ਭਾਰਤ 21 Nov 2025 AJ DI Awaaj
National Desk :ਭਾਰਤੀ ਰੇਲਵੇ ਨੇ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ ਸ਼ਹੀਦੀ ਸਮਾਗਮਾਂ ਲਈ ਵਿਸ਼ੇਸ਼ ਟ੍ਰੇਨਾਂ ਚਲਾਉਣ ਦਾ ਐਲਾਨ ਕੀਤਾ ਹੈ। ਇਹ ਜਾਣਕਾਰੀ ਕੇਂਦਰੀ ਰਾਜ ਮੰਤਰੀ ਰਵਨੀਤ ਬਿੱਟੂ ਨੇ ਦਿੱਤੀ। ਇਹ ਸਪੈਸ਼ਲ ਟ੍ਰੇਨਾਂ ਦਿੱਲੀ ਅਤੇ ਪਟਨਾ ਤੋਂ ਸ੍ਰੀ ਆਨੰਦਪੁਰ ਸਾਹਿਬ ਤੱਕ ਚਲਾਈਆਂ ਜਾਣਗੀਆਂ ਤਾਂ ਜੋ ਸਮਾਗਮਾਂ ਵਿੱਚ ਸ਼ਾਮਲ ਹੋਣ ਆ ਰਹੀ ਸੰਗਤ ਨੂੰ ਸੁਵਿਧਾ ਮਿਲ ਸਕੇ।
ਪਟਨਾ ਸਾਹਿਬ ਸਪੈਸ਼ਲ ਟ੍ਰੇਨ
- ਤਾਰੀਖ: 23 ਨਵੰਬਰ
- ਰਵਾਨਗੀ: ਸਵੇਰੇ 6:40 ਵਜੇ ਪਟਨਾ
- ਪਹੁੰਚ: ਅਗਲੇ ਦਿਨ ਸਵੇਰੇ 4:15 ਵਜੇ ਆਨੰਦਪੁਰ ਸਾਹਿਬ
- ਵਾਪਸੀ: 25 ਨਵੰਬਰ ਰਾਤ 9 ਵਜੇ ਆਨੰਦਪੁਰ ਸਾਹਿਬ ਤੋਂ, ਪੁਰਾਣੀ ਦਿੱਲੀ ਰਾਤ 11:30 ਵਜੇ
- ਰੂਟ ਸਟਾਪ: ਲਖਨਊ, ਮੁਰਾਦਾਬਾਦ, ਅੰਬਾਲਾ
- ਕੋਚ: 22 (ਸਾਰੀਆਂ ਸ਼੍ਰੇਣੀਆਂ)
ਪੁਰਾਣੀ ਦਿੱਲੀ ਸਪੈਸ਼ਲ ਟ੍ਰੇਨ (ਏਸੀ)
- ਤਾਰੀਖਾਂ: 22, 23, 24, 25 ਨਵੰਬਰ
- ਰਵਾਨਗੀ: ਹਰ ਰੋਜ਼ ਸਵੇਰੇ 7 ਵਜੇ ਪੁਰਾਣੀ ਦਿੱਲੀ
- ਪਹੁੰਚ: ਦੁਪਹਿਰ 1:45 ਵਜੇ ਆਨੰਦਪੁਰ ਸਾਹਿਬ
- ਵਾਪਸੀ: ਹਰ ਰੋਜ਼ ਰਾਤ 8:30 ਵਜੇ ਆਨੰਦਪੁਰ ਸਾਹਿਬ ਤੋਂ, ਸਵੇਰੇ 3:15 ਵਜੇ ਦਿੱਲੀ
- ਰੂਟ ਸਟਾਪ: ਸੋਨੀਪਤ, ਪਾਨੀਪਤ, ਕੁਰੂਕਸ਼ੇਤਰ, ਅੰਬਾਲਾ, ਸਰਹਿੰਦ, ਨਿਊ ਮੋਰਿੰਡਾ
- ਕੋਚ: 17 (ਸਾਰੇ ਏਸੀ)
ਕੇਂਦਰੀ ਮੰਤਰੀ ਰਵਨੀਤ ਬਿੱਟੂ ਨੇ ਕਿਹਾ ਕਿ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੀ ਸ਼ਹਾਦਤ ਸੱਚ, ਨਿਆਂ ਅਤੇ ਧਾਰਮਿਕ ਆਜ਼ਾਦੀ ਦਾ ਸਦਾ-ਬਹਾਰ ਸੰਦੇਸ਼ ਹੈ। ਰੇਲਵੇ ਵੱਲੋਂ ਇਹ ਵਿਸ਼ੇਸ਼ ਟ੍ਰੇਨਾਂ ਲੱਖਾਂ ਸ਼ਰਧਾਲੂਆਂ ਦੀ ਯਾਤਰਾ ਨੂੰ ਸੁਗਮ ਤੇ ਸੁਰੱਖਿਅਤ ਬਣਾਉਣ ਲਈ ਚਲਾਈਆਂ ਜਾ ਰਹੀਆਂ ਹਨ, ਜੋ ਸੰਗਤ ਨੂੰ ਵੱਧ ਤੋਂ ਵੱਧ ਸਹੂਲਤ ਅਤੇ ਆਸਾਨੀ ਮੁਹੱਈਆ ਕਰਨਗੀਆਂ।
