06 ਦਸੰਬਰ, 2025 ਅਜ ਦੀ ਆਵਾਜ਼
Health Desk: ਦੇਸ਼ ਦੇ ਕਈ ਹਿੱਸਿਆਂ, ਖ਼ਾਸ ਕਰਕੇ ਦਿੱਲੀ–ਐਨਸੀਆਰ ਵਿੱਚ, ਇਨ੍ਹਾਂ ਦਿਨੀਂ ਹਵਾ ਦਾ ਪ੍ਰਦੂਸ਼ਣ ਕਾਫ਼ੀ ਵਧਿਆ ਹੋਇਆ ਹੈ। ਡਾਕਟਰਾਂ ਦੇ ਅਨੁਸਾਰ ਇਸਦਾ ਸਭ ਤੋਂ ਤੇਜ਼ ਤੇ ਗੰਭੀਰ ਪ੍ਰਭਾਵ ਬੱਚਿਆਂ ‘ਤੇ ਪੈਂਦਾ ਹੈ ਕਿਉਂਕਿ ਉਨ੍ਹਾਂ ਦੇ ਫੇਫ਼ੜੇ ਹਾਲੇ ਪੂਰੀ ਤਰ੍ਹਾਂ ਵਿਕਸਿਤ ਨਹੀਂ ਹੁੰਦੇ। AIIMS ਦਿੱਲੀ ਦੇ ਬਾਲ ਰੋਗ ਵਿਸ਼ੇਸ਼ਗਿਆ ਡਾ. ਹਿਮਾਂਸ਼ੂ ਭਦਾਨੀ ਦਾ ਕਹਿਣਾ ਹੈ ਕਿ ਜਿਥੇ AQI 200 ਤੋਂ ਵੱਧ ਹੈ, ਉੱਥੇ ਬੱਚਿਆਂ ਨੂੰ ਲੰਬੇ ਸਮੇਂ ਲਈ ਬਾਹਰ ਰੱਖਣਾ ਠੀਕ ਨਹੀਂ। ਪ੍ਰਦੂਸ਼ਣ ਦੇ ਬਾਰੀਕ ਕਣ ਬੱਚਿਆਂ ਦੇ ਫੇਫ਼ੜਿਆਂ ਵਿੱਚ ਜਾ ਕੇ ਖਾਂਸੀ, ਸਾਹ ਚੜ੍ਹਣਾ, ਐਲਰਜੀ ਵਗੈਰਾ ਸਮੱਸਿਆਵਾਂ ਨੂੰ ਵਧਾ ਸਕਦੇ ਹਨ। ਜਿਨ੍ਹਾਂ ਬੱਚਿਆਂ ਨੂੰ ਪਹਿਲਾਂ ਤੋਂ ਅਸਥਮਾ, ਬ੍ਰੋਨਕਾਈਟਿਸ ਜਾਂ ਐਲਰਜੀ ਦੀ ਸਮੱਸਿਆ ਹੈ, ਉਨ੍ਹਾਂ ਲਈ ਜੋਖਮ ਹੋਰ ਵੀ ਜ਼ਿਆਦਾ ਹੈ।
ਬੱਚਿਆਂ ਨੂੰ ਸਵੇਰੇ ਤੇ ਸ਼ਾਮ ਬਿਲਕੁਲ ਬਾਹਰ ਨਾ ਭੇਜਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ। ਜੇ AQI 150 ਤੋਂ ਘੱਟ ਹੈ ਤਾਂ ਸੀਮਤ ਸਮੇਂ ਲਈ ਬਾਹਰ ਖੇਡਣ ਦੀ ਇਜਾਜ਼ਤ ਦੇ ਸਕਦੇ ਹੋ। ਬੱਚਿਆਂ ਨੂੰ ਬਾਹਰ ਭੇਜਣ ਲਈ ਸਭ ਤੋਂ ਸੁਰੱਖਿਅਤ ਸਮਾਂ ਸਵੇਰੇ 11 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਮੰਨਿਆ ਗਿਆ ਹੈ, ਹਾਲਾਂਕਿ ਇਹ ਸਮਾਂ ਆਮ ਤੌਰ ‘ਤੇ ਸਕੂਲ ਦਾ ਹੁੰਦਾ ਹੈ, ਇਸ ਲਈ ਛੁੱਟੀ ਦੇ ਦਿਨ ਇਹ ਸਮਾਂ ਬਿਹਤਰ ਹੈ। ਜੇ ਇਹ ਵੀ ਸੰਭਵ ਨਾ ਹੋਵੇ ਤਾਂ ਘਰ ਵਿੱਚ ਹੀ ਇੰਡੋਰ ਗੇਮਾਂ, ਯੋਗਾ ਅਤੇ ਸਾਹ ਦੀਆਂ ਕਸਰਤਾਂ ਕਰਵਾਈਆਂ ਜਾ ਸਕਦੀਆਂ ਹਨ।
ਮਾਤਾ–ਪਿਤਾ ਲਈ ਸਲਾਹ ਹੈ ਕਿ ਅਸਥਮਾ ਜਾਂ ਐਲਰਜੀ ਵਾਲੇ ਬੱਚਿਆਂ ਲਈ ਇਨਹੇਲਰ ਹਮੇਸ਼ਾਂ ਨਾਲ ਰੱਖਣ, ਜੇ ਬਾਹਰ ਜਾਣ ਦੀ ਲੋੜ ਪਏ ਤਾਂ N95 ਮਾਸਕ ਪਹਿਨਾਉਣ ਅਤੇ ਜੇ ਸਾਹ ਲੈਣ ਵਿੱਚ ਥੋੜੀ ਵੀ ਦਿਕ਼ਤ ਮਹਿਸੂਸ ਹੋਵੇ ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰਨ। ਬਿਨਾ ਡਾਕਟਰੀ ਸਲਾਹ ਕੋਈ ਦਵਾਈ ਨਾ ਦੇਣੀ ਚਾਹੀਦੀ। ਜਿਨ੍ਹਾਂ ਬੱਚਿਆਂ ਨੂੰ ਸਾਹ ਦੀ ਬਿਮਾਰੀ ਹੈ, ਉਨ੍ਹਾਂ ਨੂੰ ਬਾਹਰ ਭੇਜਣ ਤੋਂ ਪੂਰੀ ਤਰ੍ਹਾਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਨਾਲ ਹੀ ਬੱਚਿਆਂ ਦੇ ਖੁਰਾਕ ਅਤੇ ਪਾਣੀ ਦੀ ਪੁਰਤੀ ‘ਤੇ ਖਾਸ ਧਿਆਨ ਦੇਣਾ ਬਹੁਤ ਜ਼ਰੂਰੀ ਹੈ।
