ਅੱਜ ਦੀ ਆਵਾਜ਼ | 08 ਅਪ੍ਰੈਲ 2025
ਫਰੀਦਾਬਾਦ ਵਿਚ ਐਨਟੀ ਕਰਪਸ਼ਨ ਬਿਊਰੋ ਦੀ ਟੀਮ ਨੇ ਟ੍ਰੈਫਿਕ ਪੁਲਿਸ ਦੇ ਹੈੱਡ ਕਾਂਸਟੇਬਲ ਰਣਵੀਰ ਸਿੰਘ ਨੂੰ 8000 ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀਂ ਗ੍ਰਿਫ਼ਤਾਰ ਕਰ ਲਿਆ। ਦੋਸ਼ੀ ਰਣਵੀਰ ਪਾਲੀਵਾਲ ਪਿੰਡ ਦਾ ਨਿਵਾਸੀ ਹੈ ਅਤੇ ਸ਼ਹਿਰ ਦੇ ਜੇਸੀਬੀ ਚੌਂਕ ‘ਤੇ ਡਿਊਟੀ ‘ਤੇ ਤਾਇਨਾਤ ਸੀ। ਸ਼ਿਕਾਇਤਕਰਤਾ ਅਜੀਤ ਸਿੰਘ, ਜੋ ਕਿ ਪਿੰਡ ਬਦਰੋਲਾ ਦਾ ਵਸਨੀਕ ਹੈ ਅਤੇ ਪਾਣੀ ਦੇ ਟੈਂਕਰ ਰਾਹੀਂ ਸਪਲਾਈ ਕਰਨ ਦਾ ਕੰਮ ਕਰਦਾ ਹੈ, ਨੇ ਦੱਸਿਆ ਕਿ ਰਣਵੀਰ ਨੇ ਉਸ ਦੇ ਨਵੇਂ ਟੈਂਕਰ ਨੂੰ ਚਲਾਉਣ ਤੋਂ ਰੋਕਣ ਦੀ ਧਮਕੀ ਦਿੱਤੀ ਸੀ ਅਤੇ ਇਸ ਦੇ ਬਦਲੇ 8000 ਰੁਪਏ ਦੀ ਰਿਸ਼ਵਤ ਮੰਗੀ। ਅਜੀਤ ਸਿੰਘ ਨੇ ਇਹ ਗੱਲ ਭ੍ਰਿਸ਼ਟਾਚਾਰ ਨਿਵਾਰਕ ਬਿਊਰੋ ਨੂੰ ਦੱਸੀ, ਜਿਸ ਤੋਂ ਬਾਅਦ ਏਸੀਬੀ ਨੇ ਕਾਰਵਾਈ ਕਰਦਿਆਂ ਉਸਨੂੰ ਨੋਟਾਂ ਉੱਤੇ ਰੰਗੀਨ ਕੇਮੀਕਲ ਲਾ ਕੇ ਭੇਜਿਆ। ਜਦੋਂ ਅਜੀਤ ਸਿੰਘ ਨੇ ਰਣਵੀਰ ਨੂੰ ਰਿਸ਼ਵਤ ਦਿੱਤੀ, ਤਦੋਂ ਏਸੀਬੀ ਦੀ ਟੀਮ ਨੇ ਤੁਰੰਤ ਉਸਨੂੰ ਕਾਬੂ ਕਰ ਲਿਆ। ਫਿਲਹਾਲ ਰਣਵੀਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਅੱਜ ਉਸਨੂੰ ਅਦਾਲਤ ‘ਚ ਪੇਸ਼ ਕੀਤਾ ਜਾਵੇਗਾ।
