25 ਨਵੰਬਰ, 2025 ਅਜ ਦੀ ਆਵਾਜ਼
Health Desk: ਅੱਜਕੱਲ੍ਹ ਖਰਾਬ ਖੁਰਾਕ, ਪ੍ਰਦੂਸ਼ਣ ਅਤੇ ਹਾਰਮੋਨਲ ਤਬਦੀਲੀਆਂ ਕਾਰਨ ਨੌਜਵਾਨਾਂ ਵਿਚ ਐਕਨੀ ਅਤੇ ਪਿੰਪਲਾਂ ਦੀ ਸਮੱਸਿਆ ਤੇਜ਼ੀ ਨਾਲ ਵੱਧ ਰਹੀ ਹੈ। ਅਕਸਰ ਲੋਕ ਐਕਨੀ ਅਤੇ ਪਿੰਪਲਾਂ ਨੂੰ ਇੱਕੋ ਜਿਹੀ ਸਮੱਸਿਆ ਸਮਝ ਲੈਂਦੇ ਹਨ, ਪਰ ਅਸਲ ਵਿਚ ਦੋਵੇਂ ਵੱਖ–ਵੱਖ ਸਕਿਨ ਕਂਡੀਸ਼ਨ ਹਨ ਅਤੇ ਇਨਾਂ ਦਾ ਇਲਾਜ ਵੀ ਵੱਖ ਹੁੰਦਾ ਹੈ। ਐਕਨੀ ਇੱਕ ਲੰਬੇ ਸਮੇਂ ਤੱਕ ਰਹਿਣ ਵਾਲੀ ਸਕਿਨ ਪ੍ਰਾਬਲਮ ਹੈ, ਜਿਸ ਵਿਚ ਚਿਹਰੇ, ਪਿੱਠ ਜਾਂ ਸਰੀਰ ‘ਤੇ ਲਾਲ, ਸੁੱਜੇ ਹੋਏ ਅਤੇ ਦਰਦ ਵਾਲੇ ਕਈ ਦਾਣੇ ਬਣ ਜਾਂਦੇ ਹਨ। ਇਹ ਹਾਰਮੋਨਲ ਗੜਬੜ, ਵੱਧ ਸੀਬਮ ਬਣਨਾ, ਬੈਕਟੀਰੀਆ, ਜੈਨੇਟਿਕ ਕਾਰਣ ਜਾਂ ਅਨਹੈਲਥੀ ਡਾਇਟ ਨਾਲ ਹੁੰਦੀ ਹੈ।
ਉੱਧਰ ਪਿੰਪਲ ਜ਼ਿਆਦਾਤਰ ਆਇਲੀ ਸਕਿਨ, ਧੂੜ–ਮਿੱਟੀ, ਪਸੀਨਾ, ਐਲਰਜੀ ਜਾਂ ਬਾਹਰਲੇ ਫਾਸਟ ਫੂਡ ਦੇ ਵੱਧ ਸੇਵਨ ਕਾਰਨ ਬਣਦੇ ਹਨ। ਪਿੰਪਲ ਇੱਕ–ਇੱਕ ਕਰਕੇ ਨਿਕਲਦੇ ਹਨ ਅਤੇ ਕੁਝ ਦਿਨਾਂ ਵਿਚ ਠੀਕ ਵੀ ਹੋ ਜਾਂਦੇ ਹਨ, ਜਦਕਿ ਐਕਨੀ ਲੰਮਾ ਚੱਲ ਕੇ ਚਿਹਰੇ ‘ਤੇ ਦਾਗ ਛੱਡ ਸਕਦੀ ਹੈ। ਐਕਨੀ ਦੇ ਕਈ ਤਰ੍ਹਾਂ ਦੇ ਰੂਪ ਹੁੰਦੇ ਹਨ—ਜਿਵੇਂ ਬਲੈਕਹੈਡ, ਵ੍ਹਾਈਟਹੈਡ, ਪਪਿਊਲ ਅਤੇ ਪਸਟਿਊਲ—ਜੋ ਕਈ ਵਾਰ ਕਾਫ਼ੀ ਗੰਭੀਰ ਵੀ ਹੋ ਸਕਦੇ ਹਨ।
ਜੇ ਤੁਸੀਂ ਐਕਨੀ ਜਾਂ ਪਿੰਪਲਾਂ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹੋ ਤਾਂ ਆਪਣੀ ਡਾਇਟ ਵਿਚੋਂ ਜੰਕ ਅਤੇ ਤਲੀਆਂ–ਭੁੱਜੀਆਂ ਚੀਜ਼ਾਂ ਘੱਟ ਕਰੋ, ਵੱਧ ਪਾਣੀ ਪੀਓ ਅਤੇ ਚਿਹਰੇ ਦੀ ਕਲੀਨਿੰਗ ‘ਤੇ ਧਿਆਨ ਦਿਓ। ਜੇ ਐਕਨੀ ਲੰਮੇ ਸਮੇਂ ਤੱਕ ਰਹੇ ਜਾਂ ਬਾਰ–ਬਾਰ ਵਧੇ ਤਾਂ ਡਰਮੈਟੋਲੌਜਿਸਟ ਨਾਲ ਮਿਲ ਕੇ ਸਹੀ ਇਲਾਜ ਕਰਵਾਉਣਾ ਜਰੂਰੀ ਹੈ।
