ਲੁਧਿਆਣਾ: 19 Sep 2025 AJ DI Awaaj
Punjab Desk : ਮਸ਼ਹੂਰ ਸਿਆਸਤਦਾਨ ਸਿਮਰਜੀਤ ਬੈਂਸ ਨੇ ਆਪਣੇ ਭਰਾ ਨਾਲ ਚੱਲ ਰਹੇ ਲੰਬੇ ਪਰਿਵਾਰਕ ਵਿਵਾਦ ਨੂੰ ਖ਼ਤਮ ਹੋਣ ਦੀ ਪੁਸ਼ਟੀ ਕਰਦਿਆਂ ਸੋਸ਼ਲ ਮੀਡੀਆ ਰਾਹੀਂ ਸੁਲ੍ਹਾ ਦੀ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਦੱਸਿਆ ਕਿ ਲਗਭਗ 22 ਮਹੀਨਿਆਂ ਤੋਂ ਚੱਲ ਰਹੀ ਖਟਾਸ ਅਤੇ ਤਣਾਅ ਹੁਣ ਮੁਕ ਚੁੱਕੀ ਹੈ।
ਸਿਮਰਜੀਤ ਬੈਂਸ ਨੇ ਆਪਣੇ ਵੱਡੇ ਭਰਾ ਅਤੇ ਪੂਰੇ ਬੈਂਸ ਪਰਿਵਾਰ ਦਾ ਧੰਨਵਾਦ ਕਰਦਿਆਂ ਲਿਖਿਆ ਕਿ, “ਇਹ ਤਣਾਅ ਭਰੀ ਦੌਰ ਖ਼ਤਮ ਹੋਇਆ। ਜੋ ਵੀ ਮਿੱਠੇ ਬੋਲ ਬੋਲ ਕੇ, ਜਾਂ ਪਿੱਛੋਂ ਚੁੱਪ ਚਾਪ ਸੁਲ੍ਹਾ ਲਈ ਯਤਨ ਕਰਦੇ ਰਹੇ, ਉਹਨਾਂ ਸਾਰੇ ਸੁਹਿਰਦ ਲੋਕਾਂ ਦਾ ਮੈਂ ਤਹਿ ਦਿਲੋਂ ਆਭਾਰੀ ਹਾਂ।”
ਗੌਰਤਲਬ ਹੈ ਕਿ ਹਾਲ ਹੀ ਵਿੱਚ ਸਿਮਰਜੀਤ ਬੈਂਸ ਦੀ ਕਾਰ ‘ਤੇ ਫਾਇਰਿੰਗ ਹੋਈ ਸੀ, ਜਿਸਦੇ ਦੋਸ਼ ਉਨ੍ਹਾਂ ਦੇ ਵੱਡੇ ਭਰਾ ਉੱਤੇ ਹੀ ਲੱਗੇ ਸਨ। ਇਹ ਵਾਕਿਆ ਬੈਂਸ ਪਰਿਵਾਰ ਦੇ ਜ਼ਮੀਨੀ ਵਿਵਾਦ ਨੂੰ ਲੈ ਕੇ ਕਾਫ਼ੀ ਚਰਚਾ ਵਿੱਚ ਆ ਗਿਆ ਸੀ।
ਹੁਣ, ਬੈਂਸ ਦੀ ਪੋਸਟ ਤੋਂ ਇਹ ਸਾਫ਼ ਹੋ ਜਾਂਦਾ ਹੈ ਕਿ ਪਰਿਵਾਰਕ ਕਲੇਸ਼ ਪਿੱਛੇ ਛੱਡਕੇ, ਉਹ ਨਵੇਂ ਸਿਰੇ ਨਾਲ ਅੱਗੇ ਵਧਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇਹ ਸੁਲ੍ਹਾ ਨਾ ਸਿਰਫ਼ ਪਰਿਵਾਰ ਲਈ, ਸਗੋਂ ਸਮਾਜਕ ਪੱਧਰ ‘ਤੇ ਵੀ ਇੱਕ ਸਕਾਰਾਤਮਕ ਸੰਦੇਸ਼ ਵਜੋਂ ਦੇਖੀ ਜਾ ਰਹੀ ਹੈ।
