27 ਜੁਲਾਈ 2025 , Aj Di Awaaj
Punjab Desk: ਪੰਜਾਬ ‘ਚ ਭਾਰੀ ਮੀਂਹ ਦੀ ਚੇਤਾਵਨੀ, ਕਈ ਜ਼ਿਲ੍ਹੇ ਚੱਕਰਵਾਤੀ ਸਰਗਰਮੀ ਦੀ ਚਪੇਟ ‘ਚ – ਮੁੰਬਈ, ਕੇਰਲ, ਰਾਜਸਥਾਨ ਸਣੇ ਕਈ ਰਾਜ ਭਾਰੀ ਬਾਰਿਸ਼ ਨਾਲ ਪ੍ਰਭਾਵਿਤ ਦੇਸ਼ ਭਰ ਵਿੱਚ ਮੌਸਮ ਨੇ ਆਪਣੇ ਰੌਦਰ ਰੂਪ ਧਾਰ ਲਿਆ ਹੈ। ਮੌਨਸੂਨ ਨੇ ਪੂਰਬ ਤੋਂ ਪੱਛਮ, ਦੱਖਣ ਤੋਂ ਉੱਤਰ ਤੱਕ ਭਾਰਤ ਵਿੱਚ ਆਪਣੇ ਪੈਰ ਜਮਾਂ ਲਈਏ ਹਨ। ਪੰਜਾਬ ਵਿੱਚ ਵੀ ਅੱਜ 27 ਜੁਲਾਈ ਤੋਂ ਮੀਂਹ ਦਾ ਨਵਾਂ ਤੇ ਜ਼ੋਰਦਾਰ ਦੌਰ ਸ਼ੁਰੂ ਹੋਣ ਜਾ ਰਿਹਾ ਹੈ। ਭਾਰਤੀ ਮੌਸਮ ਵਿਭਾਗ (IMD) ਅਨੁਸਾਰ, ਅਗਲੇ 24 ਘੰਟਿਆਂ ਵਿੱਚ ਭਾਰੀ ਤੋਂ ਬਹੁਤ ਭਾਰੀ ਮੀਂਹ ਪੈ ਸਕਦੀ ਹੈ।
ਚੱਕਰਵਾਤੀ ਸਰਕੂਲੇਸ਼ਨ ਦੇ ਕਾਰਨ ਪੰਜਾਬ, ਹਰਿਆਣਾ, ਜੰਮੂ-ਕਸ਼ਮੀਰ ਅਤੇ ਦਿੱਲੀ ਸਮੇਤ ਉੱਤਰੀ ਭਾਰਤ ਦੇ ਕਈ ਹਿੱਸਿਆਂ ਵਿੱਚ ਮੌਸਮ ਬਦਲਣ ਵਾਲਾ ਹੈ। ਚੰਡੀਗੜ੍ਹ, ਮੁਹਾਲੀ, ਜ਼ੀਰਕਪੁਰ, ਰਾਜਪੁਰਾ, ਪਟਿਆਲਾ, ਲੁਧਿਆਣਾ, ਸੰਗਰੂਰ, ਪਠਾਨਕੋਟ ਅਤੇ ਗੁਰਦਾਸਪੁਰ ਵਿੱਚ ਅਗਲੇ ਕੁਝ ਘੰਟਿਆਂ ਵਿੱਚ ਭਾਰੀ ਮੀਂਹ ਦੀ ਸੰਭਾਵਨਾ ਹੈ।
ਮੌਸਮ ਵਿਭਾਗ ਨੇ ਚੇਤਾਵਨੀ ਜਾਰੀ ਕਰਦਿਆਂ ਕਿਹਾ ਕਿ ਇਹ ਚੱਕਰਵਾਤੀ ਸਰਗਰਮੀ ਬੰਗਾਲ ਦੀ ਖਾੜੀ ਅਤੇ ਅਰਬ ਸਾਗਰ ਤੋਂ ਉਤਪੰਨ ਹੋਈ ਹੈ, ਜਿਸ ਕਾਰਨ ਮੌਨਸੂਨ ਹੁਣ ਆਪਣੀ ਪੂਰੀ ਗਤਿ ‘ਚ ਹੈ।
ਦੱਖਣੀ ਅਤੇ ਪੂਰਬੀ ਭਾਰਤ ਦੀ ਸਥਿਤੀ:
ਕੇਰਲ, ਓਡੀਸ਼ਾ, ਆਂਧ੍ਰਾ ਪ੍ਰਦੇਸ਼, ਬਿਹਾਰ, ਝਾਰਖੰਡ, ਪੂਰਬੀ ਉੱਤਰ ਪ੍ਰਦੇਸ਼ ਅਤੇ ਪੱਛਮੀ ਬੰਗਾਲ ਵਿੱਚ ਭਾਰੀ ਤੋਂ ਬਹੁਤ ਭਾਰੀ ਬਾਰਿਸ਼ ਹੋ ਰਹੀ ਹੈ। ਕਈ ਥਾਵਾਂ ‘ਤੇ ਹੜ੍ਹ ਵਰਗੀ ਸਥਿਤੀ ਬਣ ਚੁੱਕੀ ਹੈ।
ਮੁੰਬਈ ‘ਚ ਹਾਲਤ ਗੰਭੀਰ:
ਮਹਾਰਾਸ਼ਟਰ ਅਤੇ ਗੋਆ ਵਿੱਚ ਵੀ ਭਾਰੀ ਮੀਂਹ ਜਾਰੀ ਹੈ। ਮੁੰਬਈ ‘ਚ ਲਗਾਤਾਰ ਬਾਰਿਸ਼ ਕਾਰਨ ਜਨਜੀਵਨ ਪ੍ਰਭਾਵਿਤ ਹੋ ਰਿਹਾ ਹੈ।
ਸੜਕਾਂ ਤੇ ਪਾਣੀ ਭਰ ਗਿਆ
ਅੰਧੇਰੀ, ਕੁਰਲਾ, ਗੋਰੇਗਾਂਵ ਸਮੇਤ ਕਈ ਉਪਨਗਰ ਡੁੱਬੇ
ਅੰਧੇਰੀ ਸਬਵੇਅ ਨੂੰ ਵਾਹਨਾਂ ਲਈ ਬੰਦ ਕਰਨਾ ਪਿਆ
ਹਵਾਈ ਉਡਾਣਾਂ ਰੱਦ ਜਾਂ ਮੋੜੀਆਂ ਗਈਆਂ
ਜੁਹੂ ਬੀਚ, ਮਰੀਨ ਡਰਾਈਵ, ਬਾਂਦਰਾ ‘ਚ ਆਵਾਜਾਈ ’ਤੇ ਰੋਕ
ਹੋਰ ਰਾਜਾਂ ਦੀ ਸਥਿਤੀ:
ਗੁਜਰਾਤ, ਰਾਜਸਥਾਨ, ਮੱਧ ਪ੍ਰਦੇਸ਼, ਤਾਮਿਲਨਾਡੂ, ਛੱਤੀਸਗੜ੍ਹ, ਓਡੀਸ਼ਾ, ਤੇਲੰਗਾਨਾ, ਨਾਗਾਲੈਂਡ, ਅਸਾਮ, ਮੇਘਾਲਿਆ, ਮਿਜ਼ੋਰਮ ਅਤੇ ਤ੍ਰਿਪੁਰਾ ਵਿੱਚ ਵੀ ਮੀਂਹ ਦੀ ਭਾਰੀ ਸੰਭਾਵਨਾ ਜਤਾਈ ਗਈ ਹੈ।
ਸਾਵਧਾਨ ਰਹੋ:
ਮੌਸਮ ਵਿਭਾਗ ਵਲੋਂ ਸਮੁੰਦਰੀ ਤੱਟਾਂ ‘ਤੇ ਰਹਿਣ ਵਾਲੇ ਲੋਕਾਂ ਨੂੰ ਜਾਗਰੂਕ ਰਹਿਣ ਦੀ ਅਪੀਲ
ਅਰਬ ਸਾਗਰ ‘ਚ ਉੱਚੀਆਂ ਲਹਿਰਾਂ ਦੀ ਚਿਤਾਵਨੀ
ਸਮੁੰਦਰੀ ਕੰਢੇ ਤੋਂ ਦੂਰ ਰਹਿਣ ਦੀ ਸਲਾਹ
👉 ਸਲਾਹ: ਜ਼ਰੂਰੀ ਸਫ਼ਰ ਤੋਂ ਬਚੋ, ਮੌਸਮ ਅਪਡੇਟ ’ਤੇ ਨਜ਼ਰ ਰਖੋ ਅਤੇ ਐਮਰਜੈਂਸੀ ਦੀ ਸਥਿਤੀ ’ਚ ਨਜ਼ਦੀਕੀ ਮਦਦ ਕੇਂਦਰ ਜਾਂ ਐਮਬੂਲੈਂਸ ਨੰਬਰਾਂ ਨਾਲ ਸੰਪਰਕ ਕਰੋ।
