾਰਨ ਕਰਕੇ ਹੁਣ ਤੱਕ ਅਪਲਾਈ ਨਹੀਂ ਕਰ ਸਕੇ, ਉਨ੍ਹਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਆਖਰੀ ਮਿਤੀ ਤੋਂ ਪਹਿਲਾਂ ਆਪਣੀ ਆਨਲਾਈਨ ਅਰਜ਼ੀ ਜ਼ਰੂਰ ਭਰ ਲੈਣ।

SSC ਨੇ ਸਾਫ਼ ਕੀਤਾ ਹੈ ਕਿ ਆਖਰੀ ਦਿਨਾਂ ਵਿੱਚ ਤਕਨੀਕੀ ਸਮੱਸਿਆ ਆਉਣ ਦੀ ਸੂਰਤ ਵਿੱਚ ਕਮਿਸ਼ਨ ਜ਼ਿੰਮੇਵਾਰ ਨਹੀਂ ਹੋਵੇਗਾ ਅਤੇ ਅਪਲਾਈ ਕਰਨ ਦੀ ਮਿਤੀ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਜਾਵੇਗਾ।

ਯੋਗਤਾ ਕੀ ਹੈ?

SSC GD ਕਾਂਸਟੇਬਲ ਦੇ ਅਹੁਦਿਆਂ ਲਈ ਅਪਲਾਈ ਕਰਨ ਵਾਸਤੇ ਉਮੀਦਵਾਰ ਦਾ ਕਿਸੇ ਮਾਨਤਾ ਪ੍ਰਾਪਤ ਬੋਰਡ ਤੋਂ 10ਵੀਂ (ਮੈਟ੍ਰਿਕ) ਪਾਸ ਹੋਣਾ ਲਾਜ਼ਮੀ ਹੈ।
ਉਮਰ ਸੀਮਾ ਹੇਠਾਂ ਦਿੱਤੀ ਗਈ ਹੈ:

• ਘੱਟੋ-ਘੱਟ ਉਮਰ: 18 ਸਾਲ

• ਵੱਧ ਤੋਂ ਵੱਧ ਉਮਰ: 23 ਸਾਲ
  ਰਾਖਵੀਂ ਸ਼੍ਰੇਣੀਆਂ (SC/ST/OBC ਆਦਿ) ਦੇ ਉਮੀਦਵਾਰਾਂ ਨੂੰ ਸਰਕਾਰੀ ਨਿਯਮਾਂ ਅਨੁਸਾਰ ਉਮਰ ਵਿੱਚ ਛੂਟ ਮਿਲੇਗੀ।

ਕਿਵੇਂ ਕਰੀਏ ਅਪਲਾਈ?

ਉਮੀਦਵਾਰ ssc.gov.in ਵੈੱਬਸਾਈਟ ਰਾਹੀਂ ਆਨਲਾਈਨ ਅਪਲਾਈ ਕਰ ਸਕਦੇ ਹਨ।
ਅਪਲਾਈ ਕਰਨ ਦੀ ਪ੍ਰਕਿਰਿਆ ਇਹ ਹੈ:

• ਅਧਿਕਾਰਤ ਵੈੱਬਸਾਈਟ ’ਤੇ ਜਾਓ

• ‘Apply’ ਲਿੰਕ ’ਤੇ ਕਲਿੱਕ ਕਰੋ

• ਨਵੇਂ ਉਮੀਦਵਾਰ ਪਹਿਲਾਂ ਰਜਿਸਟ੍ਰੇਸ਼ਨ ਕਰਨ

• ਲੌਗਇਨ ਕਰਕੇ ਫਾਰਮ ਭਰੋ

• ਫੀਸ ਜਮ੍ਹਾਂ ਕਰਵਾ ਕੇ ਫਾਰਮ ਦਾ ਪ੍ਰਿੰਟ ਲੈ ਲਓ

ਅਪਲਾਈ ਫੀਸ

• ਜਨਰਲ / OBC / EWS: 100 ਰੁਪਏ

• SC / ST ਅਤੇ ਮਹਿਲਾ ਉਮੀਦਵਾਰ: ਕੋਈ ਫੀਸ ਨਹੀਂ

ਕੁੱਲ ਅਹੁਦੇ: 25,487

ਇਸ ਭਰਤੀ ਰਾਹੀਂ ਵੱਖ-ਵੱਖ ਸੁਰੱਖਿਆ ਬਲਾਂ ਵਿੱਚ ਅਹੁਦੇ ਭਰੇ ਜਾਣਗੇ:

• CISF: 14,595

• CRPF: 5,490

• BSF: 616

• SSB: 1,764

• ITBP: 1,293

• Assam Rifles: 1,706

• SSF: 23

SSC GD ਕਾਂਸਟੇਬਲ ਭਰਤੀ 2026 ਦੇਸ਼ ਦੀ ਸੇਵਾ ਕਰਨ ਦੀ ਇੱਛਾ ਰੱਖਣ ਵਾਲੇ ਨੌਜਵਾਨਾਂ ਲਈ ਵੱਡਾ ਮੌਕਾ ਹੈ। ਯੋਗ ਉਮੀਦਵਾਰ ਸਮੇਂ ਸਿਰ ਅਪਲਾਈ ਕਰਕੇ ਇਸ ਮੌਕੇ ਦਾ ਲਾਭ ਉਠਾ ਸਕਦੇ ਹਨ।