India 21 Nov 2025 AJ DI Awaaj
National Desk : ਹੌਂਡਾ ਨੇ ਆਪਣੀ ਮਸ਼ਹੂਰ ਸਕੂਟਰ ਲਾਈਨਅੱਪ ਦੇ ਇਲੈਕਟ੍ਰਿਕ ਮਾਡਲ Activa E ਦਾ ਉਤਪਾਦਨ ਰੋਕ ਦਿੱਤਾ ਹੈ। ਰਿਪੋਰਟਾਂ ਮੁਤਾਬਕ, ਸ਼ੋਅਰੂਮਾਂ ਨੂੰ ਹੁਣ ਨਵੀਆਂ Activa E ਯੂਨਿਟਾਂ ਭੇਜਣ ਬੰਦ ਹੋ ਚੁੱਕੀਆਂ ਹਨ। ਇਹ ਫ਼ੈਸਲਾ ਲਗਾਤਾਰ ਘਟ ਰਹੀ ਵਿਕਰੀ ਅਤੇ ਇਲੈਕਟ੍ਰਿਕ ਬੁਨਿਆਦੀ ਢਾਂਚੇ ਦੀ ਘਾਟ ਕਾਰਨ ਕੀਤਾ ਗਿਆ ਹੈ।
❌ ਉਤਪਾਦਨ ਕਿਉਂ ਕੀਤਾ ਬੰਦ?
ਫਰਵਰੀ 2025 ਵਿੱਚ ਲਾਂਚ ਹੋਈ Activa E ਨੂੰ Honda ਨੇ Bajaj Chetak, Ola ਅਤੇ Ather ਨਾਲ ਟੱਕਰ ਦੇਣ ਲਈ ਬਾਜ਼ਾਰ ਵਿੱਚ ਲਿਆ ਸੀ। ਪਰ ਸਿਰਫ 6 ਮਹੀਨਿਆਂ ਵਿੱਚ ਹੀ ਇਹ ਸਕੂਟਰ ਕੰਪਨੀ ਲਈ ਚੁਣੌਤੀ ਬਣ ਗਿਆ।
📉 ਵਿਕਰੀ ਨੇ ਤੋੜਿਆ ਹੌਸਲਾ
- ਲਾਂਚ ਤੋਂ ਜੁਲਾਈ 2025 ਤੱਕ Activa E ਦੀਆਂ ਸਿਰਫ 698 ਯੂਨਿਟਾਂ ਹੀ ਵਿਕੀਅਾਂ।
- Honda ਨੇ ਕੁੱਲ 11,168 EV ਯੂਨਿਟਾਂ ਤਿਆਰ ਕੀਤੀਆਂ ਪਰ 5,201 ਹੀ ਵੇਚ ਸਕੀ।
- ਉਮੀਦਾਂ ਤੋਂ ਘੱਟ ਮੰਗ ਦੇ ਕਾਰਨ ਉਤਪਾਦਨ ਬੰਦ ਕਰਨਾ ਪਿਆ।
🏙️ ਸਿਰਫ 3 ਸ਼ਹਿਰਾਂ ਤੱਕ ਸੀਮਿਤ ਵਿਕਰੀ
Activa E ਸ਼ੁਰੂ ਵਿੱਚ ਕੇਵਲ ਬੈਂਗਲੋਰ ਵਿੱਚ ਹੀ ਉਪਲਬਧ ਸੀ।
ਬਾਅਦ ਵਿੱਚ ਮੁੰਬਈ ਅਤੇ ਦਿੱਲੀ ਵਿੱਚ ਲਾਂਚ ਹੋਈ, ਪਰ ਇਸ ਤੋਂ ਬਾਹਰ ਦੇ ਸ਼ਹਿਰਾਂ ਵਿੱਚ ਇੱਕ ਵੀ ਮਾਡਲ ਨਹੀਂ ਪਹੁੰਚਿਆ।
🔋 ਬੈਟਰੀ ਸਵੈਪਿੰਗ ਮਾਡਲ ਬਣਿਆ ਮੁੱਖ ਰੁਕਾਵਟ
Honda ਨੇ Activa E ਨੂੰ ਸਵੈਪੇਬਲ ਬੈਟਰੀ ਸਕੂਟਰ ਵਜੋਂ ਲਾਂਚ ਕੀਤਾ ਸੀ।
- ਸਕੂਟਰ ਨੂੰ ਘਰ ‘ਤੇ ਚਾਰਜ ਕਰਨ ਦਾ ਵਿਕਲਪ ਮੌਜੂਦ ਨਹੀਂ ਸੀ
- ਕੰਪਨੀ ਬੈਟਰੀ ਸਵੈਪਿੰਗ ਸਟੇਸ਼ਨਾਂ ਦਾ ਮਜ਼ਬੂਤ ਨੈੱਟਵਰਕ ਤਿਆਰ ਨਹੀਂ ਕਰ ਸਕੀ
- ਨਤੀਜੇ ਵਜੋਂ, ਖਰੀਦਦਾਰਾਂ ਨੇ ਸਕੂਟਰ ਤੋਂ ਦੂਰ ਰਹਿਣਾ ਹੀ ਬਿਹਤਰ ਸਮਝਿਆ
🔄 Honda ਦੀ EV ਰਣਨੀਤੀ ਵਿੱਚ ਵੱਡਾ ਬਦਲਾਅ ਆਉਣ ਦੀ ਸੰਭਾਵਨਾ
ਕੰਪਨੀ ਵੱਲੋਂ ਉਤਪਾਦਨ ਬੰਦ ਕਰਨ ‘ਤੇ ਅਧਿਕਾਰਕ ਬਿਆਨ ਤਾਂ ਨਹੀਂ ਆਇਆ, ਪਰ ਇਸ਼ਾਰੇ ਮਿਲ ਰਹੇ ਹਨ ਕਿ Honda ਆਪਣੀ EV ਰਣਨੀਤੀ ਨੂੰ ਨਵਾਂ ਰੂਪ ਦੇ ਸਕਦੀ ਹੈ। ਸੰਭਵ ਹੈ ਕਿ:
- Activa E ਦੀ ਅਗਲੀ ਜਨਰੇਸ਼ਨ ਆਵੇ
- ਜਾਂ ਫਿਰ ਬਿਲਕੁਲ ਨਵਾਂ EV ਮਾਡਲ ਲਾਂਚ ਕੀਤਾ ਜਾਵੇ
