17 ਦਸੰਬਰ, 2025 ਅਜ ਦੀ ਆਵਾਜ਼
Lifestyle Desk: ਸੇਬ ਨੂੰ ਸਿਹਤ ਲਈ ਬਹੁਤ ਹੀ ਲਾਭਕਾਰੀ ਫਲ ਮੰਨਿਆ ਜਾਂਦਾ ਹੈ। ਇਸ ਵਿੱਚ ਮੌਜੂਦ ਪੋਸ਼ਕ ਤੱਤ ਸਰੀਰ ਨੂੰ ਤੰਦਰੁਸਤ ਰੱਖਣ ਵਿੱਚ ਮਦਦ ਕਰਦੇ ਹਨ, ਇਸੇ ਲਈ ਡਾਕਟਰ ਵੀ ਰੋਜ਼ਾਨਾ ਖੁਰਾਕ ਵਿੱਚ ਸੇਬ ਸ਼ਾਮਲ ਕਰਨ ਦੀ ਸਲਾਹ ਦਿੰਦੇ ਹਨ। ਆਮ ਤੌਰ ’ਤੇ ਅਸੀਂ ਬਾਜ਼ਾਰ ਵਿੱਚ ਲਾਲ ਜਾਂ ਹਰੇ ਰੰਗ ਦੇ ਸੇਬ ਵੇਖਦੇ ਹਾਂ, ਪਰ ਦੁਨੀਆ ਵਿੱਚ ਸੇਬ ਦੀ ਇੱਕ ਐਸੀ ਦੁਰਲੱਭ ਕਿਸਮ ਵੀ ਮੌਜੂਦ ਹੈ, ਜਿਸ ਦਾ ਰੰਗ ਲਗਭਗ ਕਾਲਾ ਹੁੰਦਾ ਹੈ।
ਇਸ ਖਾਸ ਸੇਬ ਨੂੰ ਬਲੈਕ ਡਾਇਮੰਡ ਐਪਲ (Black Diamond Apple) ਕਿਹਾ ਜਾਂਦਾ ਹੈ। ਇਹ ਆਮ ਸੇਬਾਂ ਨਾਲੋਂ ਕਾਫੀ ਮਹਿੰਗਾ ਹੁੰਦਾ ਹੈ ਅਤੇ ਇਸ ਦੀ ਕੀਮਤ 500 ਤੋਂ 700 ਰੁਪਏ ਪ੍ਰਤੀ ਪੀਸ ਤੱਕ ਦੱਸੀ ਜਾਂਦੀ ਹੈ। ਇਸ ਕਾਰਨ ਇਸਨੂੰ ਦੁਨੀਆ ਦੇ ਸਭ ਤੋਂ ਮਹਿੰਗੇ ਸੇਬਾਂ ਵਿੱਚ ਸ਼ਾਮਲ ਕੀਤਾ ਜਾਂਦਾ ਹੈ।
ਬਲੈਕ ਡਾਇਮੰਡ ਸੇਬ ਕਿੱਥੋਂ ਆਉਂਦਾ ਹੈ?
ਬਲੈਕ ਡਾਇਮੰਡ ਸੇਬ ‘ਹੁਆ ਨਿਊ’ (Hua Niu) ਕਿਸਮ ਨਾਲ ਸੰਬੰਧਿਤ ਹੈ। ਇਹ ਖਾਸ ਤੌਰ ’ਤੇ ਤਿੱਬਤ ਦੇ ਨਿੰਗਚੀ ਖੇਤਰ ਵਿੱਚ, ਸਮੁੰਦਰ ਤਲ ਤੋਂ ਲਗਭਗ 3,500 ਮੀਟਰ ਤੋਂ ਵੱਧ ਉਚਾਈ ’ਤੇ ਉਗਾਇਆ ਜਾਂਦਾ ਹੈ। ਉੱਚਾਈ, ਤੇਜ਼ ਯੂਵੀ ਕਿਰਨਾਂ ਅਤੇ ਤਾਪਮਾਨ ਵਿੱਚ ਤੇਜ਼ ਬਦਲਾਅ ਕਾਰਨ ਇਸ ਸੇਬ ਦੀ ਛਿਲਕ ਗੂੜ੍ਹੀ ਜਾਮਣੀ ਤੋਂ ਕਾਲੀ ਦਿਸਦੀ ਹੈ, ਜਦਕਿ ਅੰਦਰੋਂ ਇਹ ਸੇਬ ਚਿੱਟਾ, ਰਸੀਲਾ ਅਤੇ ਮਿੱਠਾ ਹੁੰਦਾ ਹੈ।
ਬਲੈਕ ਡਾਇਮੰਡ ਸੇਬ ਦੇ ਸਿਹਤਮੰਦ ਫਾਇਦੇ:
-
ਐਂਟੀ-ਆਕਸੀਡੈਂਟਸ ਨਾਲ ਭਰਪੂਰ:
ਇਸ ਦਾ ਕਾਲਾ ਰੰਗ ਐਂਥੋਸਾਇਨਿਨ ਕਾਰਨ ਹੁੰਦਾ ਹੈ, ਜੋ ਤਾਕਤਵਰ ਐਂਟੀ-ਆਕਸੀਡੈਂਟ ਹਨ। ਇਹ ਸਰੀਰ ਨੂੰ ਫ੍ਰੀ ਰੈਡੀਕਲਜ਼ ਤੋਂ ਬਚਾਉਂਦੇ ਹਨ ਅਤੇ ਗੰਭੀਰ ਬਿਮਾਰੀਆਂ ਦੇ ਖਤਰੇ ਨੂੰ ਘਟਾਉਂਦੇ ਹਨ। -
ਪਾਚਨ ਤੰਤਰ ਲਈ ਲਾਭਦਾਇਕ:
ਫਾਈਬਰ ਨਾਲ ਭਰਪੂਰ ਹੋਣ ਕਾਰਨ ਇਹ ਸੇਬ ਪਾਚਨ ਨੂੰ ਸੁਧਾਰਦਾ ਹੈ, ਕਬਜ਼ ਤੋਂ ਰਾਹਤ ਦਿੰਦਾ ਹੈ ਅਤੇ ਵਜ਼ਨ ਘਟਾਉਣ ਵਿੱਚ ਵੀ ਮਦਦਗਾਰ ਸਾਬਤ ਹੁੰਦਾ ਹੈ। -
ਇਮਿਊਨਿਟੀ ਵਧਾਉਂਦਾ ਹੈ:
ਵਿਟਾਮਿਨ C ਅਤੇ ਹੋਰ ਪੌਸ਼ਟਿਕ ਤੱਤ ਸਰੀਰ ਦੀ ਰੋਗ-ਪ੍ਰਤੀਰੋਧਕ ਸ਼ਕਤੀ ਨੂੰ ਮਜ਼ਬੂਤ ਬਣਾਉਂਦੇ ਹਨ, ਜਿਸ ਨਾਲ ਇਨਫੈਕਸ਼ਨ ਤੋਂ ਬਚਾਵ ਹੁੰਦਾ ਹੈ। -
ਦਿਲ ਦੀ ਸਿਹਤ ਲਈ ਫਾਇਦੇਮੰਦ:
ਇਸ ਵਿੱਚ ਮੌਜੂਦ ਪੋਟਾਸ਼ੀਅਮ ਅਤੇ ਫਲੇਵੋਨੋਇਡਜ਼ ਬਲੱਡ ਪ੍ਰੈਸ਼ਰ ਨੂੰ ਕਾਬੂ ਵਿੱਚ ਰੱਖਣ ਅਤੇ ਦਿਲ ਦੀਆਂ ਬਿਮਾਰੀਆਂ ਦੇ ਖਤਰੇ ਨੂੰ ਘਟਾਉਣ ਵਿੱਚ ਮਦਦ ਕਰਦੇ ਹਨ।
ਖੂਬਸੂਰਤ ਰੰਗ, ਉੱਚੀ ਕੀਮਤ ਅਤੇ ਬੇਮਿਸਾਲ ਸਿਹਤ ਲਾਭਾਂ ਕਰਕੇ ਬਲੈਕ ਡਾਇਮੰਡ ਸੇਬ ਨੂੰ ਸੱਚਮੁੱਚ “ਸੇਬ ਨਹੀਂ, ਸੋਨਾ” ਕਹਿਣਾ ਗਲਤ ਨਹੀਂ ਹੋਵੇਗਾ।
