ਅੱਜ ਦੀ ਆਵਾਜ਼ | 30 ਅਪ੍ਰੈਲ 2025
ਅਕਸ਼ੈ ਤ੍ਰਿਤੀਆ ‘ਤੇ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ‘ਚ ਵਾਧਾ, ਜਾਣੋ ਅੱਜ ਦੇ ਤਾਜ਼ਾ ਰੇਟ ਪਿਛਲੇ ਕੁਝ ਦਿਨਾਂ ਵਿਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ‘ਚ ਗਿਰਾਵਟ ਦੇਖਣ ਨੂੰ ਮਿਲੀ ਸੀ, ਪਰ ਅੱਜ ਅਕਸ਼ੈ ਤ੍ਰਿਤੀਆ ਦੇ ਪਾਵਨ ਦਿਵਸ ‘ਤੇ ਦੋਵੇਂ ਕੀਮਤੀ ਧਾਤਾਂ ਦੀਆਂ ਕੀਮਤਾਂ ‘ਚ ਵਾਧਾ ਦਰਜ ਕੀਤਾ ਗਿਆ ਹੈ। ਵਧਦੀ ਮੰਗ ਅਤੇ ਵਿਆਹ ਦੇ ਸੀਜ਼ਨ ਕਾਰਨ ਚਾਂਦੀ ਫਿਰ ਤੋਂ 1 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਨੇੜੇ ਪਹੁੰਚ ਗਈ ਹੈ, ਜਦਕਿ ਸੋਨਾ ਵੀ ਆਪਣੇ ਉੱਚੇ ਪੱਧਰ ‘ਤੇ ਕਾਇਮ ਹੈ।
ਜੌਹਰੀ ਪੂਰਨਮਲ ਸੋਨੀ ਅਨੁਸਾਰ, ਅਕਸ਼ੈ ਤ੍ਰਿਤੀਆ ਮੌਕੇ ਲੋਕ ਸੋਨੇ-ਚਾਂਦੀ ਦੀ ਖਰੀਦ ਨੂੰ ਸ਼ੁਭ ਮੰਨਦੇ ਹਨ, ਜਿਸ ਕਰਕੇ ਮੰਗ ‘ਚ ਵਾਧਾ ਆਉਂਦਾ ਹੈ। ਇਹੀ ਵਜ੍ਹਾ ਹੈ ਕਿ ਅੱਜ ਗਹਿਣਿਆਂ ਦੀਆਂ ਕੀਮਤਾਂ ਵਿੱਚ ਇਜਾਫ਼ਾ ਹੋਇਆ ਹੈ। ਸਰਾਫਾ ਟ੍ਰੇਡਰਜ਼ ਕੰਪਨੀ ਵੱਲੋਂ ਅੱਜ ਦੇ ਤਾਜ਼ਾ ਰੇਟ ਜਾਰੀ ਕਰ ਦਿੱਤੇ ਗਏ ਹਨ।
ਅੱਜ ਦੇ ਤਾਜ਼ਾ ਰੇਟ (ਚੰਡੀਗੜ੍ਹ ਸਰਾਫਾ ਬਾਜ਼ਾਰ):
- ਸ਼ੁੱਧ ਸੋਨਾ (24K): ₹98,040 ਪ੍ਰਤੀ 10 ਗ੍ਰਾਮ
- ਗਹਿਣਿਆਂ ਵਾਲਾ ਸੋਨਾ (22K): ₹89,900 ਪ੍ਰਤੀ 10 ਗ੍ਰਾਮ
- ਚਾਂਦੀ: ₹1,00,000 ਪ੍ਰਤੀ ਕਿਲੋਗ੍ਰਾਮ (₹500 ਦੀ ਗਿਰਾਵਟ ਦੇ ਬਾਵਜੂਦ)
ਮਾਹਿਰਾਂ ਦਾ ਮੰਨਣਾ ਹੈ ਕਿ ਸੋਨੇ ਨੇ ਹਾਲ ਹੀ ਵਿੱਚ ਆਪਣੇ ਸਭ ਰਿਕਾਰਡ ਤੋੜ ਦਿੱਤੇ ਹਨ। ਜੇ ਮੰਗ ਐਸੇ ਹੀ ਬਣੀ ਰਹੀ, ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਕੀਮਤਾਂ ਹੋਰ ਵੀ ਵੱਧ ਸਕਦੀਆਂ ਹਨ। ਬਾਜ਼ਾਰ ਵਿੱਚ ਰੌਣਕ ਲੌਟ ਆਈ ਹੈ, ਅਤੇ ਖਰੀਦਦਾਰੀ ਦਾ ਮੌਕਾ ਲੈਣ ਵਾਲਿਆਂ ਲਈ ਇਹ ਸਮਾਂ ਵਧੀਆ ਮੰਨਿਆ ਜਾ ਰਿਹਾ ਹੈ।
