India 18 Nov 2025 AJ DI Awaaj
Sports Desk : ਓਲੰਪੀਅਨ ਗੁਰਪ੍ਰੀਤ ਸਿੰਘ ਨੇ 25 ਮੀਟਰ ਸੈਂਟਰ ਫਾਇਰ ਪਿਸਟਲ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਚਾਂਦੀ ਦਾ ਤਗਮਾ ਜਿੱਤਿਆ। ਗੁਰਪ੍ਰੀਤ ਨੇ ਦੋ ਦਿਨਾਂ ਮੁਕਾਬਲੇ ਦੌਰਾਨ ਕੁੱਲ 584 ਅੰਕ ਪ੍ਰਾਪਤ ਕੀਤੇ, ਜਿਸ ਵਿੱਚ 10-ਪੁਆਇੰਟ ਰੇਂਜ ਦੇ 18 ਸ਼ਾਟ ਸ਼ਾਮਲ ਸਨ। ਅੰਤਿਮ ਤੇਜ਼ ਪੜਾਅ ਵਿੱਚ ਉਹ 296 ਅੰਕਾਂ ਨਾਲ ਚਾਂਦੀ ਦੇ ਤਗਮੇ ਉੱਤੇ ਕਾਬਜ਼ ਹੋਏ, ਜਦਕਿ ਯੂਕਰੇਨ ਦੇ ਪਾਵਲੋ ਕੋਰੋਸਟਾਈਲੋਵ ਨੇ 100 ਦਾ ਪੂਰਾ ਸਕੋਰ ਕਰਕੇ ਸੋਨ ਤਗਮਾ ਜਿੱਤਿਆ।
ਇਹ ਗੁਰਪ੍ਰੀਤ ਦਾ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਦੂਜਾ ਵਿਅਕਤੀਗਤ ਤਗਮਾ ਹੈ; ਪਹਿਲਾਂ ਉਹ 2018 ਵਿੱਚ ਚਾਂਗਵੋਨ ਵਿੱਚ 25 ਮੀਟਰ ਸਟੈਂਡਰਡ ਪਿਸਟਲ ਮੁਕਾਬਲੇ ਵਿੱਚ ਚਾਂਦੀ ਜਿੱਤ ਚੁੱਕੇ ਹਨ।
ਭਾਰਤ ਨੇ ਇਸ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਤਿੰਨ ਸੋਨ, ਛੇ ਚਾਂਦੀ ਅਤੇ ਚਾਰ ਕਾਂਸੀ ਸਮੇਤ ਕੁੱਲ 13 ਤਗਮੇ ਜਿੱਤੇ, ਜਿਸ ਨਾਲ ਭਾਰਤ ਚੀਨ ਅਤੇ ਦੱਖਣੀ ਕੋਰੀਆ ਤੋਂ ਬਾਅਦ ਤੀਜੇ ਸਥਾਨ ‘ਤੇ ਰਿਹਾ।
ਹੋਰ ਭਾਰਤੀ ਨਿਸ਼ਾਨੇਬਾਜ਼ਾਂ ਵਿੱਚ ਹਰਪ੍ਰੀਤ ਸਿੰਘ ਨੇ ਨੌਵੇਂ ਸਥਾਨ ‘ਤੇ, ਸਹੀਲ ਚੌਧਰੀ 28ਵੇਂ ਸਥਾਨ ‘ਤੇ ਰਹੇ। ਸਮਰਾਟ ਰਾਣਾ, ਰਵਿੰਦਰ ਸਿੰਘ, ਐਸ਼ਵਰਿਆ ਪ੍ਰਤਾਪ ਸਿੰਘ ਤੋਮਰ, ਅਨੀਸ਼ ਭਾਨਵਾਲਾ, ਗੁਰਪ੍ਰੀਤ ਸਿੰਘ, ਈਸ਼ਾ ਸਿੰਘ ਅਤੇ ਸਮਰਾਟ ਰਾਣਾ ਨੇ ਭਾਰਤ ਲਈ ਚਾਂਦੀ ਦੇ ਤਗਮੇ ਜਿੱਤੇ, ਜਦਕਿ ਈਸ਼ਾ, ਇਲਾਵੇਨਿਲ ਵਾਲਾਰੀਵਨ ਅਤੇ ਵਰੁਣ ਤੋਮਰ ਨੇ ਕਾਂਸੀ ਦੇ ਤਗਮੇ ਪ੍ਰਾਪਤ ਕੀਤੇ।
